ଆଜିକାଲିର ଯୁବପିଢି ବୁଲେଟ୍ ଚଢିବାକୁ ପସନ୍ଦ କରୁଛନ୍ତି। ଦାମ୍ ଅଧିକ ରହୁଥିଲେ ମଧ୍ୟ ଯୁବକମାନେ ଏହି ଗାଡି କିଣିବାକୁ ଅଭିଭାବକଙ୍କ ନିକଟରେ ଅଡି ବସନ୍ତି। ଦାମ୍ ଅଧିକ ରହୁଥିବାରୁ ଚୋରମାନଙ୍କ ଆଖି ମଧ୍ୟ ଏହି ଗାଡି ଉପରେ ଥାଏ। ନିକଟରେ ବୁଲେଟ୍ ଚୋର ସମ୍ପର୍କିତ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭାଇରାଲ ହୋଇଥିବା ଏକ ଭିଡିଓରେ ଏହା ଦେଖିବାକୁ ମିଳେ ଯେ, ପୋଲିସ ଜଣେ ଯୁବକଙ୍କୁ ବୁଲେଟ୍ ଚୋରି ଅଭିଯୋଗରେ ଧରିଥିଲା ଏବଂ ତା’ପରେ ତାଙ୍କୁ ସମସ୍ତଙ୍କ ସାମ୍ନାରେ ଚାବି ନ ଥାଇ ମଧ୍ୟ ବୁଲେଟ୍ କେମିତି ଚୋରି କରୁଥିବାର ଏକ ଉଦାହରଣ ଦେବାକୁ କହିଥିଲା। ଅଭିଯୁକ୍ତ ଜଣଙ୍କ ମାତ୍ର କିଛି ସେକେଣ୍ଡ ମଧ୍ୟରେ ଦାନ୍ତରେ ବୁଲେଟର ହ୍ୟାଣ୍ଡେଲ ପାଖରେ ଥିବା କିଛି ତାରକୁ ଖୋଲି ଗାଡି ଷ୍ଟାର୍ଟ କରିବା ଆରମ୍ଭ କରିଦିଅନ୍ତି। ଏହା ଦେଖି ପୋଲିସ ମଧ୍ୟ ଆଶ୍ଚର୍ଯ୍ୟ ହୋଇଯାନ୍ତି।
View this post on Instagram
