ପବନ ଉଡ଼େଇନେଲା

ବିହାର ସୁଲତାନଗଞ୍ଜରେ ଗଙ୍ଗା ନଦୀ ଉପରେ ନିର୍ମିତ ଏକ ପୋଲର କିଛି ଅଂଶ ଏପ୍ରିଲ ୨୯ରେ ହୋଇଥିବା ଝଡ଼ବାତ୍ୟାରେ ଭୁଶୁଡ଼ି ପଡ଼ିଥିଲା। ସୁଖର କଥା ଯେ, ଏଥିରେ କେହି ମୃତାହତ ହୋଇ ନ ଥିଲେ। ଏ ବିଷୟରେ କେନ୍ଦ୍ର ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତୀନ ଗଡ଼କରୀ ତାଙ୍କ ମନ୍ତ୍ରଣାଳୟର ସଚିବଙ୍କୁ ଏହାର କାରଣ ପଚାରିବାରୁ ମନ୍ତ୍ରୀଙ୍କ କହିବା ଅନୁଯାୟୀ ଉତ୍ତର ମିଳିଥିଲା, ପୋଲଟି ଜୋର୍‌ ପବନ ହେବାରୁ ଭାଙ୍ଗିଯାଇଛି। ମନ୍ତ୍ରୀ ଏହା ଶୁଣି ଆଶ୍ଚର୍ଯ୍ୟ ହୋଇଯାଇଥିଲେ ବୋଲି ନିଜେ କହିଛନ୍ତି। ବ୍ରିଜ୍‌ ଖସିପଡ଼ିବା ପଛରେ ନିଶ୍ଚିତ ନିର୍ମାଣଜନିତ ତ୍ରୁଟିଥିବା ବୁଝି ହେଉଛି ବୋଲି ସେ କହିଥିଲେ। ତେବେ ଗଡ଼କରୀ ତାଙ୍କ ସଚିବଙ୍କ ଉଦାହରଣ ଦେଇ ଏହି ବିଷୟ ମେ ୧୦ରେ ଏକ କାର୍ଯ୍ୟକ୍ରମରେ କହିବା ପରେ ତାହା ହାସ୍ୟାସ୍ପଦ ପରିସ୍ଥିତି ସୃଷ୍ଟି କରିଛି।
ଏ ଦେଶରେ ବ୍ରିଜ୍‌ ଭୁଶୁଡ଼ିପଡ଼ିବା ଓ ସରକାରୀ ସ୍କୁଲ କିମ୍ବା କାର୍ଯ୍ୟାଳୟ ଭାଙ୍ଗି ପଡ଼ିବା ପରେ ତାହାର ବାରମ୍ବାର ମରାମତି ହେବା ଏକ ନିତିଦିନିଆ କଥା। ଓଡ଼ିଶାର ଭୁବନେଶ୍ୱର, ଖୋର୍ଦ୍ଧା, କଟକ ଓ ବଲାଙ୍ଗୀର ଆଦି ସ୍ଥାନରେ ବ୍ରିଜ୍‌ ଭୁଶୁଡ଼ି ଲୋକଙ୍କ ଜୀବନ ଯିବା ବିଷୟରେ ସମସ୍ତେ ଅବଗତ ଅଛନ୍ତି। ନିମ୍ନମାନର କଞ୍ଚାମାଲ ଓ ତରବରିଆ କାମ ଶେଷ କରିବାର ନିଶା ଯୋଗୁ ନିର୍ମାଣରେ ତ୍ରୁଟି ରହିବା ଓ ସେଗୁଡ଼ିକ ଭୁଶୁଡ଼ି ପଡ଼ୁଥିବା ଦେଖିବାକୁ ମିଳେ। ବିହାରରେ ଯେଉଁ ବ୍ରିଜ୍‌ର କିଛି ଅଂଶ ଭାଙ୍ଗିଯାଇଛି ତାହା ଏହି ପର୍ଯ୍ୟାୟଭୁକ୍ତ ହୋଇଥାଇପାରେ। କିନ୍ତୁ ଏହି ନିମ୍ନମାନର କାର୍ଯ୍ୟ କେବଳ ବିହାରରେ ସୀମିତ ନୁହେଁ। ସେହି ରାଜ୍ୟ ସମେତ ଭାରତର ଅନ୍ୟସବୁ ରାଜ୍ୟରେ ଏହିଭଳି ଖରାପ ମାନର ଇଞ୍ଜିନିୟରିଂ କାମ ସବୁଆଡ଼େ ଦେଖିବାକୁ ମିଳୁଛି। ଏଥିରୁ ବୁଝାପଡ଼ୁଛି