ଅନ୍ତ୍ୟେଷ୍ଟି କ୍ରିୟାରେ ନିମ୍ନମାନର ଘିଅ ବ୍ୟବହାର

ପୁରୀ ଅଫିସ,୧୪।୯: ପୁରୀ ସ୍ବର୍ଗଦ୍ୱାରରେ ସତ୍କାର କଲେ ମୃତବ୍ୟକ୍ତିଙ୍କୁ ପୁଣ୍ୟ ପ୍ରାପ୍ତି ହେଉଥିବା ବିଶ୍ୱାସରେ ଲୋକେ ଏଠାକୁ ଆସନ୍ତି। ହେଲେ ସ୍ବର୍ଗଦ୍ୱାରରେ ପୂଜା ଓ ଅନ୍ତ୍ୟେଷ୍ଟି କ୍ରିୟାବେଳେ ସାମଗ୍ରୀ କିଣାବିକାରେ ସରକାରୀ ଆଇନକୁ ଖୋଲାଖୋଲି ଭାବେ ଉଲ୍ଲଂଘନ କରାଯାଉଥିବା ଅଭିଯୋଗ ହୋଇଛି। ଏଠାରେ ମୃତଦେହ ସତ୍କାର ପାଇଁ କେବଳ ଓମଫେଡ୍‌ ଘିଅ ଉଦ୍ଦିଷ୍ଟ ଥିବାବେଳେ ଦୋକାନରେ ନିମ୍ନମାନର ଘିଅ ଦିଆଯାଉଛି। ସାଧାରଣ ଲୋକଙ୍କ ଉଦ୍ଦେଶ୍ୟରେ ଏକ ସାମଗ୍ରୀ ତାଲିକା ସ୍ବର୍ଗଦ୍ୱାର ପରିସର ମଧ୍ୟରେ ରହିଛି। ଯେଉଁଥିରେ ସ୍ପଷ୍ଟ ଭାବେ ଲେଖାଅଛି କେବଳ ଓମ୍‌ଫେଡ୍‌ ଘିଅ ହିଁ ବିକ୍ରି ଉଦ୍ଦେଶ୍ୟରେ ମିଳିପାରିବ। ତେବେ ସାମଗ୍ରୀ ଦୋକାନୀ ଓମ୍‌ଫେଡ୍‌ ଘିଅ ବଦଳରେ ଅଲଗା ଘିଅ ଦେଉଥିବା ଲୋକେ ଅଭିଯୋଗ କରିଛନ୍ତି। ଏପରିକି ଏ ନେଇ ସ୍ବର୍ଗଦ୍ୱାର ସେବା ସମିତି ପକ୍ଷରୁ ଜାଣିଥିଲେ ମଧ୍ୟ କାହିଁକି କାର୍ଯ୍ୟାନୁଷ୍ଠାନ ନିଆଯାଉନି ସେନେଇ ପ୍ରଶ୍ନ ଉଠିଛି।
ସାଧାରଣତଃ ଅଧିକାଂଶ ଲୋକେ ହରିଶ୍ଚନ୍ଦ୍ର ଯୋଜନାରେ ମାଗଣାରେ ମୃତଦେହ ସତ୍କାର କରୁଛନ୍ତି। ଫଳରେ ସରକାର ଏହି ଖର୍ଚ୍ଚ ବହନ କରୁଥିବା ବେଳେ ସ୍ବର୍ଗଦ୍ୱାର ପରିସରରେ ଥିବା ଅନ୍ତ୍ୟେଷ୍ଟି କ୍ରିୟା ସାମଗ୍ରୀ ଲୋକଙ୍କୁ ମାଗଣାରେ ଯୋଗାଇ ଦିଆଯାଉଛି। ଲୋକେ ମାଗଣାରେ ସାମଗ୍ରୀ ପାଉଥିବା ହେତୁ କେଉଁ କମ୍ପାନୀର ଘିଅ ମିଳୁଛି ସେନେଇ ପ୍ରଶ୍ନ ଉଠାଉନାହାନ୍ତି। ମାତ୍ର ଅପରପାର୍ଶ୍ୱରେ ଅନ୍ତ୍ୟେଷ୍ଟି କ୍ରିୟା ସାମଗ୍ରୀ ଦୋକାନ କରିଥିବା ବ୍ୟକ୍ତି ସରକାରଙ୍କଠାରୁ ଓମ୍‌ଫେଡ୍‌ ଘିଅ ମୂଲ୍ୟର ଟଙ୍କା ନେଇ ଲୋକଙ୍କୁ ନିମ୍ନମାନର ଘିଅ ଦେଉଛନ୍ତି। ଏ ସମ୍ପର୍କରେ ଦୋକାନରେ ଥିବା କର୍ମଚାରୀଙ୍କୁ ପଚାରିବାରେ ଦୋକାନର ମାଲିକାନା ମୋ ପାଖରେ ନାହିଁ। ମୋତେ ଯାହା କୁହାଯାଇଛି ମୁଁ ତାହା ବିକ୍ରି କରୁଛି ବୋଲି କହିଛନ୍ତି। ଓମ୍‌ଫେଡ୍‌ ଘିଅ ଓ ଏହି ନିମ୍ନ ମାନର ଘିଅ ମଧ୍ୟରେ ଅତିକମ୍‌ରେ ୫୦ ଟଙ୍କାର ଅନ୍ତର ରହୁଛି। ଅର୍ଥାତ୍‌ ଦୈନିକ ପ୍ରତିଟି ଶବଦାହରେ ଏମାନଙ୍କୁ ୫୦ ଟଙ୍କାର ଲାଭ ହେଉଛି। ମୋଟାମୋଟି ଭାବେ ଦିନକୁ ୬୦ରୁ ୭୦ ଶବଦାହ ହେଉଥିଲେ, ୩ହଜାର ଟଙ୍କା ଏହି ବାବଦରେ ହେରଫେର କରାଯାଉଛି। କିଛି ସଚେତନ ଲୋକେ ନିମ୍ନମାନର ଘିଅକୁ ନେଇ ପ୍ରଶ୍ନ କଲେ ଏହାକୁ ତୁରନ୍ତ ବଦଳାଇ ଓମଫେଡ୍‌ ଘିଅ ଦିଆଯାଉଛି। ଦୋକାନରେ ଓମ୍‌ଫେଡ୍‌ ରଖାଯାଇଥିବା ବେଳେ ଲୋକଙ୍କୁ ନିମ୍ନମାନର ଘିଅ ଦିଆଯାଉଛି। ଏ ନେଇ ଅଭିଯୋଗ କରିବା ପାଇଁ ଏକ ଟୋଲ୍‌ ଫ୍ରି ନମ୍ବରର ଆବଶ୍ୟକତା ରହିଛି ବୋଲି ଶବଦାହ କରିବାକୁ ଆସିଥିବା ଶୁଭ୍ରାଂଶୁ ନାୟକ କହିଛନ୍ତି। ଅନ୍ୟପକ୍ଷରେ ଏ ନେଇ ସ୍ବର୍ଗଦ୍ୱାର ମ୍ୟାନେଜର ବିଶ୍ୱନାଥ ସାହୁ କହିଛନ୍ତି, ଅଭିଯୋଗ ଦାଖଲ କରାଯାଇଛି। ଏ ସମ୍ପର୍କରେ ସ୍ବର୍ଗଦ୍ୱାର ସେବା ସମିତିକୁ ଜଣାଯିବ। ତଦନ୍ତ କରି କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଟ୍ରଲର ଧକ୍କାରେ ୨ ମୃତ, ୩ ଆହତ: କ୍ଷତିପୂରଣ ଦାବିରେ ରାସ୍ତାରୋକୋ

କଳିଙ୍ଗନଗର,୧୫ା୬(ଡି.ଏନ.ଏ.)-କଳିଙ୍ଗନଗର ବିଜୁ ପଟ୍ଟନାୟକ ମାର୍ଗ ମାନତିରା ସାଇଜର ଲଜିଷ୍ଟିକ ପାର୍କ ନିକଟରେ ସୋମବାର ଅପରାହ୍ନରେ ଏକ ଟ୍ରଲର ଧକ୍କାରେ ୨ ଜଣଙ୍କ ମୃତ୍ୟୁ ହୋଇଥିବାବେଳେ ୩ଜଣ...

ଧାନବସ୍ତା ରଖି ଛତ୍ରପୁର-ତାରାତାରିଣୀ ରାସ୍ତା ଅବରୋଧ

ଛତ୍ରପୁର,୧୬।୨(ଡି.ଏନ୍‌.ଏ.)- ଗଞ୍ଜାମ ଜିଲା ବଡ଼ ମାଧପୁର ଧିରେଶ୍ବର ମନ୍ଦିର ନିକଟରେ ମଙ୍ଗଳବାର ଚଷୀମାନେ ଧାନ ବସ୍ତା ରଖି ଛତ୍ରପୁର-ତାରାତାରିଣୀ ରାସ୍ତା ଅବରୋଧ କରିଛନ୍ତି। ଟାୟାର ଜାଳିଥିବା...

କଂଗ୍ରେସ ରାଲିରେ ଯୋଗ ଦେଇଥିବା ଯୁବକଙ୍କୁ ହତ୍ୟା:କୁସୁମପାଣି ଜଙ୍ଗଲରୁ ଯୁବକଙ୍କ ଗଳିତ ମୃତଦେହ ଉଦ୍ଧାର

ଝରିଗାଁ,୧୭।୪(ସ୍ବ.ପ୍ର)-କଂଗ୍ରେସ ରାଲିରେ ଯୋଗ ଦେବାକୁ ଆସିଥିବା ଜଣେ ଯୁବକ ନିଖୋଜ ହେବାର ୮ ଦିନ ପରେ ବୁଧବାର ତାଙ୍କ ଗଳିତ ମୃତଦେହ ଉଦ୍ଧାର କରାଯାଇଛି। ତାଙ୍କୁ...

୨ ନକଲି ପରୀକ୍ଷାର୍ଥୀ ଗିରଫ: ୧୪ ଜଣ ଏକ୍ସପେଲ୍‌

ନୟାଗଡ଼ ଅଫିସ/ରଣପୁର,୨୭ା୨(ସ୍ବ.ପ୍ର.): ନୟାଗଡ଼ ଜିଲା ରଣପୁର ବ୍ଲକର ଏକ ମାଟ୍ରିକ ପରୀକ୍ଷା କେନ୍ଦ୍ରରୁ ବୁଧବାର ୨ ନକଲି ପରୀକ୍ଷାର୍ଥୀ ଗିରଫ ହୋଇଛନ୍ତି। ଏହାସହ ୧୪ ଜଣ...

ସେବା ଆଳରେ ଶୋଷଣ

ଶିଶୁ ଅଧିକାର ଆଇନକୁ କଡ଼ାକଡ଼ି କରାଯାଇଛି। ଶିଶୁମାନଙ୍କ ସୁରକ୍ଷା ପାଇଁ ସରକାର ଗୁରୁତ୍ୱ ଦେଉଛନ୍ତି। ମାତ୍ର ସୁନ୍ଦରଗଡ଼ ଜିଲାରେ ବିଭିନ୍ନ ସାମାଜିକ ଅନୁଷ୍ଠାନ ସହାୟତାରେ ପରିଚାଳିତ...

ସୁରଟରେ ଆଖି ବୁଜିଲେ କରୋନା ଆକ୍ରାନ୍ତ ଓଡିଆ ଶ୍ରମିକ

ଧରାକୋଟ,୧୯ା୫(ଡି.ଏନ.ଏ.)-ଗଞ୍ଜାମ ଜିଲା ଧରାକୋଟ ବ୍ଲକ ଝରପାରି ପଞ୍ଚାୟତ ବାଡୁଲା ଗ୍ରାମର କୃଷ୍ଣଚନ୍ଦ୍ର ବିଶୋଇ(୨୭)ଙ୍କ ସୁରଟରେ ମୃତ୍ୟୁ ହୋଇଛି। ସେ କରୋନାରେ ଆକ୍ରାନ୍ତ ହୋଇ ଗତ ୮ଦିନ...

ଶ୍ରୀମନ୍ଦିରରେ ଇନ୍ଦ୍ର, ଚନ୍ଦ୍ର, ଗୋବିନ୍ଦ ବନ୍ଦାପନା ନୀତି: ହରଚଣ୍ଡୀ ସାହିରୁ ବାହାରିଲା ଐରାବତ ହସ୍ତୀ

ପୁରୀ ଅଫିସ,୧୫।୯: ଶ୍ରୀମନ୍ଦିରରେ ଶନିବାର ଭାଦ୍ରବ ପୂର୍ଣ୍ଣିମା ନୀତି ପାଳିତ ହୋଇଛି। ଏହି ପବିତ୍ର ତିଥିରେ ଇନ୍ଦ୍ର, ଚନ୍ଦ୍ର ଓ ଗୋବିନ୍ଦଙ୍କ ବନ୍ଦାପନା ନୀତି ସମ୍ପନ୍ନ...

ପୁରୁଣା ବୃତ୍ତି: ଅଲୋଡ଼ା ହୋଇ ବି ପୋଷୁଛି ପେଟ

କେନ୍ଦୁଝର, ୧୧ା୧ (ସ୍ବ.ପ୍ର.) ଆଗରୁ ଗ୍ରାମାଞ୍ଚଳରେ ଥିଲା କମାର ଶାଳ । ଲୋକେ ଛୁରି, ପନିକି, କଟୁରି, ଦା, କୋଦାଳ, ଟାଙ୍ଗିଆ ଆଦି କମାର ଶାଳରେ...

Advertisement


Archives

Model This Week