ଅକ୍ଟୋବରରେ ତୃତୀୟ ଲହର

ବେଙ୍ଗାଲୁରୁ, ୧୯।୬: ଭାରତରେ କରୋନା ଭୂତାଣୁ ସଂକ୍ରମଣର ତୃତୀୟ ଲହର ଅକ୍ଟୋବର ସୁଦ୍ଧା ଆସିପାରେ ବୋଲି ବିଶେଷଜ୍ଞମାନେ ମତ ଦେଇଛନ୍ତି। ଯଦିଓ ବର୍ତ୍ତମାନର ସଂକ୍ରମଣଠାରୁ ତୃତୀୟ ଲହରକୁ ଅଧିକ ଭଲ ଭାବରେ ନିୟନ୍ତ୍ରଣ କରାଯାଇପାରିବ, ତେବେ ମହାମାରୀ ଅନୂ୍ୟନ ଆଉ ବର୍ଷେ ପାଇଁ ଜନସ୍ବାସ୍ଥ୍ୟ ପ୍ରତି ବିପଦ ହୋଇ ରହିବ ବୋଲି ସେମାନେ କହିଛନ୍ତି। ରଏଟର୍ସ ପକ୍ଷରୁ ସ୍ବାସ୍ଥ୍ୟ ବିଶେଷଜ୍ଞମାନଙ୍କଠାରୁ ମତାମତ ସଂଗ୍ରହ କରାଯାଇଥିଲା। ଏଥିରେ ବିଶ୍ୱର ୪୦ ଜଣ ସ୍ବାସ୍ଥ୍ୟ ବିଶେଷଜ୍ଞ, ଡାକ୍ତର, ବୈଜ୍ଞାନିକ, ଭୂତାଣୁ ବିଜ୍ଞାନୀ, ମହାମାରୀ ବିଜ୍ଞାନୀ ଓ ପ୍ରଫେସରମାନଙ୍କ ମତାମତ ନିଆଯାଇଥିଲା। ଟିକାକରଣକୁ ଯଥେଷ୍ଟ ବଢ଼ାଗଲେ ନୂଆ ସଂକ୍ରମଣରୁ ସୁରକ୍ଷା ମିଳିପାରିବ ବୋଲି ଜୁନ୍‌ ୩ରୁ ୧୭ ମଧ୍ୟରେ ହୋଇଥିବା ସ୍ନାପ୍‌ ସର୍ଭେରେ କୁହାଯାଇଛି।
ଅକ୍ଟୋବର ସୁଦ୍ଧା ତୃତୀୟ ଲହର ବୋଲି ୨୪ ବିଶେଷଜ୍ଞଙ୍କ ମଧ୍ୟରୁ ୨୧ ଜଣ (୮୫%) କହିଥିବାବେଳେ ଅନ୍ୟ ୩ ଜଣ ଅଗଷ୍ଟରେ ଆସିବ ବୋଲି ମତ ଦେଇଛନ୍ତି। ସେପ୍ଟେମ୍ବରରେ ତୃତୀୟ ଲହର ଆସିପାରେ ବୋଲି ୧୨ ଜଣ ମତ ଦେଇଥିବାବେଳେ ଅନ୍ୟ ୩ ବିଶେଷଜ୍ଞ କହିଛନ୍ତି, ଏହା ନଭେମ୍ବରରୁ ଫେବୃୟାରୀ ମଧ୍ୟରେ ଆସିବା ସମ୍ଭାବନା ରହିଛି। ତେବେ ନୂତନ ଲହର ବର୍ତ୍ତମାନ ଅପେକ୍ଷା ଭଲ ଭାବରେ ନିୟନ୍ତ୍ରଣ କରାଯାଇପାରିବ ବୋଲି ୩୪ ବିଶେଷଜ୍ଞଙ୍କ ମଧ୍ୟରୁ ୨୪ ଜଣ (୭୦%) ମତ ଦେଇଛନ୍ତି। ଗତବର୍ଷ କରୋନା ପ୍ରଥମ ଲହର ଅପେକ୍ଷା ଦ୍ୱିତୀୟ ଲହର ଅଧିକ ମାରାତ୍ମକ ହୋଇଥିଲା। ଟିକା, ଔଷଧ, ଅକ୍ସିଜେନ ଏବଂ ହସ୍ପିଟାଲ ବେଡ୍‌ ଅଭାବ ଅଧିକ ସମସ୍ୟା ସୃଷ୍ଟି କରିଥିଲା। ତେବେ ତୃତୀୟ ଲହର ଆସିବା ବେଳକୁ ଅଧିକାଂଶ ଲୋକ କୋଭିଡ୍‌ ଟିକା ନେଇସାରିଥିବେ। ଏଥିସହିତ ଦ୍ୱିତୀୟ ଲହରରୁ ଲୋକମାନଙ୍କଠାରେ ପ୍ରାକୃତିକ ଭାବେ ରୋଗ ପ୍ରତିରୋଧକ ଶକ୍ତି ମଧ୍ୟ ବୃଦ୍ଧି ପାଇଥିବ। ସେଥିପାଇଁ ତୃତୀୟ ଲହର ଅଧିକ ନିୟନ୍ତ୍ରଣାଧୀନ ହେବ ବୋଲି ଦିଲ୍ଲୀ ଏମ୍ସର ନିର୍ଦ୍ଦେଶକ ଡ. ରଣଦୀପ୍‌ ଗୁଲେରିଆ କହିଛନ୍ତି।
