ଓ୍ବାଶିଂଟନ,୨୭ା୧: ବାୟୁସେନା ବ୍ରିଗେଡିୟର ଜେନେରାଲ ପଦରେ ନିଯୁକ୍ତି ପାଇଁ ଭାରତୀୟ-ଆମେରିକୀୟ ମହାକାଶଚାରୀ ରାଜା ଜେ ଚାରିଙ୍କୁ ରାଷ୍ଟ୍ରପତି ଜୋ ବାଇଡେନ ମନୋନୀତ କରିଛନ୍ତି। ଗୁରୁବାର ଏନେଇ ନାମାଙ୍କନପତ୍ର ଘୋଷଣା କରାଯାଇଥିଲା। ଆମେରିକାର ପ୍ରତିରକ୍ଷା ବିଭାଗ ଅନୁଯାୟୀ, ବର୍ତ୍ତମାନ ସମସ୍ତ ସେନା ନିଯୁକ୍ତିକୁ ଅନୁମୋଦନ କରୁଥିବା ସିନେଟ ଦ୍ୱାରା ଏହା ନିଶ୍ଚିତ ହେବା ଆବଶ୍ୟକ। ୪୫ ବର୍ଷୀୟ କର୍ଣ୍ଣେଲ ଚାରି ବର୍ତ୍ତମାନ ନ୍ୟାଶନାଲ ଏରୋନେଟିକ୍ସ ଏବଂ ସ୍ପେସ ଆଡମିନିଷ୍ଟ୍ରେଶନ, ଜନ୍ସନ୍ ସ୍ପେସ ସେଣ୍ଟର ଟେକ୍ସାସରେ କ୍ରୁ -୩ କମାଣ୍ଡର ତଥା ଜ୍ୟୋତିର୍ବିଜ୍ଞାନ ଭାବରେ କାର୍ଯ୍ୟ କରୁଛନ୍ତି।
ରାଜା ଜେ ଚାରି ମାସାଚ୍ୟୁସେଟ୍ସ ଇନ୍ଷ୍ଟିଚ୍ୟୁଟ୍ ଅଫ ଟେକ୍ନୋଲୋଜିରୁ ଏରୋନେଟିକ୍ସରେ ମାଷ୍ଟର ଡିଗ୍ରୀ ହାସଲ କରିଛନ୍ତି। ସେ ଏହାପୂର୍ବରୁ ମେରିଲାଣ୍ଡର ପାଟୁସେଣ୍ଟ ନଦୀରେ ଥିବା ଆମେରିକାର ନାଭାଲ ଟେଷ୍ଟ ପାଇଲଟ ସ୍କୁଲରୁ ସ୍ନାତକ ହାସଲ କରିଥିଲେ। ସେ ୪୬୧ ତମ ଫ୍ଲାଇଟ ଟେଷ୍ଟ ସ୍କ୍ବାଡନ କମାଣ୍ଡର ଭାବରେ କାର୍ଯ୍ୟ କରିଛନ୍ତି ଏବଂ କାଲିଫର୍ନିଆର ଏଡଓ୍ବାର୍ଡସ ଏୟାର ଫୋର୍ସ ବେସ୍ରେ ଏଫ୍-୩୫ ଇଣ୍ଟିଗ୍ରେଟେଡ୍ ଟେଷ୍ଟ ଫୋର୍ସର ନିର୍ଦ୍ଦେଶକ ଭାବରେ କାର୍ଯ୍ୟ କରିଛନ୍ତି।
