ଗୁଜରାଟ ସଲତ୍ନତ୍ର ଜଣେ ଶକ୍ତିଶାଳୀ ଶାସକ ହେଲେ ମହମୁଦ ବେଗଡ଼ା, ଯିଏ କି ମାତ୍ର ୧୩ ବର୍ଷ ବୟସରେ ଶାସନଭାର ନିଜ ହାତକୁ ନେଇଥିଲେ। ଆଉ ୫୨ ବର୍ଷ ପର୍ଯ୍ୟନ୍ତ ସଫଳତାପୂର୍ବକ ଗୁଜରାଟ ଉପରେ ରାଜତ୍ୱ କରିଥିଲେ। ତେବେ ମହମୁଦ ଯେମିତି ପ୍ରତାପୀ ଥିଲେ ସେମିତି ଖାଦ୍ୟପ୍ରିୟ ବି ଥିଲେ। ଭୋକ ସମ୍ଭାଳିବା ତାଙ୍କ ପକ୍ଷେ ଥିଲା ଅସମ୍ଭବ। ଦିନକୁ ପ୍ରାୟ ୩୫ କି.ଗ୍ରା. ଖାଦ୍ୟ ଖାଇ ସେ ଆରାମରେ ହଜମ କରିଦେଉଥିଲେ। ପ୍ରତିଦିନ ସକାଳ ଜଳଖିଆରେ ସେ ଗୋଟେ ଗିନା ମହୁ, ଗୋଟେ ଗିନା ମଖନ ଆଉ ୧୦୦ରୁ ୧୫୦ଟି କଦଳୀ ଖାଉଥିଲେ। କେବଳ ସେତିକି ନୁହେଁ, ରାତିରେ କାଳେ ତାଙ୍କୁ ଭୋକ ଲାଗିବ ସେଥିପାଇଁ ତାଙ୍କ ଖଟର ଉଭୟ ପାର୍ଶ୍ୱରେ ବି ଖାଦ୍ୟ ରଖି ଦିଆଯାଉଥିଲା। ତେବେ ସବୁଠୁ ଆଶ୍ଚର୍ଯ୍ୟର କଥା ହେଉଛି ମହମୁଦ ଅଧିକ ଖାଦ୍ୟ ଖାଇବା ସହ ପ୍ରତିଦିନ ଟିକେ ଟିକେ ବିଷ ବି ସେବନ କରୁଥିଲେ। ଏ ଅଭ୍ୟାସ ତାଙ୍କର ପିଲାଟି ଦିନରୁ ରହିଥିଲା। ସେଥିପାଇଁ ତାଙ୍କ ଶରୀର ଏତେ ବିଷାକ୍ତ ହୋଇଯାଇଥିଲା ଯେ, ଦେହରେ ମାଛିଟିଏ ବସିଲେ କିଛି ସମୟରେ ତା’ର ମୃତ୍ୟୁ ହୋଇଯାଉଥିଲା। ତେଣୁ ମହମୁଦ ବ୍ୟବହାର କରୁଥିବା ପୋଷାକକୁ କେହି ଛୁଉଁ ନ ଥିଲେ ବରଂ ତାକୁ ପୋଡ଼ି ଦିଆଯାଉଥିଲା।