ଭାରତରେ ୯୫ କୋଟି ଯୋଗ୍ୟ ହିତାଧିକାରୀଙ୍କୁ ଟିକାକରଣ କରିବା ଯୋଜନା ଥିବାବେଳେ ବର୍ତ୍ତମାନ ସୁଦ୍ଧା ମାତ୍ର ୫ ପ୍ରତିଶତ ସମ୍ପୂର୍ଣ୍ଣ ଟିକା ନେଇଛନ୍ତି। ଏବେ ବି କୋଟି କୋଟି ଲୋକଙ୍କ ପ୍ରତି ସଂକ୍ରମଣ ଭୟ ରହିଛି। ଆଗାମୀ ଦିନରେ ଟିକାକରଣ ଅଭିଯାନ ଯଥେଷ୍ଟ ବଢ଼ିବା ନେଇ ସ୍ବାସ୍ଥ୍ୟ ବିଶେଷଜ୍ଞମାନେ ପୂର୍ବାନୁମାନ କରିଛନ୍ତି। ସଂକ୍ରମଣ କମିବାରୁ କେତେକ ରାଜ୍ୟ ତରବରିଆ ଭାବେ କଟକଣା ହଟାଇ ଦେଇଛନ୍ତି। ଏପରି ନ କରିବା ପାଇଁ ବିଶେଷଜ୍ଞମାନେ ସତର୍କ କରାଇଛନ୍ତି। ଶିଶୁ ଏବଂ ୧୮ ବର୍ଷରୁ କମ୍‌ ବୟସର ପିଲାଙ୍କ ପାଇଁ ତୃତୀୟ ଲହର ଅଧିକ ବିପଦ ବୋଲି ଦୁଇ-ତୃତୀୟାଂଶ ବିଶେଷଜ୍ଞ (୪୦ ଜଣରୁ ୨୬) କହିଛନ୍ତି। ଏହାର କାରଣ ହେଲା ବର୍ତ୍ତମାନ ପର୍ଯ୍ୟନ୍ତ ଏହି ବୟସ ବର୍ଗର ପିଲାମାନଙ୍କ ପାଇଁ ଟିକା ଉପଲବ୍ଧ ହୋଇନାହିଁ। ଯଦି ଅଧିକ ସଂଖ୍ୟାରେ ଶିଶୁ ସଂକ୍ରମିତ ହୁଅନ୍ତି ଏବଂ ଆମେ ଏଥିପାଇଁ ପୂର୍ବରୁ ପ୍ରସ୍ତୁତ ନ ହେବା, ତେବେ ଶେଷ ମୁହୂର୍ତ୍ତରେ କିଛି କରିହେବ ନାହିଁ ବୋଲି ନାରାୟଣ ହେଲ୍‌ଥର ଡ. ଦେବୀ ସେଟ୍ଟୀ କହିଛନ୍ତି। ଏପରି ହେଲେ ଦେଶରେ ସମ୍ପୂର୍ଣ୍ଣ ଭିନ୍ନ ଧରଣର ସମସ୍ୟା ସୃଷ୍ଟି ହେବ। ଖୁବ୍‌ କମ୍‌ ଶିଶୁରୋଗ ଇଣ୍ଟେନ୍‌ସିଭ୍‌ କେୟାର ୟୁନିଟ ବେଡ୍‌ ରହିଥିବାରୁ ବିପର୍ଯ୍ୟୟ ସୃଷ୍ଟି ହେବ ବୋଲି ସେ ମତ ଦେଇଛନ୍ତି। ଅନ୍ୟପକ୍ଷରେ ତୃତୀୟ ଲହର ପିଲାଙ୍କ ପାଇଁ ବିପଦ ନୁହେଁ ବୋଲି ୧୪ ଜଣ ବିଶେଷଜ୍ଞ କହିଛନ୍ତି।
ଭୂତାଣୁର ନୂଆ ରୂପ ବର୍ତ୍ତମାନର ଟିକାକୁ ଅକାମୀ କରିବ ନାହିଁ ବୋଲି ୩୮ ଜଣଙ୍କ ମଧ୍ୟରୁ ୨୫ ଜଣ ମତ ଦେଇଛନ୍ତି। ସେହିପରି ଭାରତରେ ସ୍ବାସ୍ଥ୍ୟଜନିତ ବିପଦ ଅନୂ୍ୟନ ଆଉ ବର୍ଷେ ରହିବ ବୋଲି ୩୦ ଜଣ ବିଶେଷଜ୍ଞ କହିଛନ୍ତି। ବିପଦ ବର୍ଷେରୁ କମ୍‌ ସମୟ ରହିବ ବୋଲି ୧୧ ଜଣ କହିଥିବାବେଳେ ୨ ବର୍ଷରୁ କମ୍‌ ରହିବା ନେଇ ୧୫ ଜଣ ମତ ଦେଇଛନ୍ତି। ୨ ବର୍ଷରୁ ଅଧିକ ଦିନ ବିପଦ ରହିପାରେ ବୋଲି ୧୩ ଜଣ ମତ ରଖିଥିବାବେଳେ କରୋନା ଜନିତ ବିପଦ ସବୁଦିନ ପାଇଁ ରହିବ ବୋଲି ୨ ଜଣ ବିଶେଷଜ୍ଞ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଗୌତମ ଗମ୍ଭୀରଙ୍କୁ ଆଇଏସ୍ କଶ୍ମୀର ପକ୍ଷରୁ ମିଳିଲା ଧମକ, କହିଲେ ବଞ୍ଚାଇ ପାରିବେନି ଆଇପିଏସ୍ ଶ୍ୱେତା

