Odisha Elections 2024

ଏଥର ବିକଳ୍ପ ଖୋଜୁଛନ୍ତି ଭୋଟର

ଯାଜପୁର,୧୦ା୪(ହର୍ଷବର୍ଦ୍ଧନ ବେହେରା) :ଯାଜପୁର ଜିଲାର ବିଞ୍ଝାରପୁର ବିଧାନସଭା ନିର୍ବାଚନ ମଣ୍ଡଳୀ ୧୯୬୭ରୁ ଏଯାବତ ସଂରକ୍ଷିତ ଆସନ ହୋଇ ରହିଛି। ଅଞ୍ଚଳବାସୀ ଏନେଇ ରାଜ୍ୟ ଓ କେନ୍ଦ୍ର ନିର୍ବାଚନ କମିଶନରଙ୍କୁ ବାରମ୍ବାର ଦୃଷ୍ଟି ଆକର୍ଷଣ କରିଥିଲେ ହେଁ କିଛି ସୁଫଳ ମିଳି ପାରୁନାହିଁ ା ଅନୁସୂଚିତ ଜାତି ବର୍ଗଙ୍କ ପାଇଁ ସଂରକ୍ଷିତ ଏହି ଆସନରେ ପୁଣି ନିର୍ବାଚନ ହେବାକୁ ଯାଉଛି ା ପାଖାପାଖି ୩ ଦଶନ୍ଧି ହେଲା ଏଠାରେ କଂଗ୍ରେସ କିମ୍ବା ଭାଜପା ବିଜୟର ସ୍ବାଦ ଚାଖି ପାରିନାହିଁ। ତେଣୁ ୨୦୨୪ ନିର୍ବାଚନକୁ ନେଇ ସବୁ ମହଲରେ ଉକତ୍ଣ୍ଠା ପ୍ରକାଶ ପାଇଛି ା ଜିଲାରେ ଗୁରୁତ୍ୱ ରଖୁଥିବା ଏହି ନିର୍ବାଚନ ମଣ୍ଡଳୀରେ ରାସ୍ତା ନିର୍ମାଣରେ ବ୍ୟାପକ ଅନିୟମିତତା ସାଙ୍ଗକୁ ପାନୀୟ ଜଳ, ଶିକ୍ଷା, ସ୍ବାସ୍ଥ୍ୟ ଭଳି ମୌଳିକ ସମସ୍ୟା ଏବେ ମୁଖ୍ୟ ପ୍ରସଙ୍ଗ ହୋଇଛି ା ଡ୍ରେନେଜ, ଜଳ ସମ୍ପଦ, ଆବାସ ଆଦି ଯୋଜନାରେ ଦୁର୍ନୀତି ଓ ଏଥିରେ ସଂପୃକ୍ତ ଅଧିକାରୀମାନଙ୍କୁ ସୁରକ୍ଷା ଯୋଗାଇ ଦେବାରେ ଏହି ନିର୍ବାଚନ ମଣ୍ଡଳୀ ସାରା ଜିଲାରେ ନିନ୍ଦିତ ହୋଇସାରିଛି। ଏପରି କି ନିର୍ମାଣ ନ ସରୁଣୁ ପିଚୁ ଉଠି ଯାଇଥିବା ଏକ ପୂର୍ତ୍ତ ବିଭାଗ ରାସ୍ତାକୁ ନେଇ ଭୋଟରମାନେ ଏଥର ପ୍ରମିଳାଙ୍କୁ ଭୋଟ ଦେବୁନୁ ବୋଲି ଖୋଲାଖୋଲି କହି ବୁଲୁଥିବା ଏକ ଭିଡିଓ ଜାରି କରିଥିଲେ। ତାହା ଭାଇରାଲ ହେବାରେ ଲାଗିଛି। ତେଣୁ ଦୀର୍ଘଦିନର ନେତୃତ୍ୱ ଉପରେ ଲୋକେ ଭରସା ତୁଟାଇ ଏଥର ବିକଳ୍ପ ଖୋଜୁଛନ୍ତି ବୋଲି ଚର୍ଚ୍ଚା ହେଉଛି।
ବିଧାନସଭା ଆସନର ରାଜନୈତିକ ପୃଷ୍ଠଭୂମିକୁ ଦେଖିଲେ ବିଞ୍ଝାରପୁର ନିର୍ବାଚନମଣ୍ଡଳୀରେ ଏବେ ବି ବିଜେଡିର ଜନସମର୍ଥନ ସୁଦୃଢ ରହିଛି। ବିଞ୍ଝାରପୁର ବ୍ଲକ ସମେତ ଦଶରଥପୁର ବ୍ଲକର ୧୨ପଞ୍ଚାୟତକୁ ନେଇ ଗଠିତ ଏହି ନିର୍ବାଚନ ମଣ୍ଡଳୀରେ ୬ ଜିଲା ପରିଷଦ ଜୋନ୍‌ ରହିଛି। ୨୦୨୨ ଜିଲା ପରିଷଦ ନିର୍ବାଚନରେ ବିଜେଡି ସମସ୍ତ ୬ ଆସନରେ ବିଜୟୀ ହୋଇଥିଲା। ବିରୋଧିଙ୍କ ଉପଯୁକ୍ତ ନେତୃତ୍ୱ ଅଭାବରୁ ଏଭଳି ପରିସ୍ଥିତି ସୃଷ୍ଟି ହୋଇଥିବା ସେତେବେଳେ ମତପ୍ରକାଶ ପାଇଥିଲା। ଗତ ୫ ନିର୍ବାଚନରେ ବିଜେଡିର ପ୍ରମିଳା ମଲିକ ଲଗାତାର ଭାବେ ବିଜୟୀ ହୋଇ ଆସିଛନ୍ତି। ଏହି ପରିପ୍ରେକ୍ଷୀରେ ଚଳିତ ନିର୍ବାଚନରେ ବିଜେଡି ସୁବିଧାଜନକ ସ୍ଥିତିରେ ରହିବା ସ୍ବାଭାବିକ । କିନ୍ତୁ ଅଙ୍କକଷା ଭଳି ନିର୍ବାଚନ ଲଢେଇ ଏତେ ସରଳ ନୁହେଁ । ବିଶେଷକରି ଏଠାରେ ଶାସକ ଦଳ ଚାପରେ ଅଯୋଗ୍ୟ ହିତାଧିକାରୀମାନଙ୍କୁ ଗ୍ରାମୀଣ ଆବାସ ଯୋଗାଇ ଦିଆଯାଇଛି ା ବିଗତ ବର୍ଷରେ ଏହି ବ୍ଲକରେ ଗୋଟିଏ ଗୋଟିଏ ପରିବାରକୁ ୫ରୁ ୭ଟି ଗ୍ରାମୀଣ ଆବାସ ଯୋଗାଇ ଦେବା ଓ ଗାଇଡ୍‌ ଲାଇନ ଉଲ୍ଲଂଘନ କରି ଅଯୋଗ୍ୟ ହିତାଧିକାରୀମାନଙ୍କୁ ବିଜୁ ପକ୍କା ଘର ଯୋଗାଇ ଦିଆଯାଇଥିବା ଅଭିଯୋଗ ହୋଇଛି। ଏହି ବ୍ଲକରେ ପ୍ରାୟ ୭୦ ପ୍ରତିଶତ ଗ୍ରାମୀଣ ଆବାସର ହିସାବ ମିଳି ନ ଥିବା ପୂର୍ବରୁ ଅଭିଯୋଗ ହୋଇଛି। ଏଥିରେ ଖୋଦ୍‌ ବିଡିଓ, ଯନ୍ତ୍ରୀ ଓ ଭିଏଲଡବ୍ଲ୍ୟୁ ସମ୍ପୃକ୍ତି ଥିବା ନେଇ ଅଭିଯୋଗ ହୋଇଥିଲାବେଳେ ସେମାନଙ୍କୁ ପୁଣି ଏହି ଦୁର୍ନୀତିର ତଦନ୍ତ ନିର୍ଦ୍ଦେଶ ଦିଆଯାଇଥିଲା। ସେହି ତଦନ୍ତ ମଧ୍ୟ ଚାପି ହୋଇଗଲା। ଏନେଇ ଗରିବ ଲୋକଙ୍କ ମଧ୍ୟରେ ଅସନ୍ତୋଷ କୁହୁଳୁ ଥିବା ମନେ ହେଉଛି ା
ଅଞ୍ଚଳର ବିକାଶରେ ଅନ୍ତରାୟ ସାଜିଥିବା ବିଜେଡିର ନେତୃତ୍ୱ ବିରୋଧରେ ବିଭିନ୍ନ ସମୟରେ ସ୍ବର ଉତ୍ତୋଳନ କରି ଆସୁଥିବା ଭାଜପା ଓ କଂଗ୍ରେସ ପ୍ରତି ଅଞ୍ଚଳବାସୀଙ୍କ ସମର୍ଥନ ବଢୁଥିବା ଚର୍ଚ୍ଚା ହେଉଛି ା ୧୯୯୦ରୁ ଜନତା ଦଳର ପ୍ରମିଳା ମଲିକ ପ୍ରଥମ କରି ବିଞ୍ଝାରପୁରର ବିଧାୟିକା ଭାବେ ନିର୍ବାଚିତ ହୋଇଥିଲେ ା କିନ୍ତୁ ୧୯୯୫ ନିର୍ବାଚନରେ ପୁଣି କଂଗ୍ରେସର ପ୍ରାର୍ଥୀ ଅର୍ଜ୍ଜୁନ ଦାସଙ୍କୁ ଲୋକେ ନିର୍ବାଚିତ କରିଥିଲେ ା ପୁଣି ୨୦୦୦ରୁ ଏଯାଏ ମଲିକ ବିଜେଡିରୁ ଲଗାତାର ବିଜୟୀ ହେଉଛନ୍ତି ା ହେଲେ ଗମନାଗମନ କ୍ଷେତ୍ରରେ ବିଞ୍ଝାରପୁରଠାରୁ ଜିଲା ମହକୁମା ପର୍ଯ୍ୟନ୍ତ ୧୫ କି.ମି. ରାସ୍ତା ସଙ୍କୁଚିତ ଓ ବିପର୍ଯ୍ୟସ୍ତ ହୋଇ ପଡି ରହିଛି। ଏହି ରାସ୍ତା ସଦାସର୍ବଦା ବ୍ୟସ୍ତବହୁଳ ହୋଇଥିବାରୁ ଅଧିକାଂଶ ସମୟରେ ଦୁର୍ଘଟଣା ଘଟିଥିବା ନଜିର ରହିଥାଏ। ପୂର୍ତ୍ତ ବିଭାଗ ପକ୍ଷରୁ ଯାଜପୁର ବିରଜା ମନ୍ଦିରଠାରୁ ଖଣ୍ଡରା ଛକ ପର୍ଯ୍ୟନ୍ତ ଦୋହରିକରଣ କାମ ଚାଲିଛି। ହେଲେ ୫ ବର୍ଷ ହେଲା କାମ ଶେଷ ହୋଇ ପାରିନାହିଁ। ଅନ୍ୟପକ୍ଷେ ବିଞ୍ଝାରପୁର ବ୍ଲକ ଛକଠାରୁ ବଜାର ପର୍ଯ୍ୟନ୍ତ ପ୍ରଶସ୍ତିକରଣ କାର୍ଯ୍ୟ ଏଫ୍‌-୨ ମାଧ୍ୟମରେ ଚାଲିଛି। ବିନା ଟେଣ୍ଡରରେ କେତେଜଣ ଶାସକ ଦଳର କର୍ମୀ ଏହି କାମ କରୁଥିବାରୁ ତାହା ଅତି ନିମ୍ନମାନର ହେଉଥିବା ଦେଖିବାକୁ ମିଳିଛି। ଯାହାକି ଅଞ୍ଚଳବାସୀଙ୍କ ମଧ୍ୟରେ ଶାସକ ଦଳ ପ୍ରତି ବିରୋଧାଭାସ ତେଜିବାରେ ଲାଗିଛି। ଏହି ନିର୍ବାଚନ ମଣ୍ଡଳୀ ଅନ୍ତର୍ଗତ ୮ କୋଟି ଟଙ୍କାର ରାମବାଗଠାରୁ ଛତ୍ରପଡା ରାସ୍ତା କାମ ନ ସରୁଣୁ ପିଚୁ ଉଠି ଯାଇଥିଲା। ଏହା ଦେଖି ଅଞ୍ଚଳବାସୀ ଏଭଳି ଦୁର୍ନୀତି କରୁଥିବା ପ୍ରମିଳାଙ୍କୁ ଏଥର ଭୋଟ ଦେବୁନୁ ବୋଲି ରୋକ୍‌ଠୋକ୍‌ ଭିଡିଓରେ ଜବାବ୍‌ ଦେଇଛନ୍ତି। ଏନେଇ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ପୂର୍ତ୍ତ ବିଭାଗ ପକ୍ଷରୁ ୩୦୦ ମିଟର ପର୍ଯ୍ୟନ୍ତ ବିଲ୍‌ ସ୍ଥଗିତ ରଖାଯାଇଛି। ହେଲେ ଠିକାଦାର ଏବଂ ଅଧୀକ୍ଷଣ ଯନ୍ତ୍ରୀଙ୍କ ମଧ୍ୟରେ ସଲାସୁତୁରା ହୋଇ ଏହାର ସମଧାନ ହୋଇଯିବ ବୋଲି ଲୋକେ ଆଶଙ୍କା ପ୍ରକଟ କରିଛନ୍ତି। ଏହି ନିର୍ବାଚନ ମଣ୍ଡଳୀରେ ସିଂହପୁର, ଜରି, ହଲଦିଡିହ, ବାଙ୍ଗରା ଆଦି ଅଞ୍ଚଳ ବନ୍ୟା ଦ୍ୱାରା ପ୍ରଭାବିତ ହୋଇଥାଏ। ଯାହାର ପ୍ରତିକାର ଏଯାଏ ହୋଇ ପାରିଲା ନାହିଁ। ପ୍ରାୟ ୨୦୦ ହେକ୍ଟର ଚାଷ ଜମି ବନ୍ୟା ପାଣିରେ ଧୋଇ ହୋଇଯାଏ। ଯାହାକୁ ନେଇ ଚାଷୀମାନଙ୍କ ମଧ୍ୟରେ ଘୋର ପ୍ରତିକ୍ରିୟା ପ୍ରକାଶ ପାଉଛି।
ଭାଜପାର ବବିତା ମଲିକଙ୍କ ନାମ ଚୂଡ଼ାନ୍ତ ହୋଇ ସାରିଛି। ଫଳରେ ଭାଜପାର ଗତ ଲୋକସଭା ପ୍ରାର୍ଥୀ ଅମିୟ ମଲିକ ଅସନ୍ତୁଷ୍ଟ ତାଲିକାରେ ରହିଛନ୍ତି, ଯାହାକି ଭାଜପା ଉପରେ ଏହାର ଗଭୀର ପ୍ରଭାବ ପଡିପାରେ ବୋଲି ଚର୍ଚ୍ଚା ହେଉଛି। କଂଗ୍ରେସର କେତେଜଣ ଯୁବ ନେତା ପୂର୍ବ ଗୌରବକୁ ଫେରାଇ ଆଣିବା ସହ ଏବେ ଦଳକୁ ସଜାଡିବାରେ ଲାଗି ପଡିଛନ୍ତି ା ବିଜେଡିର ପ୍ରୀୟାପ୍ରୀତି ତୋଷଣ, ଠିକାଦାରୀ ରାଜନୀତିକୁ ପାଥେୟ କରି କଂଗ୍ରେସ ନେତା ଭୋଟରଙ୍କ ଆସ୍ଥା ଜିଣିବାକୁ ଉଦ୍ୟମ ଜାରି ରଖିଛନ୍ତି ା ବିଞ୍ଝାରପୁର ଭୋଟର ଭାଜପାର ନେତୃତ୍ୱ ଓ କଂଗ୍ର୍ରେସର କର୍ମୀମାନଙ୍କୁ ମୂଲ୍ୟାୟନ ଆରମ୍ଭ କରି ଦେଇଛନ୍ତି ା ଏଥର ସାଧାରଣ ନିର୍ବାଚନରେ ଯିଏ ସ୍ବଚ୍ଛ ଶାସନ ପ୍ରତିଶ୍ରୁତି ଦେଇ ପାରିବ ସେହି ଦଳ ବା ନେତୃତ୍ୱ ବିଜୟ ହାସଲ କରିବାର ଆଶା ଅଧିକ ବୋଲି ଜନମତରୁ ବାରି ହେଉଛି ା


