କଟକ ଅଫିସ,୧୧ା୧: ବାରବାଟୀରେ ବୁଧବାର ହକି ବିଶ୍ୱକପ୍ର ଉଦ୍ଘାଟନୀ ଉତ୍ସବ ଅନୁଷ୍ଠିତ ହୋଇଛି। କେନ୍ଦ୍ର କ୍ରୀଡ଼ାମନ୍ତ୍ରୀ ଅନୁରାଗ ଠାକୁର ଏଥିରେ ଯୋଗଦେଇ ଓଡ଼ିଶାକୁ ଭୂୟସୀ ପ୍ରଶଂସା କରିବା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଧ୍ୟ ପ୍ରଶଂସା କରିଛନ୍ତି। ସେ କହିଛନ୍ତି, ଓଡ଼ିଶା ଏହି ଭବ୍ୟ ଆୟୋଜନ କରିଥିବାରୁ ଓଡ଼ିଶାରେ ହକିର ଗ୍ରହଣୀୟତାକୁ ନେଇ ମୁଁ ସାଧୁବାଦ ଜଣାଉଛି।
ଦ୍ୱିତୀୟ ବିଶ୍ୱଯୁଦ୍ଧ ପରେ ଭାରତ ଜଣେ ହକି ଯୋଦ୍ଧା ପାଇଥିଲା। ବଲବୀର ସିଂଙ୍କ ଭଳି ପୁତ୍ର ପାଇ ଭାରତ ଆଜି ଗର୍ବିତ। ବଲବୀର ସିଂଙ୍କ ଅଧିନାୟକତ୍ୱରେ ଭାରତ ଅନେକ କୃତିତ୍ୱ ହାସଲ କରିଛି। ଓଡ଼ିଶାରେ ଏପରି ବିଶ୍ୱସ୍ତରୀୟ ଆୟୋଜନ ପ୍ରଶଂସାଯୋଗ୍ୟ ବୋଲି ସେ କହିଛନ୍ତି। ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇବା ସହ ଓଡ଼ିଶାବାସୀଙ୍କୁ ସାଧୁବାଦ ଜଣାଇଛନ୍ତି।
