ଚିନିକଳର ସମ୍ପତ୍ତି ନିଲାମ ନେଇ ଉଠିଲା ପ୍ରଶ୍ନ

ନୟାଗଡ଼,୫।୧୦(ଲୋକନାଥ ମିଶ୍ର)ନୟାଗଡ଼ର ପାଣିପୋଇଲାସ୍ଥିତ ଚିନିକଳ କୋର୍ଟର ଅଡୁଆ ସୂତାରେ ଛନ୍ଦି ହୋଇ ପଡିଛି । କୋର୍ଟରେ ୮୪୦ କୋଟି ଟଙ୍କାର ମାମଲା ଚାଲିଥିବାବେଳେ ଏହାର ନିଲାମ ହୋଇ ପାରିବନି ବୋଲି କୁହାଯାଉଛି । ତେବେ ଋଣ ଟଙ୍କା ଫେରି ପାଇବାକୁ ବ୍ୟାଙ୍କ ନ୍ୟାଶନାଲ କମ୍ପାନୀ ଲ ଟ୍ରିବି୍ୟୁନାଲ(ଏନ୍‌ସିଏଲଟି)ର ଦ୍ୱାରସ୍ଥ ପରେ ଏନ୍‌ସିଏଲଟିର ୬ ଜଣିଆ ଟିମ୍‌ ସମ୍ପତ୍ତି ଆକଳନ କରି ଶୁକ୍ରବାର ଫେରିଛନ୍ତି। ଇତି ମଧ୍ୟରେ ଏନ୍‌ସିଏଲଟିର ସମ୍ପତ୍ତି ଆକଳନକୁ ମିଶାଇ ୩ଥର ଆକଳନ ହୋଇ ସାରିଲାଣି । ଏଭଳିସ୍ଥଳେ ଚିନିକଳ ଇସ୍ୟୁ କୋର୍ଟ କଚେରୀ ଓ ସମ୍ପତ୍ତି ଆକଳନ ପରେ ଚିନିକଳରୁ ଯନ୍ତ୍ରାଂଶ ବାରମ୍ବାର ଚୋରି ହୋଇ ଚାଲିଛି। ଚିନିକଳରୁ ଚୋରିକୁ ପ୍ରଶାସନ ରୋକିବାରେ ଆଖି ବୁଝି ଦେବାରୁ ଅବାଧରେ ଚୋରି ଲାଗି ରହିିଛି। ୪ ବର୍ଷ ଧରି ଏପରି ପରିସ୍ଥିତି ଲାଗି ରହିଥିଲେ ମଧ୍ୟ ଏଯାବତ ଚିନିକଳରୁ ସମସ୍ତ ଯନ୍ତ୍ରାଂଶ ଚୋରି ହୋଇ ପାରିନି । ଚିନିକଳର ସୁରକ୍ଷା ନେଇ ହାଇକୋର୍ଟଙ୍କ ଛାଟ ବାଜିବା ପରେ ୨୦୨୧ ଜାନୁୟାରୀରେ ଚେଇଁ ଶୋଇଥିବା ନୟାଗଡ଼ ଜିଲା ପ୍ରଶାସନ ଜାଗି ଉଠିଥିଲା। ତତ୍‌କାଳୀନ ଜିଲାପାଳ ପୋମା ଟୁଡୁ, ଏସ୍‌ପି ସିଦ୍ଧାର୍ଥ କଟାରିଆ ଓ ଡିଏଫ୍‌ଓ ଏଚ.ଡି. ଧନରାଜ ଅଚାନକ ପରିଦର୍ଶନ କରି ସୁରକ୍ଷା ବ୍ୟବସ୍ଥା କଡାକଡି କରିବାକୁ କହିଥିଲେ । ଚିନିକଳରୁ ଚୋରି ରୋକିବାକୁ ଚିନିକଳ ପରିସରରେ ସିସିଟିଭି କ୍ୟାମେରା ଲଗାଇବାକୁ ଜିଲାପାଳ ନିର୍ଦ୍ଦେଶ ଦେଇଥିଲେ । ୨୧ ହଜାର