କେସିଙ୍ଗା,୩।୬(ଡି.ଏନ୍.ଏ.): ପଶ୍ଚିମ ଓଡ଼ିିଶା ବିକାଶ ପରିଷଦ(ଡବ୍ଲ୍ୟୁଡିସି) ଅଧ୍ୟକ୍ଷ ଅସିତ ତ୍ରିପାଠୀ ୨ ଦିନିଆ କଳାହାଣ୍ଡି ଜିଲା ଗ୍ରସ୍ତରେ ଯାଇଛନ୍ତି। ଶୁକ୍ରବାର ଅଧ୍ୟକ୍ଷ ତ୍ରିପାଠୀ କଳାହାଣ୍ଡି ଜିଲା କେସିଙ୍ଗା ସହର ପରିଦର୍ଶନ କରିଥିଲେ। ତାଙ୍କ ସହ ସିଇଓ ଡ.ଅଜିତ କୁମାର ମିଶ୍ର ମଧ୍ୟ ଉପସ୍ଥିତ ଥିଲେ। ଅଧ୍ୟକ୍ଷ ପ୍ରଥମେ କେସିଙ୍ଗା ସହରର ଆଦର୍ଶ କଲୋନୀ ପରିଦର୍ଶନ କରିଥିଲେ।
ଏହି ଅବସରରେ ଅଧ୍ୟକ୍ଷ ତ୍ରିପାଠୀ କଲୋନୀବାସୀଙ୍କ ସହ ବିଭିନ୍ନ ସମସ୍ୟା ଏବଂ ଏହାର ସମାଧାନ ନେଇ ଆଲୋଚନା କରିଥିଲେ। ଏପରି କି ପାନୀୟଜଳ ଯୋଗଣା ଏବଂ ବାଡ଼ ନିର୍ମାଣ କରିବାକୁ ସ୍ଥାନୀୟ ଜନସାଧାରଣ ଦାବି କରିଥିଲେ। ଅନ୍ୟପକ୍ଷେ କଲୋନୀରେ ଗଛ ଲଗାଇବାକୁ ଜନସାଧାରଣଙ୍କୁ ଅଧ୍ୟକ୍ଷ ତ୍ରିପାଠୀ କହିଥିଲେ।
ଅଧ୍ୟକ୍ଷ ତ୍ରିପାଠୀ ସହରର ଟାୟାର ଫ୍ୟାକ୍ଟ୍ରିି, କୃଷି ସମ୍ବନ୍ଧୀୟ ଉଦ୍ୟୋଗକୁ ପରିଦର୍ଶନ କରିଥିଲେ। ପରିଦର୍ଶନରେ ଜିଲାପାଳ ଡ଼.ଗାଭିଲ ପରାଗ ହର୍ଷଦ, ପିଡ଼ି ଡିଆର୍ଡିଏ ସୋମେଶ କୁମାର ଉପାଧ୍ୟାୟ, ଜିଲାପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂଦେଓ, ଏନ୍ଏସି ଅଧ୍ୟକ୍ଷ ନୃପରାଜ ସାହୁ, ବ୍ଲକ ଅଧ୍ୟକ୍ଷ ଚନ୍ଦନ ସେନାପତି, ଏନ୍ଏସି ନିର୍ବାହୀ ଅଧିକାରିଣୀ କିରଣ ବେହେରା ପ୍ରମୁଖ ସାମିଲ ଥିଲେ। କେସିଙ୍ଗା କାର୍ଯ୍ୟକ୍ରମ ସାରି ଅଧ୍ୟକ୍ଷ ତ୍ରିପାଠୀ ପୁଣି ଭବାନୀପାଟଣା ଫେରି ଯାଇଥିଲେ।
