ବ୍ରିସବେନ୍,୧୫।୧: ଟେଷ୍ଟ କ୍ରିକେଟରେ ଅଭିଜ୍ଞତାକୁ ଗୁରୁତ୍ୱ ଦିଆଯାଉଛି। ପ୍ରତ୍ୟେକ ଦଳ ଦୀର୍ଘ ଦିନ ଧରି କ୍ରିକେଟର ସବୁଠାରୁ ବଡ ଫର୍ମାଟ ଖେଳୁଥିବା ଖେଳାଳିଙ୍କ ଶ୍ରେଷ୍ଠ ଏକାଦଶରେ ବାଛିବାକୁ ପସନ୍ଦ କରନ୍ତି। ଅଷ୍ଟ୍ରେଲିଆ ବିପକ୍ଷ ନିର୍ଣ୍ଣାୟକ ମ୍ୟାଚରେ ଗତ ଦଶନ୍ଧିର ସବୁଠାରୁ ଦୁର୍ବଳ ଦଳ ନେଇ ପଡିଆକୁ ଓହ୍ଲାଇଛି ଭାରତୀୟ ଦଳ। ଅଷ୍ଟ୍ରେଲିଆ ଗସ୍ତ ସମୟରେ ଟିମ ଇଣ୍ଡିଆର ଅନେକ ଖେଳାଳି ଆହତ ହୋଇଛନ୍ତି ଏବଂ ସେଥିପାଇଁ ସେମାନଙ୍କୁ ବ୍ରିସବେନ ଟେଷ୍ଟରେ ଯୁବ ଖେଳାଳିଙ୍କୁ ସୁଯୋଗ ଦେବାକୁ ପଡଛି। ବ୍ରିସବେନ ଟେଷ୍ଟ ପୂର୍ବରୁ ଜସପ୍ରୀତ ବୁମ୍ରା, ଆର ଅଶ୍ୱିନ, ରବିନ୍ଦ୍ର ଜାଡେଜାଙ୍କ ଭଳି ତାରକା ଖେଳାଳି ଆହତ ହୋଇଥିଲେ ଏବଂ ଏହି କାରଣରୁ ଟିମ ଇଣ୍ଡିଆକୁ ୱାଶିଂଟନ ସୁନ୍ଦର, ଟି ନଟରାଜନ ଡେବ୍ୟୁ କରିବାକୁ ପଡିଲା। ବୋଲିଂ ଆକ୍ରମଣରେ ଶାର୍ଦ୍ଦୁଲ ଠାକୁରଙ୍କୁ ମଧ୍ୟ ସାମିଲ କରାଯାଇଥିଲା। ବ୍ରିସବେନ ଟେଷ୍ଟ ପାଇଁ ଟିମ ଇଣ୍ଡିଆ ଏକାଦଶ ଘୋଷଣା କରିବା ମାତ୍ରେ ଏହା ୭୫ ବର୍ଷ ପୁରୁଣା ରେକର୍ଡ ଭାଙ୍ଗିଛି।
ଅଷ୍ଟ୍ରେଲିଆ ବିପକ୍ଷ ସାମ୍ପ୍ରତିକ ଟେଷ୍ଟ ସିରିଜରେ ଟିମ ଇଣ୍ଡିଆ ମୋଟ ୨୦ଖେଳାଳିଙ୍କୁ ସୁଯୋଗ ଦେଇଛି। ୧୯୬୦ ମସିହା ପରଠାରୁ ଏହା ପ୍ରଥମ ଥର ପାଇଁ ଘଟିଛ। ଚଳି ସିରିଜ୍ରେ ପୃଥ୍ବୀ ଶ’, ମୟଙ୍କ ଅଗ୍ରୱାଲ, ବିରାଟ କୋହଲି, ଚେତେଶ୍ୱର ପୂଜାରା, ଅଜିଙ୍କେ ରାହାନେ, ଶୁଭମାନ ଗିଲ, ରିଦ୍ଧିମାନ ସାହା, ରିଷଭ ପନ୍ତ, ରବିନ୍ଦ୍ର ଜାଡେଜା, ଆର ଅଶ୍ୱିନ, ମହମ୍ମଦ ଶାମି, ମହମ୍ମଦ ସିରାଜ, ଉମେଶ ଯାଦବ, ଟି ନଟରାଜନ , ନବଦୀପ ସଇନି, ହନୁମା ବିହାରୀ, ଜସପ୍ରୀତ ବୁମରାଏବଂ ରୋହିତ ଶର୍ମା ଖେଳିଛନ୍ତି।
