କେନ୍ଦ୍ରାପଡ଼ା ଅଫିସ୍,୧୩।୯: କେନ୍ଦ୍ରାପଡା ଜିଲାରେ ସୋମବାର ଏକ ଅଭାବନୀୟ ଘଟଣା ଘଟିଛି। ବଙ୍ଗୋପସାଗରରେ ଲଘୁପାତଜନିତ ବର୍ଷା ବିପତ୍ାତ କେନ୍ଦ୍ରାପଡା ଜିଲାରେ ପ୍ରଭାବ ପକାଇଛି ା ଲଗାଣ ବର୍ଷା ୩ ଜଣଙ୍କର ଜୀବନ ନେଇଛି ା କାନ୍ଥ ପଡି ୨ ଜଣଙ୍କର ମୃତ୍ୟୁ ହୋଇଥିବା ବେଳେ ମହାକାଳପଡା ଓରତ ଘାଟ ନିକଟ ଆଶ୍ରୟସ୍ଥଳରୁ ଜଣେ ଅଜଣା ଯୁବକଙ୍କର ମୃତଦେହ ଉଦ୍ଧାର ହୋଇଛି ା ଡେରାବିଶ ବ୍ଲକ ବେଣିପୁର ପଂଚାୟତ ଡିହସାହି ଗ୍ରାମର ଅନାମ ପୃଷ୍ଟିଙ୍କ ସ୍ତ୍ରୀ ନଳିନୀ (୬୦) ମାଟି ଘରେ ଶୋଇଥିଲେ ା ରବିବାର ରାତି ପ୍ରାୟ ୧୨ ଟାରେ ଘରର କାନ୍ଥ ତାଙ୍କ ଉପରେ ପଡି ଯାଇଥିଲା ା ନଳିନୀଙ୍କୁ ଉଦ୍ଧାର ସମୟରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ା ସେହିପରି ଗରଦପୁର ବ୍ଲକ ବଡବେତରା ଗ୍ରାମର ସୁଦର୍ଶନ ମହାପାତ୍ରଙ୍କ ପୁଅ ଅଭୟ (୬୮) ଓ ପରିବାର ବର୍ଗ ଘରେ ଶୋଇଥିବା ବେଳେ ସୋମବାର ସକାଳ ୫ଟାରେ କାନ୍ଥ ପଡିଯାଇଥିଲା ା ଫଳରେ ଅଭୟଙ୍କର ମୃତ୍ୟୁ ହୋଇଛି। ଏଥିସହିତ ଏହି ଘରେ ଥିବା ସୁଦର୍ଶନଙ୍କ ନାତୁଣୀ ବୋହୁ କଳ୍ପନାଙ୍କର ଗୋଡ ଭାଙ୍ଗି ଯାଇଛି। କଳ୍ପନାଙ୍କୁ ଉଦ୍ଧାର କରାଯାଇ ଜିଲା ମୁଖ୍ୟ ଚିକିତତ୍ସାଳୟକୁ ଚିକିତ୍ସା ପାଇଁ ପଠାଯାଇଛି ା ସୂଚନାଯୋଗ୍ୟ ଯେ, ଗତ ୨୪ ଘଣ୍ଟା ମଧ୍ୟରେ ଜିଲାରେ ହାରାହାରି ୧୪୧ ମିଲିମିଟର ବର୍ଷା ହୋଇଛି ା ଗରଦପୁର ବ୍ଲକ ଅଂଚଳରେ ସର୍ବାଧିକ ୧୬୯ ମିଲିମିଟର ବର୍ଷା ହୋଇଛି ା
