ନୂଆଦିଲ୍ଲୀ/ଭୁବନେଶ୍ୱର, ୬।୫: ୧୯୭୧ ମସିହାରେ ଭାରତ-ପାକିସ୍ତାନ ଯୁଦ୍ଧ ପରେ ପ୍ରଥମ ଥର ପାଇଁ ଭାରତ ମେ ୭ ତାରିଖରେ ଏକ ଜାତୀୟ ସ୍ତରର ସିଭିଲ ଡିଫେନ୍ସ ମକ ଡ୍ରିଲ ଆୟୋଜନ କରୁଛି। ଏପ୍ରିଲ ୨୨ରେ ଜମ୍ମୁ ଓ କଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ, ଯେଉଁଥିରେ ୨୬ ଜଣ ନିରୀହ ନାଗରିକ ପ୍ରାଣ ହରାଇଥିଲେ, ତା’ ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇଛି। ଏହି ପରିପ୍ରେକ୍ଷୀରେ କେନ୍ଦ୍ର ଗୃହ ମନ୍ତ୍ରଣାଳୟ ଦେଶର ୨୪୪ଟି ସିଭିଲ ଡିଫେନ୍ସ ଜିଲାରେ (ଓଡ଼ିଶାର ୧୨ଜିଲା)ରେ ଏହି ବିଶାଳ ସମରାଭ୍ୟାସ କରିବାକୁ ନିର୍ଦ୍ଦେଶ ଦେଇଛନ୍ତି। ଏହା ୧୯୭୧ ପରେ ପ୍ରଥମ। ୧୯୯୯ରେ କାରିଗଲ ଯୁଦ୍ଧ ସମୟରେ ମଧ୍ୟ ଏପରି କୌଣସି ବି ଅଭ୍ୟାସ ହୋଇ ନଥିଲା।
India Pakistan War: ଏହି ମକ ଡ୍ରିଲ ସମୟରେ ବ୍ଲାକଆଉଟ ହେବ। ଏହାର ଅର୍ଥ ହେଉଛି ଆକ୍ରମଣ ସମୟରେ ସମସ୍ତ ଘର, କାର୍ଯ୍ୟାଳୟ ଏବଂ ସାର୍ବଜନୀନ ସ୍ଥାନର ଅନ୍ଧାର ହୋଇଯିବ। ଏହା ସହିତ ଜୋରରେ ସାଇରନ ମଧ୍ୟ ବଜାଯିବ। ସାଇରନ ଶୁଣିବା ମାତ୍ରେ ଲୋକଙ୍କୁ ସତର୍କ ରହିବାକୁ ପଡିବ ଏବଂ ସୁରକ୍ଷିତ ସ୍ଥାନକୁ ଯିବାକୁ ପଡିବ। ଆକ୍ରମଣ ସମୟରେ ନାଗରିକମାନଙ୍କୁ ବଞ୍ଚିବା ପାଇଁ ତାଲିମ ଦିଆଯିବ।
India Pakistan War: ତେବେ ଏହାକୁ ନେଇ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ବଡ଼ ବୟାନ ଦେଇଛନ୍ତି। ସେ କହିଛନ୍ତି, କେବଳ ଜିଲା ନୁହେଁ ଆଗକୁ ଗାଁ ଗାଁରେ ହେବ ମକ ଡ୍ରିଲ। ଯୁଦ୍ଧ ସମୟରେ କଣ କରିବାକୁ ପଡେ, ଆଡଭାଇଜାରି ଆସିବ। ସାଧାରଣ ଜନତା ମଧ୍ୟ ପ୍ରସ୍ତୁତ ରହିବା ଉଚିତ। ଓଡ୍ରାଫ, ଅଗ୍ନିଶମ, ପୋଲିସର ଭୂମିକା ରହିବ। ଜନସାଧାରଣ ଭୟଭୀତ ହେବାର କୌଣସି କାରଣ ନାହିଁ। ଏଭଳି ପରିସ୍ଥିତିରେ ସଜାଗ ରହ ସାମ୍ନା କରିବାକୁ ପଡ଼ିବ।
India Pakistan War: ଡ୍ରିଲ ସମୟରେ ନିଆଯିବାକୁ ଥିବା ପଦକ୍ଷେପଗୁଡ଼ିକ ମଧ୍ୟରେ ବିମାନ ଆକ୍ରମଣ ଚେତାବନୀ ସାଇରନ ଚଳାଇବା ଏବଂ କୌଣସି ଆକ୍ରମଣ ହେଲେ ନିଜକୁ ସୁରକ୍ଷା ଦେବା ପାଇଁ ସୁରକ୍ଷା ଦିଗଗୁଡ଼ିକ ଉପରେ ନାଗରିକମାନଙ୍କୁ ତାଲିମ ଦେବା ଅନ୍ତର୍ଭୁକ୍ତ ରହିଛି।
ବୁଧବାର ହେବାକୁ ଥିବା ମକ ଡ୍ରିଲ ପାଇଁ ଆଜି (୬ ମଇ) ଗୃହ ମନ୍ତ୍ରଣାଳୟରେ ଏକ ବୈଠକ ଚାଲିଛି। ଏନ୍ଡିଆର୍ଏଫ ଡିଜି, ହୋମଗାର୍ଡ ଡିଜି, ଅଗ୍ନିଶମ ଡିଜି ଏଥିରେ ଯୋଗ ଦେଇଥିଲେ। ରେଳ ଏବଂ ବାୟୁ ସୁରକ୍ଷା ସହିତ ଜଡିତ ଅଧିକାରୀମାନେ ମଧ୍ୟ ଉପସ୍ଥିତ ଅଛନ୍ତି। ଶ୍ରୀନଗରରେ ମକ ଡ୍ରିଲ ପାଇଁ SDRF ପ୍ରସ୍ତୁତି ଆରମ୍ଭ କରିଦେଇଛି।
ଓଡ଼ିଶାର ୧୨ଟି ଜିଲା:
ତାଳଚେର
ବାଲେଶ୍ୱର
କୋରାପୁଟ
ଭୁବନେଶ୍ୱର
ଗୋପାଳପୁର
ହୀରାକୁଦ
ପାରାଦୀପ
ରାଉରକେଲା
ଭଦ୍ରକ
ଢେଙ୍କାନାଳ
ଜଗତସିଂପୁର
କେନ୍ଦ୍ରାପଡ଼ା
ଭଦ୍ରକ
ଢେଙ୍କାନାଳ
ଜଗତସିଂପୁର
India Pakistan War: ଅବଦୁଲ ବାସିତଙ୍କ ବକ୍ତବ୍ୟ ବ୍ୟତୀତ, ଭାରତର ପ୍ରସ୍ତୁତି ମଧ୍ୟ ସୂଚାଇ ଦେଉଛି ଯେ, ଭାରତ ୧୦ କିମ୍ବା ୧୧ ମେ’ରେ ପାକିସ୍ତାନ ଉପରେ ଆକ୍ରମଣ କରିପାରେ। ପ୍ରକୃତରେ, ୭ ମେ’ରେ ଦେଶର ୨୪୪ଟି ଜିଲ୍ଲାରେ ମକ୍ ଡ୍ରିଲ୍ ଆୟୋଜନ କରାଯିବ। ଏଥିରେ, ଯୁଦ୍ଧ ସମୟରେ ନାଗରିକମାନଙ୍କୁ ନିଜକୁ କିପରି ସୁରକ୍ଷା ଦେବେ ସେ ବିଷୟରେ ତାଲିମ ଦିଆଯିବ। ଲୋକଙ୍କୁ ସଚେତନ କରାଯିବ। ଡ୍ରିଲ୍ ସମୟରେ ଏକ ସାଇରନ୍ ମଧ୍ୟ ବାଜିବ ଏବଂ ଏହା ୧୯୭୧ ପରେ ପ୍ରଥମ ଥର ପାଇଁ ହେବ।
India Pakistan War: ଶେଷ ଥର ପାଇଁ ଏପରି ମକ୍ ଡ୍ରିଲ୍ ୧୯୭୧ ମସିହାରେ ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧ ସମୟରେ କରାଯାଇଥିଲା। ଏହି ଅଭ୍ୟାସ କରାଯିବାର ମାତ୍ର ଚାରି ଦିନ ପରେ, ଦୁଇ ଦେଶ ମଧ୍ୟରେ ଯୁଦ୍ଧ ଆରମ୍ଭ ହୋଇଗଲା। ତା’ପରେ ନଭେମ୍ବର ଶେଷ ସପ୍ତାହରେ ଏକ ମକ୍ ଡ୍ରିଲ୍ ଆୟୋଜନ କରାଯାଇଥିଲା ଏବଂ ଡିସେମ୍ବର ୩ ରେ ଯୁଦ୍ଧ ଆରମ୍ଭ ହୋଇଥିଲା।