Enter your email to get our daily news in your inbox.

All Right Reserved By Dharitri.Com

ଦେଢ଼ ଘଣ୍ଟା ଧାଡ଼ିରେ ଛିଡ଼ା ହୋଇ ଭୋଟ ଦେଲେ ସମ୍ବିତ ପାତ୍ର, କହିଲେ ‘ପ୍ରଥମେ ମତଦାନ, ପରେ ଜଳପାନ’

ପୁରୀ,୨୫।୫: ଶନିବାର ରାଜ୍ୟରେ ତୃତୀୟ ପର୍ଯ୍ୟାୟ ଭୋଟିଂ ଅନୁଷ୍ଠିତ ହେଉଛି। ରାଜ୍ୟର ୬ ଲୋକ ସଭା ସମେତ ଏହା ଅଧୀନରେ ଥିବା ୪୨ ବିଧାନସଭା ଆସନ...

ଖରା, ଗୁଳୁଗୁଳି ସତ୍ତ୍ୱେ ଭୋଟରଙ୍କ ଉତ୍ସାହ: ୧୧ଟା ସୁଦ୍ଧା ୨୧.୩୨ ପ୍ରତିଶତ ମତଦାନ

ଭୁବନେଶ୍ୱର,୨୫।୫: ରାଜ୍ୟରେ ଚାଲିଛି ତୃତୀୟ ପର୍ଯ୍ୟାୟ ମତଦାନ। ଲମ୍ବା ଲାଇନରେ ଛିଡା ହୋଇ ଲୋକେ ନିଜ ମତଦାନ କରୁଛନ୍ତି। ପ୍ରବଳ ଖରା, ଗୁଳୁଗୁଳି ସତ୍ତ୍ୱେ ଉତ୍ସାହର...

