Posted inଖେଳ

ଭାରତର ରୋମାଞ୍ଚକ ବିଜୟ

ମୁମ୍ବାଇ, ୪।୧: ଦୀପକ ହୁଦା ଓ ଅକ୍ଷର ପଟେଲଙ୍କ ଦୃଢ଼ ବ୍ୟାଟିଂ ପରେ ପଦାର୍ପଣକାରୀ ଶିବମ୍‌ ମାଭିଙ୍କ ଚମତ୍କାର ବୋଲିଂ ବଳରେ ଭାରତ ମଙ୍ଗଳବାର ଅନୁଷ୍ଠିତ ସିରିଜର ପ୍ରଥମ ଟି୨୦ କ୍ରିକେଟ ମ୍ୟାଚରେ ଶ୍ରୀଲଙ୍କାକୁ ରୋମାଞ୍ଚକଭାବେ ୨ ରନରେ ପରାସ୍ତ କରିଛି। ଭାରତ ୨୦ ଓଭରରେ ୫ ଉଇକେଟ ହରାଇ ୧୬୨ ରନ କରିଥିଲା। ଜବାବରେ ଶ୍ରୀଲଙ୍କା ୨୦ ଓଭରରେ ୧୬୦ ରନକରି ଅଲ୍‌ଆଉଟ ହୋଇ ଯାଇଥିଲା।
ପଦାର୍ପଣରେ ମାଭି ପ୍ରଭାବୀ
୧୬୩ ରନ ବିଜୟ ଲକ୍ଷ୍ୟନେଇ ବ୍ୟାଟିଂ କରିଥିବା ଶ୍ରୀଲଙ୍କା ୨୪ ରନରେ ୨ଟି ଉଇକେଟ ହରାଇ ବ୍ୟାକ୍‌ଫୁଟକୁ ଚାଲି ଯାଇଥିଲା। ୨ଟି ଯାକ ଉଇକେଟ ନେଇଥିଲେ ଭାରତ ପକ୍ଷରୁ ଟି୨୦ ଅନ୍ତର୍ଜାତୀୟ ପଦାର୍ପଣ କରିଥିବା ଶିବମ୍‌ ମାଭି। ସେ ପଥୁମ ନିଶଙ୍କା (୧)ଙ୍କୁ କ୍ଲିନ୍‌ ବୋଲ୍ଡ କରିଥିବାବେଳେ ଧନଞ୍ଜୟ ଡି’ସିଲ୍‌ଭାଙ୍କୁ ମିଡ୍‌-ଅନ୍‌ରେ ସଞ୍ଜୁ ସାମସନଙ୍କ ହାତରେ କ୍ୟାଚ କରାଇ ପ୍ୟାଭିଲିୟନ ଫେରାଇଥିଲେ। ଚରିଥ ଆଶାଲଙ୍କାଙ୍କୁ ଉଇକେଟ କିପର ଇଶାନ କିଶନଙ୍କ ହାତରେ କ୍ୟାଚ କରାଇ ଉମ୍ରାନ ମଲିକ ବିଦାୟ ପଥ ଦେଖାଇଥିଲେ। ସେହିପରି କୁଶାଲ ମେଣ୍ଡିସ ଓ ପ୍ରତିଭା ସମ୍ପନ୍ନ ଭାନୁକା ରାଜପାକ୍ସାଙ୍କ ଉଇକେଟ ନେଇଥିଲେ ହର୍ଶଲ ପଟେଲ। ଓ୍ବାନିନ୍ଦୁ ହସରଙ୍ଗାଙ୍କୁ ମାଭି ତୃତୀୟ ଶିକାର ବନାଇଥିବାବେଳେ ବିପଜ୍ଜନକ ସାବ୍ୟସ୍ତ ହୋଇ ଆସୁଥିବା ଦସୁନ ସନକା (୪୫ ରନ, ୨୭ ବଲ, ୩ ଚୌକା, ୩ ଛକା)ଙ୍କୁ ଆଉଟ କରି ଉମ୍ରାନ ମ୍ୟାଚକୁ ଭାରତ ନିୟନ୍ତ୍ରଣକୁ ନେଇ ଆସିଥିଲେ। ଶେଷ ୨ ଓଭରରେ ନାଟକୀୟ ଘଟଣାକ୍ରମରେ ମ୍ୟାଚ ବିଭିନ୍ନ ଆଡ଼କୁ ମୋଡ଼ ନେଇଥିଲେ ହେଁ ଶେଷରେ ଭାରତ ବିଜୟୀ ହୋଇଥିଲା। ଭାରତୀୟ ବୋଲରଙ୍କ ମଧ୍ୟରେ ଶିବମ୍‌ ମାଭି ନିଜ ପ୍ରଥମ ମ୍ୟାଚରେ ୪ଟି ଉଇକେଟ ନେଇଥିବାବେଳେ ହର୍ଶଲ ପଟେଲ ଓ ଉମ୍ରାନ ମଲିକ ୨ଟି ଲେଖାଏ ଉଇକେଟ ନେଇଥିଲେ।
ଦୀପକ-ଅକ୍ଷର ସମ୍ମାନ ରଖିଲେ
ଟସ୍‌ ଜିତି ଫିଲ୍ଡିଂ ନିଷ୍ପତ୍ତି ନେଇଥିଲା ଶ୍ରୀଲଙ୍କା। ବୋଲରମାନେ ଭଲ ଆରମ୍ଭ କରି ଅଧିନାୟକଙ୍କ ନିଷ୍ପତ୍ତିକୁ ଉଚିତ ସାବ୍ୟସ୍ତ କରିଥିଲେ। ତୃତୀୟ ଓଭରରେ ପଦାର୍ପଣକାରୀ ଶୁବମନ ଗିଲ୍‌(୭)ଙ୍କ ଉଇକେଟ ହରାଇ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟାୟ ସମ୍ମୁଖୀନ ହୋଇଥିବା ଭାରତ ପରେ ସୂର୍ଯ୍ୟକୁମାର ଯାଦବ (୭), ସଞ୍ଜୁ ସାମସନ (୫)ଙ୍କ ଉଇକେଟ ଶୀଘ୍ର ହରାଇବାରୁ ଦ୍ରୁତ ହାରରେ ରନ ସଂଗ୍ରହକରି ପାରି ନ ଥିଲା। ଇଶାନ କିଶନ (୩୭ ରନ, ୨୯ ବଲ, ୩ ଚୌକା, ୨ ଛକା) ଓ ଅଧିନାୟକ ହାର୍ଦ୍ଦିକ ପାଣ୍ଡ୍ୟା (୨୯ ରନ, ୨୭ ବଲ, ୪ ଚୌକା) ଭଲ ଆରମ୍ଭ କରିଥିଲେ ହେଁ ତାହାକୁ ବଡ଼ ସ୍କୋରରେ ପରିଣତ କରିପାରି ନ ଥିଲେ। ଫଳରେ ୧୫ ଓଭର ଶେଷ ବେଳକୁ ଭାରତ ୫ ଉଇକେଟ ହରାଇ ମାତ୍ର ୧୦୧ ରନ କରିପାରିଥିଲା। ତେବେ ଦୀପକ ହୁଦା ଓ ଅକ୍ଷର ପଟେଲ ଅସମାପ୍ତ ୬ଷ୍ଠ ଉଇକେଟରେ ୩୫ ବଲ୍‌ରୁ ୬୮ ରନ ସଂଗ୍ରହ କରିବାରୁ ଭାରତ ଏକ ସମ୍ମାନଜନକ ସ୍କୋରରେ ପହଞ୍ଚତ୍ ପାରିଥିଲା। ଶେଷ ୫ ଓଭରରୁ ଏ ଦୁହେଁ ୬୧ ରନ ସଂଗ୍ରହ କରିଥିଲେ। ହୁଦା ୨୩ ବଲ୍‌ରୁ ୪୧ (୧ ଚୌକା, ୪ ଛକା) ଓ ଅକ୍ଷର ୨୦ ବଲ୍‌ରୁ ୩୧ (୩ ଚୌକା, ୧ ଛକା) ରନକରି ଅପରାଜିତ ରହିଥିଲେ। ଶ୍ରୀଲଙ୍କା ବୋଲରଙ୍କ ମଧ୍ୟରେ ଦିଲସାନ ମଦୁସନକା, ମହେଶ ଥିକସାନା, ଚାମିକା କରୁଣାରନେତ୍, ଧନଞ୍ଜୟ ଡି’ସିଲ୍‌ଭା ଓ ଓ୍ବାନିନ୍ଦୁ ହସରଙ୍ଗା ଗୋଟିଏ ଲେଖାଏ ଉଇକେଟ ନେଇଥିଲେ।
ସଂକ୍ଷିପ୍ତ ସ୍କୋର
ଭାରତ ୨୦ ଓଭରରେ ୧୬୨/୫ (ଦୀପକ ହୁଦା-୪୧*, ଇଶାନ କିଶନ-୩୭, ଅକ୍ଷର ପଟେଲ-୩୧*, ହାର୍ଦ୍ଦିକ ପାଣ୍ଡ୍ୟା-୨୯, ଦିଲସାନ ମଦୁସନକା-୧/୩୫, ମହେଶ ଥିକସାନା-୧/୨୯, ଚାମିକା କରୁଣାରନେତ୍-୧/୨୨, ଧନଞ୍ଜୟ ଡି’ସିଲ୍‌ଭା-୧/୬, ଓ୍ବାନିନ୍ଦୁ ହସରଙ୍ଗା-୧/୨୨)। ଶ୍ରୀଲଙ୍କା ୨୦ ଓଭରରେ ୧୬୦/ଅଲ୍‌ଆଉଟ (ଦସୁନ ସନକା-୪୫, କୁଶାଲ ମେଣ୍ଡିସ-୨୮, ଶିବମ୍‌ ମାଭି-୪/୨୨, ହର୍ଶଲ ପଟେଲ-୨/୪୧, ଉମ୍ରାନ ମଲିକ-୨/୨୭)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ରାଜେଶ ମହାନ୍ତିଙ୍କୁ ୧୦ ଉଇକେଟ ସଫଳତା

ଭୁବନେଶ୍ୱର,୧୧।୧୨(ସ୍ପୋଟର୍‌ସ ବ୍ୟୁରୋ)- ଏଠାରେ ଛତିଶଗଡ଼ ବିପକ୍ଷରେ ଖେଳାଯାଇଥିବା ରଣ୍‌ଜୀ ମ୍ୟାଚ୍‌କୁ ଓଡ଼ିଶା ଦଳ ଏକ ଇନିଂସ ଓ ୩ ରନ୍‌ରେ ଜିତି ନେଇଛି। ବିଜୟୀ ଦଳ...

ସମ୍ପର୍କୀୟ ଭଉଣୀଙ୍କୁ ଉଠାଇ ନେଇ ବିବାହ କରିଥିଲେ ଏହି କ୍ରିକେଟର୍‌

ପାକିସ୍ତାନର ପୂର୍ବତନ ଅଲରାଉଣ୍ଡର ତଥା ଷ୍ଟାର କ୍ରିକେଟର ସହିଦ ଆଫ୍ରିଦି ନିକଟରେ ୫ମ ଥର ପାଇଁ ବାପା ହୋଇଛନ୍ତି। ତାଙ୍କ ପତ୍ନୀ ପୁଣିଥରେ ଏକ କନ୍ୟା...

ଭାରତୀୟ ମହିଳା ହକି ଟିମ୍‌କୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨ା୮(ବ୍ୟୁରୋ): ଟୋକିଓ ଅଲିମ୍ପିକ୍ସରେ ସୋମବାର ଦମ୍‌ଦାର ପ୍ରଦର୍ଶନ କରି ଇତିହାସ ରଚିଛି ଭାରତୀୟ ହକି ଟିମ୍‌ । ଅଲିମ୍ପିକ୍ସରେ ସେମି ଫାଇନାଲରେ ପ୍ରବେଶ କରିବା ପରେ...

ଗଲ୍ଫରୁ ଅର୍ଜୁନ ପାଇଁ ରଶିଦ୍‌, ଆଦିତି, ଦୀକ୍ଷା

ନୂଆଦିଲ୍ଲୀ, ୫ା୬ (ପି.ଟି.)-ଚଳିତବର୍ଷର ଅର୍ଜୁନ ପୁରସ୍କାର ପାଇଁ ଗଲ୍ଫ ଖେଳର ଜାତୀୟ ଫେଡେରେଶନ ରଶିଦ୍‌ ଖାନ୍‌, ଆଦିତି ଅଶୋକ ଏବଂ ଦୀକ୍ଷା ଡାଗରଙ୍କ ନାମ ସୁପାରିସ...

ଆମେରିକା-ଅଷ୍ଟ୍ରେଲିଆ-ବ୍ରିଟେନ୍‌-କାନାଡ଼ା ବେଜିଂ ଅଲିମ୍ପିକ୍ସକୁ କଲେ ବହିଷ୍କାର…

ଓ୍ବାଶିଂଟନ,୯।୧୨: ଚାଇନାରେ ୨୦୨୨ରେ ହେବାକୁଥିବା ଶୀତକାଳୀନ ଅଲିମ୍ପିକ୍ସ ଖେଳକୁ କୂଟନୈତିକ ଭାବରେ ଆମେରିକା-ଅଷ୍ଟ୍ରେଲିଆ-ବ୍ରିଟେନ୍‌-କାନାଡ଼ା ବହିଷ୍କାର କରିଛନ୍ତି। ଏନେି ସମ୍ପୃକ୍ତ ଦେଶ ପକ୍ଷରୁ ଘୋଷଣା କରାଯାଇଛି। ଏଭଳି...

ଓ୍ବେଷ୍ଟଇଣ୍ଡିଜ ଆଗରେ ୧୮୯ ରନ୍‌ ଟାର୍ଗେଟ୍‌

ଲଡରହିଲ, ୭।୮: ଫ୍ଲୋରିଡାରେ ଭାରତ ଏବଂ ଓ୍ବେଷ୍ଟଇଣ୍ଡିଜ ମଧ୍ୟରେ ଖେଳାଯାଉଥିବା ଟି-୨୦ ସିରିଜର ଅନ୍ତିମ ତଥା ପଞ୍ଚମ ମ୍ୟାଚରେ ଭାରତର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଟସ୍‌...

ମିଳିଲା ଭିଜା, ସନ୍ଧ୍ୟାରେ ପହଞ୍ଚିବେ

ମୁମ୍ବାଇ,୨୪।୩: ଇଂଲଣ୍ଡ ଅଲରାଉଣ୍ଡର ମୋଇନ ଅଲିଙ୍କ ଅପେକ୍ଷାର ଅନ୍ତ ଘଟିଛି। ତାଙ୍କୁ ଭାରତ ଗସ୍ତ କରିବା ପାଇଁ ବୁଧବାର ରାତିରେ ଭିଜା ଏବଂ ଅନ୍ୟ ଆବଶ୍ୟକୀୟ...

ବଜରଙ୍ଗ ପୁନିଆ, ଭାଲାରିଭାନ୍‌ ପୁରସ୍କୃତ

ନୂଆଦିଲ୍ଲୀ, ୧୦ା୧୨ (ପି.ଟି.)-ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଥିବା ରେସ୍‌ଲର ବଜରଙ୍ଗ ପୁନିଆ ଓ ଶୁଟର ଇଲାଭେନିଲ ଭାଲାରିଭାନ ଏଫ୍‌ଆଇସିସିଆଇ ଇଣ୍ଡିଆ ସ୍ପୋଟର୍‌ସ ଆଓ୍ବାର୍ଡ...

Advertisement
Archives

Model This Week