ସିଓଲ,୩।୭ : ଇଣ୍ଟରନେଟର ଯୁଗରେ, ଲୋକଙ୍କ ମଧ୍ୟରେ ବହି ପ୍ରତି ଆଗ୍ରହ ଦ୍ରୁତ ଗତିରେ କମିଯାଉଛି। ଲାଇବ୍ରେରୀଗୁଡ଼ିକ ଅଦରକାରୀ ହେବାରେ ଲାଗିଛି। ଏଭଳି ପରିସ୍ଥିତିରେ ଦକ୍ଷିଣ କୋରିଆ ନିଜ ଲୋକଙ୍କୁ ପୁସ୍ତକ ସହିତ ଯୋଡିବା ଏବଂ ଏହାର ସାହିତ୍ୟ ଶିକ୍ଷା ଦେବା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛି।
ଏହି ଅଭିଯାନରେ, ସରକାରଙ୍କ ଧ୍ୟାନ ନୂତନ ପିଢ଼ି ଉପରେ ଅଛି। ସେମାନେ ଲାଇବ୍ରେରୀ ଯିବା ପରିବର୍ତ୍ତେ ମଲ ଯିବାକୁ ପସନ୍ଦ କରୁଛନ୍ତି। ଏହି କାରଣରୁ ସରକାର ମଲରେ ଲାଇବ୍ରେରୀ ନିର୍ମାଣ ଆରମ୍ଭ କରିଛନ୍ତି। ବର୍ତ୍ତମାନ, ସିଓଲର ସର୍ବବୃହତ କୋଏକ୍ସ ମଲରେ ଏଭଳି ଏକ ବଡ଼ ଲାଇବ୍ରେରୀ ଖୋଲାଯାଇଛି, ଯେଉଁଠାରେ ପ୍ରତିଦିନ ବହୁ ସଂଖ୍ୟାରେ ଲୋକ ପଢ଼ିବାକୁ ଆସୁଛନ୍ତି ।
ମଲରେ ଖୋଲାଯାଇଥିବା ଏହି ଲାଇବ୍ରେରୀର ନାମ ହେଉଛି ଷ୍ଟାରଫିଲ୍ଡ ଲାଇବ୍ରେରୀ । ବର୍ତ୍ତମାନ ଏଥିରେ ପ୍ରାୟ ତିନି ଲକ୍ଷ ପୁସ୍ତକ ଅଛି । ଏହି ପୁସ୍ତକଗୁଡ଼ିକ ମଧ୍ୟରୁ ଅଧିକାଂଶ କୋରିଆ ଭାଷାରେ ଥିବାବେଳେ ପ୍ରାୟ ଦଶ ହଜାର ପୁସ୍ତକ ମଧ୍ୟ ଇଂରାଜୀ ଭାଷାରେ ଅଛି । ଏହି ଲାଇବ୍ରେରୀର ବିଶେଷତ୍ୱ ହେଉଛି ଏହା ସାଧାରଣ ଲାଇବ୍ରେରୀ ଅପେକ୍ଷା ଅଧିକ ଆକର୍ଷଣୀୟ ହୋଇଛି । ଏହାକୁ ଦୂରରୁ ଦେଖି ଲୋକମାନେ ଏହା ପ୍ରତି ଆକର୍ଷିତହେଉଛନ୍ତି ।
ଶପିଂ ପରେ, ଲୋକମାନେ ଏଠାକୁ ଆସି କିଛି ସମୟ ବହି ପଢୁଛନ୍ତି। ଅନ୍ୟ ଲାଇବ୍ରେରୀଗୁଡ଼ିକ ପରି, ପଢ଼ିବା ପାଇଁ ଏଠାରେ ଟେବୁଲ ଏବଂ ଚେୟାର ଅଛି। ଲାଇବ୍ରେରୀରେ କାର୍ଯ୍ୟ କରୁଥିବା ଜଣେ ସ୍ଥାନୀୟ କର୍ମଚାରୀ କହିଛନ୍ତି ଏହା ପ୍ରାୟ ସାତ ବର୍ଷ ପୂର୍ବେ ଆରମ୍ଭ ହୋଇଥିଲା। ପ୍ରାରମ୍ଭରେ, ବହୁତ ଲୋକ ଏଠାକୁ ଆସୁଥିଲେ, କିନ୍ତୁ ବର୍ତ୍ତମାନ ଏହା ଯୁବବର୍ଗମାନଙ୍କ ଆଗ୍ରହର ଏକ ପ୍ରମୁଖ କେନ୍ଦ୍ରରେ ପରିଣତ ହୋଇଛି ।
ବହୁ ସଂଖ୍ୟକ ଯୁବବର୍ଗ ସେମାନଙ୍କ ପରିବାର ସହିତ ଏଠାକୁ ଆସୁଛନ୍ତି । ସେମାନଙ୍କ ମଧ୍ୟରେ ପିଲାମାନେ ମଧ୍ୟ ଅଛନ୍ତି। ପିଲାମାନଙ୍କର ପ ପଢ଼ିବା କିମ୍ବା ଚିତ୍ର କରିବା ପାଇଁ ଲାଇବ୍ରେରୀରେ ସାମଗ୍ରୀ ଅଛି।