୧୫୪, ୧୫୨ ବୁଥରେ ଇଭିଏମ୍‌ ଅଚଳ

ନିରାକାରପୁର,୨୫।୫(ମାନସଚନ୍ଦ୍ର ପଟ୍ଟନାୟକ): ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତ କ୍ଷେତ୍ରବାସୀ ସରକାରୀ ହାଇସ୍କୁଲରେ ନିର୍ବାଚନ ଚାଲିଥିବା ବେଳେ ୧୫୪ ନମ୍ବର ବୁଥ ୪୫ମିନିଟ ଏବଂ ୧୫୨ ନମ୍ବର...

ମତଦାନ କେନ୍ଦ୍ରରେ ଅଘଟଣ: ଭୋଟ ଦେବାକୁ ଆସିଥିବା ବୃଦ୍ଧାଙ୍କ ଚାଲିଗଲା ଜୀବନ

ଭୁବନେଶ୍ୱର,୨୫।୫: ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ ପ୍ରକ୍ରିୟା ଚାଲିଥିବା ବେଳେ ଭୋଟରଙ୍କ ମୃତ୍ୟୁ ହୋଇଛି। ସେ ହେଲେ ନୟାଗଡ ଜିଲା ଭାପୁର ବ୍ଲକ ବାଘୁଆପଲ୍ଲୀ ପଞ୍ଚାୟତ...

ନିଆଁରେ ଜଳିଗଲା ୧୭ ଦୋକାନ

ଟିଟିଲାଗଡ଼,୨୫।୫(ଶରତ ମିଶ୍ର): ବଲାଙ୍ଗୀର ଜିଲା ଟିଟିଲାଗଡ ସହରରେ ଶନିବାର ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି। ଥାନା ଛକ ଫ୍ଲ୍ୟାଏ ଓଭର ବ୍ରିଜ ତଳେ ଥିବା...

ମହାନଦୀରୁ ପାନୀୟ ଜଳ ଯୋଗାଣ ବ୍ୟବସ୍ଥା କାମ ଅଧାପନ୍ତରିଆ

ଓଡ଼ଗାଁ,୨୫ା୫(ଆଦର୍ଶ କୁମାର ପଟ୍ଟନାୟକ): ନୟାଗଡ଼ ଜିଲାକୁ ମହାନଦୀରୁ ପିଇବା ପାଣି ଯୋଗାଣ ହେବ। ଏଥିରେ ନୟାଗଡ଼ ସମେତ ରଣପୁର ବ୍ଲକ୍‌ର ଜନସାଧାରଣ ଉପକୃତ ହେବେ। ଏଥିପାଇଁ...

ସ୍ବାଧୀନ ବିଧାୟକ ପ୍ରାର୍ଥୀଙ୍କ କାର୍ଯ୍ୟାଳୟରେ ନିଆଁ ଲଗାଇଦେଲେ ଦୁର୍ବୃତ୍ତ

ବାଲିକୁଦା, ୨୫।୫(ତାପସ ସ୍ବାଇଁ): ବାଲିକୁଦା-ଏରସମା ନିର୍ବାଚନମଣ୍ଡଳୀ ରେ ପ୍ରାକ ନିର୍ବାଚନୀ ହିଂସା ଦେଖିବାକୁ ମିଳିଛି। ଏହି ନିର୍ବାଚନ ମଣ୍ଡଳୀର ବାଲିକୁଦା ବ୍ଲକ ବରମୁଣ୍ଡଳୀ ପଞ୍ଚାୟତ ଦଶବାଟିଆ...

ସହରବାସୀଙ୍କୁ ଡେଙ୍ଗୁ, ମ୍ୟାଲେରିଆ ଭୟ

କେନ୍ଦ୍ରାପଡ଼ା,୨୫ା୫(ଜଗନ୍ନାଥ ଧଳ): କେନ୍ଦ୍ରାପଡ଼ା ସହରରୁ ବାହାରୁଥିବା ବର୍ଜ୍ୟବସ୍ତୁ ଗୋବରୀ ନଦୀ ଓ କେନାଲରେ ପଡୁଛି। କେନାଲ ନବୀକରଣ ଅଦ୍ୟାବଧି ସରିନାହିଁ। ସହର ନିକଟ ନିର୍ମାଣ କାର୍ଯ୍ୟ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri