ହଂକଂ: ଚାଇନାର ଶେଷ ସମ୍ରାଟ ଆସିନ୍-ଗିଓରୋ ପୁୟିଙ୍କ ହାତଘଣ୍ଟା ହଂକଂରେ ୬ ନିୟୁତ ଡଲାରରେ ନିଲାମ ହୋଇଛି। ଐତିହାସିକ ଦୃଷ୍ଟିକୋଣରୁ ମହତ୍ତ୍ୱପୂର୍ଣ୍ଣ ରେଫ୍ ୯୬ କ୍ୱାଣ୍ଟିମେ ଲ୍ୟୁନ୍ ଟାଇମ୍ପିସ୍ ଘଣ୍ଟାରେ ମୁକୁଟ ସଦୃଶ ଏକ ଚନ୍ଦ୍ର ରହିଛି।
ପୁୟିଙ୍କୁ ମାତ୍ର ୨ ବର୍ଷ ହୋଇଥିବାବେଳେ ତାଙ୍କର ରାଜ୍ୟାଭିଷେକ ହୋଇଥିଲା। କିନ୍ତୁ ୧୯୧୨ରେ ଶିନ୍ହାଇ ବିପ୍ଳବ ବେଳେ ରାଜଭାର ତ୍ୟାଗ କରିବାକୁ ସେ ବାଧ୍ୟ ହୋଇଥିଲେ। ୧୯୩୦ ଦଶକରେ ସେ ଜାପାନ ଅଧିକୃତ ମାନୁଚୁକୁଓରେ ନେତା ପାଲଟିଥିଲେ। ୧୯୪୫ରେ ଜାପାନର ପତନ ପୂର୍ବରୁ ତାଙ୍କୁ ବନ୍ଦୀ କରି ସୋଭିଏଟ୍ ପ୍ରିଜନ୍ କ୍ୟାମ୍ପକୁ ନିଆଯାଇଥିଲା। କ୍ୱିଙ୍ଗ୍ ରାଜବଂଶର ଅନ୍ତିମ ଶାସକ ପୁୟି ଏହାକୁ ପିନ୍ଧି ଉକ୍ତ ଶିବିରକୁ ଯାଇଥିଲେ। ଏହାକୁ ୩ ନିୟୁତ ଡଲାରରେ ନିଲାମ ପାଇଁ ଧାର୍ଯ୍ୟ କରାଯାଇଥିଲା। କିନ୍ତୁ ମାତ୍ର ୫ ମିନିଟ୍ ମଧ୍ୟରେ ୫.୧ ନିୟୁତ ଡଲାରର ବିଡିଂ ହୋଇଥିଲା। କ୍ରେତାଙ୍କ ପ୍ରିମିୟମ୍ ଫି’କୁ ମିଶାଇଲେ ମୋଟ ମୂଲ୍ୟ ୬.୨ ନିୟୁତ ଡଲାର ହେଉଛି ବୋଲି ବ୍ରିଟିଶ୍ ଅକ୍ସନ ହାଉସ୍ ଫିଲିପ୍ସ ପକ୍ଷରୁ କୁହାଯାଇଛି।