ଟଙ୍କା ବ୍ୟୟରେ ସିସିଟିଭି ଲାଗିଥିଲା । ସେହିପରି ଚିନିକଳକୁ ପଡିଥିବା ସମସ୍ତ ରାସ୍ତା ବନ୍ଦ କରି କେବଳ ଗୋଟିଏ ରାସ୍ତା ରହିଥିଲା । ପୁଣି ଚିନିକଳ ପରିସର ଆଲୋକିତ ହୋଇଥିଲା । କେତେଜଣ ହୋମଗାର୍ଡ ମନଇଚ୍ଛା ଆସି ସୁରକ୍ଷା ଦେଇଥିଲେ । କିଛି ମାସ ପରେ ସୁରକ୍ଷା ଢ଼ିଲା ହୋଇଗଲା । ସିସିଟିଭି ଚୋରି ହୋଇଗଲା । ସଂପୃକ୍ତ ଅଧିକାରୀଙ୍କ ବଦଳି ହୋଇଗଲା । ଚୋରଙ୍କୁ ପୁଣି ଅଧିକ ଚୋରି ପାଇଁ ସୁଯୋଗ ମିଳିଗଲା। ୧୯୯୮ରେ ପାଣିପୋଇଲା ଠାରେ ସ୍ଥାପିତ ଚିନିକଳରେ ୨୦୧୫ରୁ ତାଲା ଝୁଲୁଛି । ସେଲ୍‌ ଅଫ୍‌ ଏଗ୍ରିମେଣ୍ଟରେ ସରକାର ଚିନିକଳକୁ ତୈଲୋକ୍ୟ ମିଶ୍ରଙ୍କୁ ୫କୋଟି ୨୨ ଲକ୍ଷରେ ବିକ୍ରି କରିଥିଲେ । ତୈଲୋକ୍ୟ ମିଶ୍ର ୱାନ ଟାଇମ ପେମେଣ୍ଟ କରି ସାରିଛନ୍ତିି । କିନ୍ତୁ ତୈଲୋକ୍ୟ ମିଶ୍ରଙ୍କ ନାମରେ ଚିନିକଳ ଜମି ରେଜିଷ୍ଟ୍ରେଶନ ହୋଇପାରି ନ ଥିବା ଜଣାପଡିଛି।
ବ୍ୟାଙ୍କ ଋଣ, ଆଖୁଚାଷୀଙ୍କ ପ୍ରାପ୍ୟ ଭରଣା ଚିନ୍ତା
ଚିନିଶିଳ୍ପ ଉପରେ ୟୁକୋ, ଇଣ୍ଡିଆନ ଓ ଏଚ୍‌ଡିଏଫ୍‌ସି ଆଦି ୩ଟି ବ୍ୟାଙ୍କର ୨୫ କୋଟି ଋଣ ଥିବା ଜଣାପଡିଛି । ସେହିପରି ଆଖୁଚାଷୀଙ୍କର ପ୍ରାପ୍ୟ ୪କୋଟି ଟଙ୍କା, ଶ୍ରମିକ ଓ କର୍ମଚାରୀ ମଜୁରୀ ୬କୋଟି ଟଙ୍କା ରହିଥିବା ଅନୁରୂପ ଭାବେ ରହିଛି। ଏଭଳିସ୍ଥଳେ ଚିନିକଳକୁ ପ୍ରଶାସନ ସୁରକ୍ଷା ଦେଇ ନ ପାରିବାରୁ ଆଖୁଚାଷୀ, ଚିନିକଳ ଶ୍ରମିକ ଓ କର୍ମଚାରୀ ଓ ବ୍ୟାଙ୍କ ସେମାନଙ୍କର ଟଙ୍କା କେମିତି ପାଇବେ ସମସ୍ତଙ୍କ ମନରେ ପ୍ରଶ୍ନ । ସେହିଭଳି ନୟାଗଡ଼ ଚିନିକଳ ମାମଲା କୋର୍ଟ କଚେରୀରେ ଫସି ରହିଛିି । ନୟାଗଡ଼ ସୁଗାର ଫ୍ୟାକ୍ଟ୍ରି ୧୪୭୧ କୋଟି ୬୮ ଲକ୍ଷଟଙ୍କାର କ୍ଷତିପୂରଣ ସରକାରଙ୍କଠାରୁ ଦାବି କରିଥିବା ନିକଟରେ ସମବାୟ ମନ୍ତ୍ରୀ ଗଣମାଧ୍ୟମକୁ କହିଥିଲେ । ଏ ବାବଦ କେଶ କ’ଣ ହେଲା ଜଣାପଡି ନାହିଁ ।
ସୂଚନାଯୋଗ୍ୟ, ୧୯୯୮ରେ ପାଣିପୋଇଲାଠାରେ ସ୍ଥାପିତ ୧୪୩ ଏକର ଜମିରେ ଚିନିକଳରେ ୨୦୧୫ରୁ ତାଲା ଝୁଲିଥିଲା । ୨୦୨୦ ମାର୍ଚ୍ଚ ୧୨ ତାରିଖରେ ଜିଲା ପ୍ରଶାସନ ଚିନିକଳର ଆକଳନ କରି ସିଲ୍‌ କରିଥିଲା । ସିଲ ପରେ ସୁରକ୍ଷାକୁ ଆଦୌ ଧ୍ୟାନ ଦେଇ ନ ଥିବାରୁ ଚିନି ଶିଳ୍ପ ଇତିହାସ ହୋଇଗଲା। ଏନେଇ ନୟାଗଡ଼ ସୁଗାର କମ୍ପେକ୍ସ ଲିମିଟେଡ ଅଧ୍ୟକ୍ଷ ତୈଲୋକ୍ୟ ମିଶ୍ର କୁହନ୍ତି, ମୋ ଅନୁପସ୍ଥିତିରେ ୩ଥର ଚିନିକଳର ସମ୍ପତ୍ତି ଆକଳନ କରାଯାଇଛି। ତେବେ ଚିନିକଳର କ୍ଷତିପୂରଣ ଦାବି କରି କୋର୍ଟରେ ୮୪୦ କୋଟି ଟଙ୍କାର ଆବ୍ରିଟ୍ରେଶନ ମାମଲା କରିଛି । ଯାହା ବିଚାରଧୀନ ରହିଛି। କ୍ୟାବିନେଟର ନିଷ୍ପତ୍ତି ଅନୁସାରେ ମୁଁ ଟଙ୍କା ଦେଇ ଚିନିକଳକୁ କିଣିଥିଲେ ମଧ୍ୟ ମୋ ନଁାରେ ଚିନିକଳ ଓ ଏହାର ଜମି ହୋଇ ପାରି ନାହିଁ । ମୁଁ ନ୍ୟାୟ ଅପେକ୍ଷାରେ ରହିଛି ବୋଲି କହିଛନ୍ତି। ଆଇନଜୀବୀ ରଣଜିତ ଦାଶ କୁହନ୍ତି, କୋର୍ଟରେ ମାମଲା ଥିବାବେଳେ ନିଲାମ ହୋଇ ପାରିବ ନାହିଁ । ପୁଣି ଯେଉଁ ଯନ୍ତ୍ରାଂଶ ଅଛି ତାହା ନିଲାମ ହେଲେ ବ୍ୟାଙ୍କ ଅଧା ଟଙ୍କା ପାଇବନି । ପୁଣି ଚୋରି ରୋକା ଯାଇ ପାରୁନି । ସବୁ ଯନ୍ତ୍ରାଂଶ ଚୋରି ପରେ ନିଲାମ ହେବାବେଳକୁ କେବଳ ଜଙ୍ଗଲ ଜମି ରହିଥିବ। ଜଙ୍ଗଲ ଜମି ବିକ୍ରି ତ ହୋଇ ପାରିବନି ବୋଲି କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

IPL 2027 trade: ରାଜସ୍ଥାନ ରୟାଲ୍ସରୁ ଖେଳିବେ ଶାମି, ସାମ୍‌ କୁରାନଙ୍କୁ କିଣିଲା…

ନୂଆଦିଲ୍ଲୀ,୧୭ା୧୧: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିିଏଲ୍‌) ୨୦୨୭ ସିଜନରେ ରାଜସ୍ଥାନ ରୟାଲ୍ସରୁ ଖେଳିବେ ଭେଟେରାନ ଭାରତୀୟ ପେସ୍‌ ବୋଲର ମହମ୍ମଦ ଶାମି। ସେ ଲକ୍ଷ୍ନୌ ସୁପର ଜାଏଣ୍ଟ୍ସରୁ…

ସନ୍ୟାସକୁ ନେଇ ଭାବୁକ ହେଲେ ଧୋନୀ, ସୋସିଆଲ ମିଡିଆରେ ଭିଡିଓ ଛାଡି କଲେ ବଡ଼ ଘୋଷଣା

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ, ମହାନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସନ୍ନ୍ୟାସର ଘୋଷଣା କରିସାରିଥିଲା। ଯାହାପରେ ସମସ୍ତେ ଧୋନୀଙ୍କ ସୋସିଆଲ ମିଡିଆ ପୋଷ୍ଟକୁ ଅପେକ୍ଷା କରି…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ବୈଭବ ସୂର୍ଯ୍ୟବଂଶୀଙ୍କୁ ମିଳିବ ୧୧କୋଟି ଦରମା? ଆଇପିଏଲ ୨୦୨୭ ରେ ମିଳିବ କୋଟି କୋଟି ଟଙ୍କା!

ନୂଆଦିଲ୍‌ଲୀ,୧୭।୧୧: ବୈଭବ ସୂର୍ଯ୍ୟବଂଶୀଙ୍କୁ ରାଜସ୍ଥାନ ରୟାଲ୍ସ ୨୦୨୫ ମେଗା ଅକ୍ସନରେ ୧ କୋଟି ୧୦ ଲକ୍ଷ ଟଙ୍କାରେ କିଣିଥିଲା। ସେତେବେଳେ ବୈଭବଙ୍କ ବୟସ ୧୪ ବର୍ଷ ଥିଲା,…

VIDEO: CSK ମାଲିକାଣୀଙ୍କ ବଡ଼ ଖୁଲାସା, ଧୋନୀ ହିଁ କହିଥିଲେ ସନ୍ୟାସ ନେବାକୁ, ଆଉ ସେହି ସମୟରେ ସମ୍ଭାଳିପାରିଲାନି…

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ (CSK) ର ମାଲିକାଣୀ ରୁପା ଗୁରୁନାଥ କୁହନ୍ତି ଯେ ଗତ ଶନିବାର, ତିନି ଦିନ ପୂର୍ୱେ ଏମ.ଏସ. ଧୋନୀ, CSK ର…

‘ଓ ମାହି, ଓ ମାହି…’ ଧୋନୀଙ୍କ ସନ୍ୟାସ ଖବରରେ ଭାବୁକ ହେଲେ, ମଇଦାନରେ କଟ୍ଟର ଶତ୍ରୁ ହେଲେ କହିଲେ…

ନୂଆଦିଲ୍ଲୀ,୧୭।୧୧: MS ଧୋନୀଙ୍କ ଆଇପିଏଲ ସନ୍ନ୍ୟାସକୁ ନେଇ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) ଏକ ଭାବପୂର୍ଣ୍ଣ ମେସେଜ ଲେଖିଛି। ମଇଦାନରେ ଉଭୟ ଦଳ ପରସ୍ପରର କଟ୍ଟର ପ୍ରତିଦ୍ୱନ୍ଦ୍ୱୀ,…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?