ନୂଆଦିଲ୍ଲୀ,୯।୮: ଭାରତୀୟ କ୍ରିକେଟ ଦଳର ଷ୍ଟାର ୱିକେଟ କିପର ବ୍ୟାଟ୍ସମ୍ୟାନ ଜିତେଶ ଶର୍ମା ତାଙ୍କ ପ୍ରେମିକାଙ୍କ ସହ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ସୋସିଆଲ ମିଡିଆରେ ଫଟୋ ପୋଷ୍ଟ କରି ଜିତେଶ ତାଙ୍କ ପ୍ରଶଂସକଙ୍କୁ ତାଙ୍କ ଏନଗେଜମେଣ୍ଟ ବିଷୟରେ ସୂଚନା ଦେଇଛନ୍ତି। ଜିତେଶ ତାଙ୍କର ଏନଗେଜମେଣ୍ଟ ଫଟୋ ଶେୟାର କରିବା ମାତ୍ରେ ଏହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ତାଙ୍କ ପ୍ରଶଂସକମାନେ ତାଙ୍କୁ ଅଭିନନ୍ଦନ ଜଣାଇଛନ୍ତି।
ତାଙ୍କର ଏନଗେଜମେଣ୍ଟ ୮ଅଗଷ୍ଟରେ ଶାଲାକା ମକେଶ୍ୱରଙ୍କ ସହ ହୋଇଥିଲା। ଜିତେଶ ଏହା ସହିତ ଲେଖିଛନ୍ତି, ଏହି ଆକର୍ଷଣୀୟ ଦୁନିଆରେ ଆମେ ଆମର ଫରଏଭର ବାଛିଛୁ। ଜିତେଶଙ୍କ ଏନଗେଜମେଣ୍ଟ ତାରିଖ ମଧ୍ୟ ବହୁତ ଆକର୍ଷଣୀୟ। ସେମାନେ ବର୍ଷର ଅଷ୍ଟମ ମାସର ୮ ତାରିଖରେ ୮ଟା ବେଳେ ଏନଗେଜମେଣ୍ଟ କରିଥିଲେ। ଜିତେଶ ୮.୮.୮ ଉଲ୍ଲେଖ କରିଛନ୍ତି।
ଜିମ୍ବାୱେ ବିପକ୍ଷରେ ଖେଳାଯାଇଥିବା ଟି -୨୦ ସିରିଜରେ ଜିତେଶ ଶର୍ମା ଭାରତୀୟ ଦଳର ଏକ ଅଂଶ ଥିଲେ କିନ୍ତୁ ସେ ଖେଳୁଥିବା ଏକାଦଶରେ ସ୍ଥାନ ପାଇପାରିନଥିଲେ। ଏହା ପରେ ସେ ଶ୍ରୀଲଙ୍କା ଗସ୍ତରେ ମଧ୍ୟ ସ୍ଥାନ ପାଇନଥିଲେ। ତେଣୁ ଜିତେଶଙ୍କ ପରବର୍ତ୍ତୀ ଲକ୍ଷ୍ୟ ହେଉଛି ଭାରତୀୟ କ୍ରିକେଟ ଦଳକୁ ଫେରିବା। ଜିତେଶ ଭାରତୀୟ ଦଳ ପାଇଁ ୯ଟି -୨୦ ଖେଳିଛନ୍ତି। ଜିତେଶ ଆଇପିଏଲରେ ପଞ୍ଜାବ କିଙ୍ଗ୍ସ ପାଇଁ ଖେଳନ୍ତି। ସେ ୪୦ଟି ଆଇପିଏଲ ମ୍ୟାଚ ରେ ୭୩୦ରନ ସଂଗ୍ରହ କରିଛନ୍ତି।
Many congratulations to Jitesh Sharma for getting engaged! ❤️ pic.twitter.com/bz7vWkeyoE
— Mufaddal Vohra (@mufaddal_vohra) August 9, 2024
