ଏଥର ପ୍ରେକ୍ଷାଳୟରେ ଓଲିଉଡ୍‌ ରାଜ୍‌:ପାବାର୍‌, କୁହୁଡ଼ି ଓ ଚନ୍ଦ୍ରବଂଶୀ ଲଢ଼େଇ

ରଜ ସମୟରେ ପିଠା, ମିଠା ଖାଇବା ସହ ସିନେମା ଦେଖିବାର ମଜା ଟିକେ ନିଆରା। ଏହି ସମୟରେ ପ୍ରାୟତଃ ବଡ଼ ବଡ଼ ଷ୍ଟାର୍‌ଙ୍କ ଚଳଚ୍ଚିତ୍ର ପ୍ରେକ୍ଷାଳୟକୁ ଆସିଥାଏ। ଏଥର ମଧ୍ୟ ଓଲିଉଡ୍‌ର ସୁପରଷ୍ଟାରଙ୍କ ମୁଭି ପ୍ରେକ୍ଷାଳୟରେ ଲାଗିବା ଆରମ୍ଭ ହୋଇଗଲାଣି। ଆସନ୍ତା ୧୨ ତାରିଖରେ ପ୍ରେକ୍ଷାଳୟକୁ ବାବୁଶାନ୍‌ ମହାନ୍ତିଙ୍କ ଅଭିନୀତ ଫିଲ୍ମ ‘ପାବାର୍‌’ ଆସିବ। ବାବୁଶାନ ଫିଲ୍ମସ୍‌ ଏବଂ ଆମର ଷ୍ଟୁଡିଓଜ୍‌ ନିବେଦିତ ପାବାର୍‌ରେ ବାବୁଶାନଙ୍କ ବିପକ୍ଷରେ ନାୟିକା ଏଲିନା ରହିଛନ୍ତି। ସାଙ୍ଗରେ କ୍ରିଷ୍ଣା କର, ରବି ମିଶ୍ର, ଚୌଧୁରୀ ଜୟପ୍ରକାଶ ଦାସ ରହିଛନ୍ତି। ଅଶୋକ ପତି ନିର୍ଦ୍ଦେଶନା ଦେଇଥିବାବେଳେ ବାବୁଶାନଙ୍କ ସ୍ତ୍ରୀ ତୃପ୍ତି ଶତପଥୀ ପ୍ରଯୋଜିକା ଅଛନ୍ତି। ମାର୍କେଟରେ ଏବେ ‘ପାବାର୍‌’ ଚଳଚ୍ଚିତ୍ରର ଆଇଟମ୍‌ ସଙ୍ଗ ଲାଲ୍‌ ଟହ ଟହ… ଟ୍ରେଣ୍ଡିଙ୍ଗ ଧରିଛି। ଓଡ଼ିଶାର ଏକ ଛୋଟ ଅଞ୍ଚଳରୁ ବେଣୁଧର କାଣ୍ଡି କିଭଳି ପରିସ୍ଥିତିରେ ପଡ଼ି ରାଜନୀତିରେ ନିଜର ପାବାର୍‌ ଦେଖାଇଛନ୍ତି, ତାହା ଏହି ଚଳଚ୍ଚିତ୍ରରେ ଦେଖିବାକୁ ମିଳିବ।
ରଜରେ ଫ୍ୟାନ୍‌ସମାନଙ୍କୁ ଏଥର ଏକ ସୁନ୍ଦର ଚଳଚ୍ଚିତ୍ର ଭେଟିଦେବେ ଅନ୍ୟତମ ଷ୍ଟାର୍‌ ଅନୁଭବ। ଅନୁଭବଙ୍କ ଅଭିନୀତ ‘କୁହୁଡ଼ି’ ଚଳଚ୍ଚିତ୍ର ପହିଲି ରଜରେ ପ୍ରାକ୍ଷାଳୟକୁ ଆସିବ। ସେ ଏକ ଆଡଭୋକେଟ୍‌ ଚରିତ୍ରରେ ଚଳଚ୍ଚିତ୍ରରେ ନଜର ଆସିଛନ୍ତି। ପ୍ରକୃତି ମିଶ୍ର, ସୁପ୍ରିୟା ନାୟକ, ଶକ୍ତି ବରାଳ, ଦୀପନ୍ବିତ ଦାଶମହାପାତ୍ର, କୁନା ତ୍ରିପାଠୀ, ସୁକୁମାର ଟୁଡୁ, ସୁଶୀଲ ମିଶ୍ର ଭଳି ଅନେକ କଳାକାର ଏହି ଚଳଚ୍ଚିତ୍ରରେ ଦେଖିବାକୁ ମିଳିବେ। ପାରିବାରିକ କହଳ ପାଇଁ କଇଭଳି ଛୋଟ ପିଲାମାନେ ଅନେକ ଅସୁବିଧାର ସମ୍ମୁଖୀନ କରନ୍ତି ତାହା ଏହି ଚଳଚ୍ଚିତ୍ରରେ ମାଧ୍ୟମରେ ଦେଖିବାକୁ ଦର୍ଶକ ପାଇବେ। ସବୁ ବର୍ଗର ଦର୍ଶକ ଏହି ସିନେମାକୁ ଦେଖିପାରିବେ। ଏହାର ପ୍ରଯୋଜକ ହିମାଦ୍ରୀ ତନୟା ଦାସ ରହିଥିବାବେଳେ ନିର୍ଦ୍ଦେଶକ ଅଜୟ ପାଢ଼ୀ ରହିଛନ୍ତି।
ସେହିପରି ପହିଲି ରଜରେ ଓଲିଉଡର ଜଣାଶୁଣା ଚେହାରଙ୍କୁ ନେଇ ରିଲିଜ ହେଉଛି ଚଳଚ୍ଚିତ୍ର ‘ଚନ୍ଦ୍ରବଂଶୀ’। ପ୍ରୀତମ ସାହୁଙ୍କ ପ୍ରଯୋଜିତ ଏବଂ ଅନାମିସ୍‌ ପ୍ରଡକ୍ସନ ନିବେଦିତ ଏହା ହେଉଛି ଚତୁର୍ଥ ସିନେମା। ଅଭିନେତା ସିଦ୍ଧାନ୍ତ ମହାପାତ୍ର, ଶ୍ରୀତମ ଦାସ, ଆକାଶ ଦାସନାୟକ, ଉଷସୀ ମିଶ୍ର, ରାଜ ରାଜେଶ, ପୁନମ୍‌ ମିଶ୍ର, ଜସ୍ମିନ୍‌ ରଥ, ଲିପ୍ସା, ଶକ୍ତି ବରାଳ, ସମରେଶ, ଦୈତାରୀ ପଣ୍ଡା, ପିୟୂଷ ତ୍ରିପାଠୀ ଭଳି ଅନେକ କଳାକାରଙ୍କୁ ଏହି ଚଳଚ୍ଚିତ୍ରରେ ଦେଖିବାକୁ ମିଳିବ। ୟଶ୍‌ ବର୍ମ ପଣ୍ଡା ଏହାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି। ପାଞ୍ଚ ଭାଇ ଅଲଗା ହୋଇ ରହିଥିବା ବେଳେ କିଭଳି ବାପାଙ୍କ ମୃତ୍ୟୁ ପରେ ସମସ୍ତେ ଏକତ୍ରିତ ହୋଇଛନ୍ତି, ତାହା ଏହି ଚଳଚ୍ଚିତ୍ର ମାଧ୍ୟମରେ ଦେଖିବାକୁ ମିଳିବ। ରଜରେ ରିଲିଜ ହେଉଥିବା ଏହି ୩ଟି ଚଳଚ୍ଚିତ୍ର ସମସ୍ତ ବର୍ଗଙ୍କୁ ଦୃଷ୍ଟିରେ ରଖି ପ୍ରସ୍ତୁତ କରାଯାଇଛି। ତେବେ ଦେଖିବାକୁ ଅପେକ୍ଷା ରହିଲା ପ୍ରେକ୍ଷାଳୟର ଏ ଲଢ଼େଇରେ କିଏ ବାଜିମାତ କରୁଛି।


Enter your email to get our daily news in your inbox.

All Right Reserved By Dharitri.Com

ଗୋଲ୍ଡ ସ୍କିମ୍‌ ଜାଲିଆତି: ଶିଳ୍ପା ସେଟ୍ଟୀଙ୍କ ବିରୋଧରେ ତଦନ୍ତ ନିର୍ଦ୍ଦେଶ

ମୁମ୍ବାଇ,୧୩ା୬: ଗୋଲ୍ଡ ସ୍କିମ୍‌ରେ ଜଣେ ଜମାକାରୀଙ୍କୁ ଠକିବା ଅଭିଯୋଗରେ ବଲିଉଡ୍‌ ଅଭିନେତ୍ରୀ ଶିଳ୍ପା ସେଟ୍ଟୀ ଏବଂ ତାଙ୍କ ସ୍ବାମୀ ରାଜ କୁନ୍ଦ୍ରା ଓ ଅନ୍ୟମାନଙ୍କ ବିରୋଧରେ...

୩ ଘଣ୍ଟା ଧରି ସଲମାନଙ୍କ ବୟାନ ରେକର୍ଡ କଲା ପୋଲିସ

ମୁମ୍ବାଇ: ବଲିଉଡ୍‌ର ଦବଙ୍ଗ ଖାନ୍‌ ସଲମାନ ଖାନଙ୍କ ମୁମ୍ବାଇ ଘର ଗାଲାକ୍ସି ଆପାର୍ଟମେଣ୍ଟ ବାହାରେ ୨ ମାସ ତଳେ କିଛି ଦୁର୍ବୃତ୍ତ ଗୁଳି ଚଳାଇଥିଲେ। ଅଭିଯୁକ୍ତ...

ଦର୍ଶକଙ୍କ ପ୍ରଶଂସା ସାଉଁଟୁଛି ‘ପଞ୍ଚାୟତ ୩’

ମୁମ୍ବାଇ: ୨୦୨୪ ମେ ମାସରେ ମୁକ୍ତିଲାଭ କରିଥିବା ବହୁ ପ୍ରତୀକ୍ଷିତ ‘ପଞ୍ଚାୟତ ୩’ ଓ୍ବେବ୍‌ ସିରିଜକୁ ଦର୍ଶକଙ୍କର ବେଶ୍‌ ଭଲପାଇବା ମିଳିଛି। ଏହି ସିରିଜରେ ଜିତେନ୍ଦ୍ର...

ଆତ୍ମହତ୍ୟା କଲେ ଅଭିନେତ୍ରୀ

ମୁମ୍ବାଇ: ଦି ଟ୍ରାଏଲରେ କାଜୋଲଙ୍କ କୋ-ଆକ୍ଟ୍ରେସ ନୁର ମାଲବିକା ଦାସ ଆତ୍ମହତ୍ୟା କରିଛନ୍ତି, ତାଙ୍କ ମୃତଦେହ ମୁମ୍ବାଇର ଫ୍ଲାଟରେ ମିଳିଥିଲା। ତାଙ୍କ ମୃତଦେହ ଜୁନ ୬ର...

ଚଳିତ ମାସରେ ବିବାହ କରିବେ ସୋନାକ୍ଷୀ!

ମୁମ୍ବାଇ: ବଲିଉଡର ଦବଙ୍ଗ ଗର୍ଲ ସୋନାକ୍ଷୀ ସିହ୍ନା ଖୁବ ଶୀଘ୍ର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି, ଅଭିନେତ୍ରୀ ନିଜର ଦୀର୍ଘ ଦିନର ପ୍ରେମିକା ଜହିର...

ରାଜନେତା ପୂର୍ବରୁ ଅଭିନେତା ଥିଲେ ନବୀନ ପଟ୍ଟନାୟକ, ଚରିତ୍ର ଥିଲା…

ଭୁବନେଶ୍ୱର,୯।୬: ଦୀର୍ଘ ୨୪ ବର୍ଷ କ୍ଷମତାରେ ରହିବା ପରେ ମୁଖ୍ୟମନ୍ତ୍ରୀ ପଦରୁ ବିଦାୟ ନେଇଛନ୍ତି ନବୀନ ପଟ୍ଟନାୟକ। ୨୦୨୪ ନିର୍ବାଚନର ଫଳାଫଳ ଆସିବା ପରେ କ୍ଷମତାରୁ...

ଅଭିନେତ୍ରୀ ଲିପିକାଙ୍କ ସିକ୍ରେଟ୍‌, ଖଳନାୟିକା ଚରିତ୍ରକୁ ନେଇ ପରିଚିତ ହେଲେ ହେଁ ଭୁତକୁ ପ୍ରବଳ ଭୟ

ଖୁବ୍‌ କମ୍‌ ବୟସରେ ସେ ଆସିଥିଲେ ଅଭିନୟ ଜଗତକୁ । ଇଚ୍ଛା ଥିଲା ନାୟିକା ଦୌଡ଼ରେ ସାମିଲ ହେବାର। ହେଲେ ସାଜିଗଲେ ଖଳନାୟିକା । ଲୋକଙ୍କ...

ରାମୋଜି ରାଓଙ୍କ ପରଲୋକ

ହାଇଦ୍ରାବାଦ,୮।୬: ମିଡିଆ ଇଣ୍ଡଷ୍ଟ୍ରିର ଖୁବ୍‌ ଜଣାଶୁଣା ଇନାଡୁ ଏବଂ ରାମୋଜି ଫିଲ୍ମ ସିଟିର ପ୍ରତିଷ୍ଠାତା ରାମୋଜି ରାଓଙ୍କର ଶନିବାର ସକାଳେ ତେଲଙ୍ଗାନାର ହାଇଦ୍ରାବାଦରେ ଦେହାନ୍ତ ହୋଇଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri