ମାର୍ଶାଘାଇ/ଡ଼େରାବିଶ/ପାଟକୁରା,୬।୧୧(ଡି.ଏନ.ଏ./ସ୍ବ.ପ୍ର.): କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକର ଲୁଣା-କରାଣ୍ଡିଆ ଦୀପାଞ୍ଚଳ ଜଳପୋକ ପଞ୍ଚାୟତର ପକ୍ଷଟ ଗ୍ରାମଠାରେ ଲୁଣା ନଦୀବନ୍ଧର ଦକ୍ଷିଣପାର୍ଶ୍ୱ ରାସ୍ତା ଶନିବାର ୪୦ ମିଟର ଦବି ଯାଇଛି ା ଫଳରେ ସେହି ରାସ୍ତାରେ ଯାତାୟତ ବନ୍ଦ ରହିଛି ା ଏହାକୁ ନେଇ ୨ ପଞ୍ଚାୟତବାସୀ ଯାତାୟତ ବନ୍ଦ ରହିଛି ା
ସୂଚନା ଅନୁଯାୟୀ, ପକ୍ଷଟଠାରେ ଲୁଣା ନଦୀବନ୍ଧ ରାସ୍ତାରେ ଶୁକ୍ରବାର ରାତିରେ ଏକ ସରୁ ଫାଟ ସୃଷ୍ଟି ହୋଇଥିଲା ା ଶନିବାର ସକାଳୁ ସେହି ଫାଟ କ୍ରମଶଃ ଚଉଡା ହୋଇ ପ୍ରାୟ ୪୦ ମିଟର ପର୍ଯ୍ୟନ୍ତ ତଳକୁ ଦବି ଯାଇଥିଲା ା ସେହି ରାସ୍ତା କେନ୍ଦ୍ରାପଡ଼ା ସଦର ମହକୁମାକୁ ଏକ ମାତ୍ର ଯାତାୟତ ପଥ ହୋଇଥିବାରୁ ସ୍ଥାନୀୟ ଲୋକେ ଏକ ପ୍ରକାର ଗୃହବନ୍ଦୀ ଅବସ୍ଥାରେ ରହିଛନ୍ତି ା ପକ୍ଷଟ ଗ୍ରାମର ବିଶ୍ୱ ଭୂଷଣ ମହାନ୍ତି, ମେଘନାଦ ରାଉତ, ସୁରେଶ ଦଳାଇ ଓ ଶାନ୍ତିଲତା ରାଉତ ପ୍ରମୁଖ ଅଭିଯୋଗ କରିଛନ୍ତି, ଏହି ବନ୍ଧରୁ ନଦୀର ଦୂରତା ମାତ୍ର ୫ମିଟର ା ନଦୀପଠାରୁ ଦିନରାତି ବାଲି ଚାଲାଣ ଯୋଗୁ ବନ୍ଧ ଦୁର୍ବଳ ହୋଇ ଏପରି ପରିସ୍ଥିତି ସୃଷ୍ଟି ହୋଇଛି ା ଜଳପୋକ ପଞ୍ଚାୟତର ପକ୍ଷଟ, ଜଳ ପୋକ, କଣିବାଙ୍କ, ଶ୍ରୁତିପୁର ଓ ପାଖ ବଙ୍ଗାଳପୁର ପଞ୍ଚାୟତର ଶିଶୁଆ-ସଠିଲ. ପୁରସ୍ତମପୁର ଗ୍ରାମର ଲୋକମାନେ ଏହି କାରଣରୁ ଚିନ୍ତାରେ ଅଛନ୍ତି ା ସେମାନଙ୍କ ଯାତାୟତ ପଥ ବନ୍ଦ ହୋଇଯାଇଥିବାରୁ ଗାଁରୁ ବାହାରକୁ ଆସି ପାରୁ ନାହାନ୍ତି ା ବନ୍ଧ ଦବିବା ସ୍ଥାନରୁ ୨ଶହ ମିଟର ପର୍ଯ୍ୟନ୍ତ ନଦୀ ପଟକୁ ଏକ ସରୁ ଫାଟ ସୃଷ୍ଟି ହୋଇଥିବା ଦେଖିବାକୁ ମିଳିଛି ା ବନ୍ଧ ପାର୍ଶ୍ୱରେ ବିଦ୍ୟୁତ୍ ଖୁଣ୍ଟ ଓ ପାନୀୟ ଜଳ ଯୋଗାଣ ପାଇପ ଯାଇଥିବାରୁ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି ା ପାଣି ଓ ବିଦ୍ୟୁତ୍ ଯୋଗାଣରେ ବାଧା ସୃଷ୍ଟି ହୋଇଛି। ଖବର ପାଇ ଜଗତପୁର ନର୍ଥ ଡିଭିଜନର ଅଧୀକ୍ଷଣ ଯନ୍ତ୍ରୀ ସଞ୍ଜୀବ ବେହେରା, ପୁନ୍ଦାଳ ସବ୍ଡିଭିଜନର ସହକାରୀ ଯନ୍ତ୍ରୀ ରାକେଶ ନାୟକ ଓ ତରତ ସେକ୍ସଶନ କନିଷ୍ଠ ଯନ୍ତ୍ରୀ ମନୋରଞ୍ଜନ ମହାନ୍ତି ଘଟଣାସ୍ଥଳରେ ପହଞ୍ଚତ୍ ସ୍ଥିତି ଅନୁଧ୍ୟାନ କରିଛନ୍ତି ା ବର୍ତ୍ତମାନ ନଦୀ ବନ୍ଧ ରାସ୍ତାକୁ ଅସ୍ଥାୟୀ ଭାବେ ମରାମତି କରାଯାଇ ଯାତାୟତ ଉପଯୋଗୀ କରାଯିବ ା ଖୁବ୍ଶୀଘ୍ର ଟେଣ୍ଡର ଡକାଯାଇ କାମ ଆରମ୍ଭ କରାଯିବ ବୋଲି ବିଭାଗ ପକ୍ଷରୁ କୁହାଯାଇଛି ା ଆମ ଡେରାବିଶ ପ୍ରତିନିଧିଙ୍କ ସୂଚନା ଅନୁଯାୟୀ, ନଦୀବନ୍ଧ ସୁଦୃଢ଼ୀକରଣ ଯୋଜନାରେ ଏହି ନଦୀବନ୍ଧକୁ ସାମିଲ କରାଯାଇଥିଲା। ମାର୍ଶାଘାଇ ବ୍ଳକ ଅନ୍ତର୍ଗତ ପକ୍ଷଟଠାରୁ କରିଲୋପାଟଣା ଯାଏ ନଦୀବନ୍ଧ ସଦୃଢ଼ୀକରଣ କରାଯାଇଥିଲା ା ନିମ୍ନମାନର କାର୍ଯ୍ୟ ପାଇଁ ଏହି ଯୋଜନା ଫେଲ୍ ମାରିଛି। ଏ ସଂକ୍ରାନ୍ତରେ କଟକ ନର୍ଥ ଡିଭିଜନ୍ର ଅଧୀକ୍ଷଣ ଯନ୍ତ୍ରୀ ବେହେରାଙ୍କୁ ପଚାରିବାରୁ ସେ କହିଛନ୍ତି, ଏହି ଘଟଣା ସମ୍ପର୍କରେ ସେ ଅବଗତ ଅଛନ୍ତି ା ଲୁଣାନଦୀରେ ଜଳର ସ୍ରୋତ ଅଧିକ ଥିବାରୁ ବନ୍ଧ ପ୍ରତି ଏଭଳି ବିପଦ ସୃଷ୍ଟି ହୋଇଛି ା ଖୁବ୍ଶୀଘ୍ର ସେହି ନଦୀବନ୍ଧର ମରାମତି କାମ ଆରମ୍ଭ ହେବ ବୋଲି ସେ ସୂଚନା ଦେଇଛନ୍ତି ା