ନୂଆଦିଲ୍ଲୀ, ପୂର୍ବତନ କ୍ରିକେଟର ତଥା ଭାରତୀୟ ଜତନା ପାର୍ଟି ଏମ୍‌ପି ଗୌତମ ଗମ୍ଭୀରଙ୍କୁ ଆଇଏସ୍ କଶ୍ମୀର ପକ୍ଷରୁ ପୁଣିଥରେ ଜୀବନରୁ ମାରିଦେବାକୁ ଧମ ଦିଆଯାଇଛି ।...

କମେଡିଆନ ଫାରୁକିଙ୍କୁ ସମର୍ଥନ ଜଣାଇଲା କଂଗ୍ରେସ

ମୁମ୍ବାଇ,୧୯।୧୨: ବିବାଦରେ ଘେରି ହୋଇଥିବା ଷ୍ଟାଣ୍ଡ୍‌ଅପ୍‌ କମେଡିଆନ ମୁନାଓ୍ବର ଫାରୁକି ଶନିବାର ମୁମ୍ବାଇରେ ଏକ ଶୋରେ ପରର୍ଫମ କରିଛନ୍ତି। ଏହି ଇଭେଣ୍ଟର ଆୟୋଜନ କରିଥିଲା ଏଆଇପିସି,...