ଯେ, ଆମ ଦେଶରେ ପାଠପଢ଼ି ଇଞ୍ଜିନିୟର ହେଉଥିବା ଯୁବତୀଯୁବକମାନଙ୍କର ଦକ୍ଷତାରେ ଅନେକ ଅଭାବ ରହୁଛି। କୌଣସି ସ୍ତରରେ ଏମାନେ ମନଦେଇ ପାଠ ପଢ଼ୁ ନାହାନ୍ତି। ସିଭିଲ୍‌ ଇଞ୍ଜିନିୟରିଂ କ୍ଷେତ୍ରରେ ବିଶ୍ୱ ଅନେକ ଦୂରକୁ ଆଗେଇଯାଇଥିବା ବେଳେ ଭାରତରେ ଏବେ ମଧ୍ୟ ସେହି ପୁରୁଣା ଢାଞ୍ଚାରେ କାର୍ଯ୍ୟ ଚଳାଇବାକୁ ଇଞ୍ଜିନିୟରିଂ ପାଠ ପଢ଼ିଥିବା ଯୁବପିଢ଼ି ପସନ୍ଦ କରୁଛନ୍ତି। ହୁଏତ ସେଥିପାଇଁ ସେମାନଙ୍କ ମଧ୍ୟରେ ପ୍ରବଳ ଦୁର୍ନୀତି ଦେଖିବାକୁ ମିଳୁଛି ଏବଂ ଚାକିରି ପାଇବା ପୂର୍ବରୁ ପ୍ରତିବାଦ କରୁଥିବା ଇଞ୍ଜିନିୟରିଂ ଛାତ୍ରୀଛାତ୍ରଙ୍କ ସପକ୍ଷରେ ସାଧାରଣତଃ ସାମାଜିକ ସମର୍ଥନ ମିଳିପାରୁ ନ ଥିବା ଭଳି ସ୍ପଷ୍ଟ ଜଣାପଡ଼ୁଛି।
ଦେଖିବାକୁ ଗଲେ ବିନା ପର୍ସେଣ୍ଟେଜ୍‌ ବା ପିସିରେ କୌଣସି ସରକାରୀ ପ୍ରକଳ୍ପ କାର୍ଯ୍ୟ ଆଗେଇ ନ ଥାଏ ବୋଲି ସମାଜର ସବୁ ବର୍ଗ ଜାଣିଛନ୍ତି। ବିଶେଷକରି ବ୍ଲକ ସ୍ତରରୁ କନିଷ୍ଠ ଯନ୍ତ୍ରୀମାନେ ଦୁର୍ନୀତିରେ ବୁଡ଼ିରହି ପିସି ନ ଖାଇଲେ କୌଣସି କାର୍ଯ୍ୟ କରାଇବା ସମ୍ଭବପର ହୁଏ ନାହିଁ। ଗଡକରୀ ଯେଉଁ ବିଷୟଟି ଉଠାଇଛନ୍ତି ଓ ତାଙ୍କ ସଚିବଙ୍କୁ ପଦାରେ ପକାଇ ଭାବିଛନ୍ତି ବୋଧହୁଏ ତାଙ୍କ ବ୍ୟକ୍ତିତ୍ୱ ଉଚ୍ଚା ଭାବେ ଦେଖାଯିବ। ଏଠାରେ କୁହାଯାଇପାରେ ଯେ, ବାସ୍ତବ କ୍ଷେତ୍ରରେ ସେ ସମ୍ପୃକ୍ତ ସଚିବ ଓ ପୋଲ ନିର୍ମାଣ କରିଥିବା ସଂସ୍ଥା ବିରୋଧରେ କ’ଣ କାର୍ଯ୍ୟାନୁଷ୍ଠାନ ନେଲେ। ସଡ଼କ ପରିବହନ ମନ୍ତ୍ରୀ ଭାବରେ ମୁଖ୍ୟତଃ ତାଙ୍କର ନୈତିକ ଦାୟିତ୍ୱ ତୁଲାଇବାକୁ ଯାଇ ନିଜର ଦୋଷ ସ୍ବୀକାର କରିବା ଉଚିତ ଥିଲା।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଖରାଦିନ ଆରମ୍ଭରୁ ବେଙ୍ଗାଲୁରୁ ଜଳ ସଙ୍କଟ ଏବେ ଚିନ୍ତାର ବିଷୟ ହୋଇଛି। ପରିସ୍ଥିତି ଏମିତି ଯେ ସେଠାରେ ଲୋକେ ସହର ଛାଡ଼ିବାକୁ ବାଧ୍ୟ ହେଉଛନ୍ତି। ଏହି...

ଅଦୃଶ୍ୟ ଶତ୍ରୁ

ମାୟାଧର ନାୟକ   ସତ୍ୟ, ତ୍ରେତୟା, ଦ୍ୱାପର, କଳିକାଳରେ ଯେତେ ଯୁଦ୍ଧ ହୋଇଯାଇଛି- ଶତ୍ରୁକୁ ଜାଣି ହେଉଥିଲା- କିନ୍ତୁ ଏ ମହାକଳିକାଳରେ ଅଜଣା ରୋଗ ଓ...

ଚୋରକୁ ବୁଦ୍ଧି

ଅଲେଖ ଚନ୍ଦ୍ର ମିଶ୍ର   ‘ଚୋରକୁ ବୁଦ୍ଧି ଶିଖେଇବା’ ଆପ୍ତବାଣୀଟି ଯେଉଁ ପୃଷ୍ଠଭୂମି ଉପରେ ଆଧାରିତ ତାହା ଥିଲା ଏକ ବାସ୍ତବଧର୍ମୀ କାହାଣୀ, ଯାହାର ମର୍ମ...

ଅପ୍ରକାଶ୍ୟ ଋଣ ସମସ୍ୟା

ଗତ କିଛି ବର୍ଷ ମଧ୍ୟରେ କୋଭିଡ୍‌-୧୯ ମହାମାରୀଠାରୁ ଆରମ୍ଭକରି ଉନ୍ନତ-ଅର୍ଥ ବ୍ୟବସ୍ଥାର ସୁଧ ହାର ବୃଦ୍ଧି ଭଳି ଘଟଣା ଭିନ୍ନ ସ୍ଥିତି ସୃଷ୍ଟି କରିଛି। ଏଥିରେ...

ଏଇ ଭାରତରେ

ଦେଶ ଗଠନରେ ଯୁବ ପ୍ରଶାସକଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଅନୁଭବ କରିଛନ୍ତି ୨୦୧୧ ବ୍ୟାଚ୍‌ ଭାରତୀୟ ରାଜସ୍ବ ସେବା(ଆଇଆର୍‌ଏସ୍‌) ଅଧିକାରୀ ରବି କପୁର। ସେ...

ରାମ ରାଜ୍ୟ ସମ୍ଭବ କି

ବୈକୁଣ୍ଠନାଥ ମିଶ୍ର   ଆଜିକାଲି ‘ଜୟ ଶ୍ରୀରାମ’ ଉଚ୍ଚାରଣ କରି ବନ୍ଧୁଙ୍କୁ ପ୍ରଥମ ସାକ୍ଷାତରେ ସମ୍ଭାଷିତ କରିବାର ଅଭିନବ ପରମ୍ପରା ସର୍ବତ୍ର ପରିଦୃଷ୍ଟ। ବନ୍ଧୁଙ୍କୁ ସମ୍ଭାଷଣ...

ମତଦାତାଙ୍କ ବୁଦ୍ଧି ବିମୂଢ଼ତା

ଡ.ଛାୟାକାନ୍ତ ଷଡ଼ଙ୍ଗୀ   ସମ୍ପ୍ରତି ଭାରତ ତଥା ବିଭିନ୍ନ ପ୍ରଦେଶରେ ରାଜନୀତିର ବିଚିତ୍ର ଗତି ଦେଖି ମତଦାତାମାନେ ଉଇଲିଅମ ଜେମ୍‌ସଙ୍କ ଭଳି ସମସ୍ୟାର ସମ୍ମୁଖୀନ ହେଲେଣି।...

ବୁଝିହେଉଛି

ଆମ୍‌ ଆଦ୍‌ମୀ ପାର୍ଟି (ଆପ୍‌) ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ୍‌ କେଜ୍‌ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରି ଆସନ୍ତା ୨୮ ତାରିଖ ପର୍ଯ୍ୟନ୍ତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri