ଘରେ ଘରେ ଥଣ୍ଡା, ଜ୍ୱର ରୋଗୀ

କେନ୍ଦ୍ରାପଡା ଅଫିସ,୧୮ା୯: କେନ୍ଦ୍ରାପଡ଼ା ଜିଲାରେ କରୋନା ସଂକ୍ରମଣ ଆଶଙ୍କା ପାଇଁ ସାଧାରଣ ଚିକିତ୍ସା ସେବା ଗତ ମାର୍ଚ୍ଚରୁ ପ୍ରଭାବିତ ହୋଇଛି। ସାମାଜିକ ଦୂରତ୍ୱ ଓ ଅନ୍ୟ କୋଭିଡ୍‌-୧୯ ନିୟମାବଳୀ କାର୍ଯ୍ୟକାରୀ ହେବା ପରେ ଜ୍ୱର, ଥଣ୍ଡା କାଶ ପରି ଲକ୍ଷଣ ଥିବା ରୋଗୀ ସହଜରେ ଚିକିତ୍ସିତ ହୋଇପାରୁନାହାନ୍ତି। ଦେଶରେ ଅନ୍‌ଲକ-୪ ଓ ରାଜ୍ୟରେ ସଂଗରୋଧ କେନ୍ଦ୍ର, କୋଭିଡ୍‌ କେୟାର ସେଣ୍ଟର ବନ୍ଦ ପରେ ମଧ୍ୟ ଜିଲା ସ୍ବାସ୍ଥ୍ୟ ବିଭାଗ ଏଥିପ୍ରତି ସଚେତନ ହୋଇନାହାନ୍ତି। ବର୍ଷା ଓ ବନ୍ୟା ପରେ ଜିଲାର ପ୍ରତି ଘରେ ଏବେ ଜ୍ୱର, ଥଣ୍ଡା, କାଶ, ଝାଡ଼ାବାନ୍ତି ଆଦି ଲକ୍ଷଣ ଥିବା ରୋଗୀଙ୍କୁ ଦେଖିବାକୁ ମିଳୁଛି। ଏପରିକି ସହର ଓ ଆଖପାଖ ଅଞ୍ଚଳରେ ବୁଧବାର- ଗୁରୁବାରର ୧୫ ଘଣ୍ଟା ବ୍ୟବଧାନରେ ଜ୍ୱର ଲକ୍ଷଣ ଥିବା ୫ଜଣଙ୍କ ମୃତ୍ୟୁ ଘଟିବା ପରେ ଜିଲାରେ ଭୟର ବାତାବରଣ ସୃଷ୍ଟି ହୋଇଛି। ରାଜନଗରର ଜେଇ ବିଶ୍ୱରଞ୍ଜନ ଭୂୟାଁ, କେନ୍ଦ୍ରାପଡ଼ା ମ୍ୟୁନିସିପାଲିଟି ପରିମଳ ଜମାଦାର ଦିଲ୍ଲୀପ ସିଂହ, ପୂର୍ବତନ କର୍ମଚାରୀ ଗୋକୁଳ ଦାସ, ବ୍ଲକ ଅଧ୍ୟକ୍ଷ ଅନାମବନ୍ଧୁ ଧଳ, ସାନ୍ତସାହିର ମହମ୍ମଦ ଖୁଲସନ ଅଲ୍ଲୀଙ୍କ ଆକାଳ ମୃତ୍ୟୁ ପାଇଁ ପରିବାର ସଦସ୍ୟ ହୃଦ୍‌ଘାତକୁ ଦାୟୀ କରୁଛନ୍ତି। ତେବେ ମୃତକଙ୍କ ବ୍ୟବଚ୍ଛେଦ ନ ହେବା ଓ କୋଭିଡ-୧୯ ନିୟମାବଳୀରେ ମୃତଦେହ ସତ୍କାର କରିବାକୁ ନେଇ ଆଲୋଚନା ଜୋର ଧରିଛି।
ଅପରପକ୍ଷରେ ପ୍ରତିବର୍ଷ ଜୁନ ପୂର୍ବରୁ ଜଳବାହିତ ରୋଗ ପାଇଁ ଜିଲା ପ୍ରଶାସନ ପକ୍ଷରୁ ବିଭିନ୍ନ ପ୍ରକାର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ। ଏଥିସହ ଗ୍ରାମ କଲ୍ୟାଣ ସମିତିଠାରୁ ଆରମ୍ଭ କରି ଜିଲା ସ୍ବାସ୍ଥ୍ୟ କର୍ମଚାରୀ ପର୍ଯ୍ୟନ୍ତ ଡେଙ୍ଗୁ, ମ୍ୟାଲେରିଆ, ଥଣ୍ଡା ଜ୍ୱର, କାଶ ଆଦି ରୋଗର ନିକାକରଣ ପାଇଁ ସଚେତନତା ସୃଷ୍ଟି କରାଇଥାନ୍ତି। ଚଳିତ ବର୍ଷ କରୋନା ସଂକ୍ରମଣ ଟାଳିବାରେ ବ୍ୟସ୍ତ ରହିଥିବା ପ୍ରଶାସନ ଏଥିପ୍ରତି ନଜର ଦେଇନାହାନ୍ତି। ଫଳରେ ସାଧାରଣ ଲକ୍ଷଣଯୁକ୍ତ ରୋଗ ପାଇଁ ଘରେ ରହି କ୍ବାକ୍‌ଙ୍କ ସହାୟତା ନିଆଯାଉଥିବାରୁ ବହୁ ବୁଦ୍ଧିଜୀବୀ କ୍ଷୋଭ ପ୍ରକାଶ କରିଛନ୍ତି। ଏ ସମ୍ପର୍କରେ ବୁଦ୍ଧିଜୀବୀ ରାଧାକାନ୍ତ ମହାନ୍ତି, ପ୍ରଶାନ୍ତ କୁମାର ନାୟକ, ମାତୃଦତ୍ତ ମହାନ୍ତି, ସାମାଜିକ କର୍ମୀ ପ୍ରତାପ ଚନ୍ଦ୍ର ପାଢ଼ୀ କହିଛନ୍ତି, ଗତ ମାର୍ଚ୍ଚରୁ କରୋନା ସଂକ୍ରମଣର ଭୟାବହତା ଆରମ୍ଭ ହୋଇଛି। ପ୍ରାଥମିକ ପର୍ଯ୍ୟାୟରେ କେନ୍ଦ୍ରାପଡ଼ା ଜିଲାରେ ଏହାର ପ୍ରଭାବ ନଥିଲା। ଏପ୍ରିଲ ୭ରେ ପ୍ରଥମ କରୋନା ରୋଗୀ ଚିହ୍ନଟ ହୋଇଥିବା ବେଳେ ଅଗଷ୍ଟ ଆରମ୍ଭରେ ୫୦୦ ମଧ୍ୟର ସୀମିତ ଥିଲା। ଏହି ସଂଖା ଏବେ ୩୫୧୧ ହୋଇଛି। ଏପରିକି ସେପ୍ଟେମ୍ବର ୧୬ ଦିନ ମଧ୍ୟରେ ଜିଲାରେ ୧୪୦୦ରୁ ଊର୍ଦ୍ଧ୍ୱ ଆକ୍ରାନ୍ତ ଚିହ୍ନଟ ହୋଇଛନ୍ତି। କରୋନା ସଂକ୍ରମଣ ବଢ଼ି ଚାଲିଥିବା ବେଳେ ବିଭିନ୍ନ ସରକାରୀ କଟକଣା ହଟିଯାଇଛି। ଏଥିସହିତ ଜିଲାରେ ବର୍ଷା ଓ ବନ୍ୟାରେ ପୀଡିତ ଲୋକଙ୍କୁ ଜ୍ୱର, ଥଣ୍ଡା, କାଶ ଆଦି ରୋଗ ଦେଖାଦେଇଛି ା ବିଭିନ୍ନ ସରକାରୀ ଚିକିତ୍ସାଳୟରେ କରୋନା କଟକଣା ଥିବାରୁ ରୋଗୀ ଆତଙ୍କିତ ହୋଇ ଚିକିତ୍ସା ପାଇଁ ଯାଉନାହାନ୍ତି। ସେହିପରି ନିକଟସ୍ଥ ଔଷଧ ଦୋକାନୀ ଓ କ୍ବାକ୍‌ଙ୍କ ପରାମର୍ଶରେ ଔଷଧ ସେବନ କରିବା ପାଇଁ ଏକ ପ୍ରକାର ବାଧ୍ୟ ହେଉଛନ୍ତି। ଅଭିଜ୍ଞ ଡାକ୍ତରଙ୍କ ଅନୁଶୀଳନ ଓ ଉପଯୁକ୍ତ ଟେଷ୍ଟ ଅଭାବରେ ପ୍ରକୃତ ରୋଗ ଧରା ନ ପଡ଼ିବାରୁ ଅକାଳରେ ଅନେକଙ୍କ ଜୀବନ ଯାଉଛି। ସାଧାରଣ ଚିକିତ୍ସା ସେବାକୁ ପୁନର୍ବାର ଚାଲୁ କରିବା ପାଇଁ ବୁଦ୍ଧିଜୀବୀମାନେ ଦାବି କରିଛନ୍ତି। ଏ ସମ୍ପର୍କରେ ସିଡିଏମ୍‌ଓ ଡା. ଅନୀତା ପଟ୍ଟନାୟକ କହିଛନ୍ତି ଯେ, ବର୍ଷା ଋତୁ ଆରମ୍ଭରୁ ଜଳବାହିତ ରୋଗ ପାଇଁ ସତର୍କତା ଅବଲମ୍ବନ କରାଯାଇଛି। ଗ୍ରାମସ୍ତରରେ ଥିବା ସ୍ବାସ୍ଥ୍ୟକର୍ମୀଙ୍କୁ ଏ ନେଇ ତାଳିମ ଦିଆଯାଇଛି। ସେହିପରି ପ୍ରତି ଚିକିତ୍ସାଳୟରେ ସ୍ବତନ୍ତ୍ର ଭାବେ ଭିବର କ୍ଲିନିକ ପ୍ରତିଷ୍ଠା ସହ ଫୋନ୍‌ ଯୋଗେ ପରାମର୍ଶ ଦିଆଯାଉଛି। ଚିକିତ୍ସାରେ ଅବହେଳା କରାଯାଉ ନ ଥିବା ସିଡିଏମଓ ଡା. ପଟ୍ଟନାୟକ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

ହକି ଇଣ୍ଡିଆ ନିର୍ବାଚନ ସ୍ଥଗିତ: ଅନ୍ତରୀଣ ରହିତାଦେଶ ହଟାଇବାକୁ ହୋଇଥିବା ଆବେଦନ ଖାରଜ କଲେ ହାଇକୋର୍ଟ

କଟକ,୧୮।୧୧: ହକି ଇଣ୍ଡିଆ ନିର୍ବାଚନ ପ୍ରକ୍ରିୟାକୁ ସ୍ଥଗିତ ରଖିଛନ୍ତି ମାନ୍ୟବର ଓଡ଼ିଶା ହାଇକୋର୍ଟ । ନିର୍ବାଚନ ଉପରେ ପୂର୍ବରୁ ଲାଗିଥିବା ଅନ୍ତରୀଣ ରହିତାଦେଶକୁ ପ୍ରତ୍ୟାହାର କରିବା ପାଇଁ…

ସାନ ନଦୀରେ ବଢ଼ିଛି ଜଳସ୍ତର, ଗାଧୋଇବାକୁ ଯାଇ ନିଖୋଜ ସନ୍ତୋଷ

ଗୁଡାରି,୧୮।୧୧(ପ୍ରମୋଦ କୁମାର ପତି): ଗୁଡାରି ବ୍ଲକ ଅନ୍ତର୍ଗତ ଏମ କେ ରାଇ ଗ୍ରାମପଂଚାୟତର ମେରିଆପାଙ୍ଗା ଗ୍ରାମରେ ଅଭାବନୀୟ ଘଟଣା ଘଟିଯାଇଛି । ସନ୍ତୋଷ ପାଲକା (୩୯) ଗ୍ରାମ…

ଜେଜିଲା ମଦ ବିରୋଧୀ ଆନ୍ଦୋଳନ, ଜିଲାପାଳଙ୍କ କାର୍ଯ୍ୟାଳୟ ଘେରିଲେ ମହିଳା

କୋରାପୁଟ,୧୮।୧୧(ଅମିତାଭ ବେହେରା): ଗ୍ରାମାଞ୍ଚଳରେ ଦେଶୀ ଓ ବିଦେଶୀ ମଦ ବିକ୍ରି ବନ୍ଦ ଦାବିରେ କୋରାପୁଟ ଜିଲା କୋଟପାଡ଼ ବ୍ଲକର ଭନସୁଲି ଓ ସେମଳା ପଞ୍ଚାୟତର ଶତାଧିକ ମହିଳା…

୨୫ ଲକ୍ଷ ଟଙ୍କାର ସରକାରୀ ଅର୍ଥ ହେରଫେର ଅଭିଯୋଗ, ୨ ବରିଷ୍ଠ କୃଷି ଅଧିକାରୀଙ୍କ ସମେତ ୩ ଗିରଫ

ବାଲେଶ୍ୱର,୧୮।୧୧(ମୃତ୍ୟୁଞ୍ଜୟ ପଟ୍ଟନାୟକ): ସିଆର୍‌ଏଫ୍‌ଏମ୍ ଯୋଜନାରେ ୨୫ ଲକ୍ଷ ୩ ହଜାର ୨୪୯ ଟଙ୍କା ସରକାରୀ ଅର୍ଥ ହେରଫେର ମାମଲାରେ ଓଡ଼ିଶା ଭିଜିଲାନ୍ସ ବୁଧବାର ବାଲେଶ୍ୱର ଜିଲାର ଦୁଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?