କରୋନା ପାଇଁ ସାମାଜିକ ଦୂରତା: ଦୀକ୍ଷାନ୍ତ ସମାରୋହରେ ଡିଗ୍ରୀ ପ୍ରମାଣପତ୍ର ଗ୍ରହଣ କଲା ରୋବୋ

ଟୋକିଓ,୫ ।୪: କରୋନା ସଂକ୍ରମଣ ନେଇ ସାରା ପୃଥିବୀରେ ଆତଙ୍କ ଦେଖାଦେଇଛି । ଏଥିରୁ ସୁରକ୍ଷିତ ରହିବା ପାଇଁ ସାମାଜିକ ଦୂରତା ଅବଲମ୍ବନ କରିବା ଉପରେ...

କେନ୍ଦ୍ରର ଓଟିଟି ଗାଇଡ୍‌ଲାଇନ୍‌ ଦନ୍ତହୀନ

ନୂଆଦିଲ୍ଲୀ,୬ା୩: ସୋସିଆଲ ମିଡିଆ ନିୟନ୍ତ୍ରଣ ପାଇଁ କେନ୍ଦ୍ର ସରକାର ଜାରି କରିଥିବା ଗାଇଡ୍‌ଲାଇନର ଦାନ୍ତ ନାହିଁ। ଡିଜିଟାଲ ପ୍ଲାଟଫର୍ମଗୁଡ଼ିକ ଅନୁପଯୁକ୍ତ କଣ୍ଟେଣ୍ଟ ଦେଖାଇଲେ ସେମାନଙ୍କ ବିରୋଧରେ...

ଭୟାବହ ଅଗ୍ନିକାଣ୍ଡ:୨ ମୃତ

ମୁମ୍ବାଇ,୭।୧୧: ମୁମ୍ବାଇର କାନ୍ଦିବାଲି ଅଞ୍ଚଳରେ ଶନିବାର ରାତିରେ ଭୟାବହ ଅଗ୍ନିକାଣ୍ଡ ଘଟିଛି । ମଥୁରାଦାସ ରୋଡରେ ଥିବା ହଂସା ହେରିଟେଜ ନାମକ ଏକ ୧୫ ମହଲା...

ମେ’ ୩୧ ପର୍ଯ୍ୟନ୍ତ ବଢିଲା ଲକ୍‌ଡାଉନ ଅବଧି

ଚେନ୍ନାଇ,୧୭।୫: କରୋନା ଭାଇରସ ସଂକ୍ରମଣକୁ ନେଇ ସାରା ଦେଶରେ ଲାଗୁ ହୋଇଥିବା ଲକ୍‌ଡାଉନ ୩.୦ର ଅବଧି ରବିବାର ଶେଷ ହୋଇଛି। ହେଲେ ଅପ୍ୟପଟେ କରୋନା ଭାଇରସ...

ନିର୍ବାଚନ ଆଇନ ସଂଶୋଧନ ବିଲ, ୨୦୨୧ ଲୋକ ସଭାରେ ଆଗତ

ନୂଆଦିଲ୍ଲୀ,୨୦।୧୨: ନିର୍ବାଚନ ଆଇନ (ସଂଶୋଧନ) ବିଲ,୨୦୨୧ ଲୋକ ସଭାରେ ଆଗତ କରାଯାଇଛି। ଏହି ବିଲରେ ଭୋଟର କାର୍ଡକୁ ଆଧାର କାର୍ଡ ସହିତ ଯୋଡିବା ପାଇଁ ଏକ...

ଭୟ କମାଉଛି ବିଳମ୍ବିତ ନ୍ୟାୟ

ନୂଆଦିଲ୍ଲୀ,୪ା୧୨: ପରିସଂଖ୍ୟାନ କହେ ପ୍ରତି ୧୫ ମିନିଟରେ ଭାରତର କେଉଁଠି ନା କେଉଁଠି ଜଣେ ମହିଳା ବଳାତ୍କାରର ଶିକାର ହେଉଛନ୍ତି। ୨୦୧୭ରେ ରୁଜୁ ହୋଇଥିବା ମୋଟ...

Advertisement
Archives

Model This Week