କରୋନା ସମଗ୍ର ଦେଶରେ ଆତଙ୍କ ସୃଷ୍ଟି କରିଛି। ତାରକା ଖେଳାଳିଙ୍କ ପରିବାର ଏହା ଦ୍ୱାରା ପ୍ରଭାବିତ ହୋଇଛନ୍ତି। ନିକଟରେ ଟିମ ଇଣ୍ଡିଆର ପୂର୍ବତନ କ୍ରିକେଟର ଆରପି ସିଂ, ଚେତନ ସକରିଆ ଏବଂ ଲେଗ ସ୍ପିନର ପୀୟୁଷ ଚାୱଲା କରୋନା ଯୋଗୁ ବାପାଙ୍କୁ ହରାଇଛନ୍ତି। ଏବେ କରୋନା କାରଣରୁ ୟୁଜବେନ୍ଦ୍ର ଚହଲଙ୍କ ପିତା ମଧ୍ୟ ଗୁରୁତର। ୟୁଜବେନ୍ଦ୍ର ଚହଲଙ୍କ ସ୍ତ୍ରୀ ଧନଶ୍ରୀ ବର୍ମା ସୋସିଆଲ ମିଡିଆରେ ପ୍ରଶଂସକଙ୍କୁ ସୂଚନା ଦେଇଛନ୍ତି। ଧନଶ୍ରୀ କହିଛନ୍ତି ଯେ, ତାଙ୍କ ଶ୍ୱଶୁର କେ.କେ ଚହଲ ଏକ କରୋନାରେ ଗୁରୁତର ହୋଇ ଚିକିତ୍ସିତ ହେଉଛନ୍ତି ଏବଂ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଶାଶୁ ମଧ୍ୟ ଘରେ ରହି ଚିକିତ୍ସିତ ହେଉଛନ୍ତି। ମୁଁ ହସ୍ପିଟାଲରେ ଥିଲି ଏବଂ ସେଠାରେ ଯାହା ସବୁ ଦେଖିଲି ତାହା ବହୁତ ଖରାପ ଥିଲା। ତୁମେମାନେ ଘରେ ରୁହ ଏବଂ ତୁମର ପରିବାରର ଯତ୍ନ ନିଅ । ଧନଶ୍ରୀ ତାଙ୍କ ପୋଷ୍ଟରେ ସୂଚନା ଦେଇଛନ୍ତି ଯେ କରୋନା କାରଣରୁ ସେ ମାଉସୀଙ୍କୁ ମଧ୍ୟ ହରାଇଛନ୍ତି। ଧନଶ୍ରୀ ଲେଖିଛନ୍ତି, ଏପ୍ରିଲ-ମେ ମାସ କଷ୍ଟସାଧ୍ୟ ଏବଂ ଆହ୍ବାନପୂର୍ଣ୍ଣ ଥିଲା। ପ୍ରଥମେ ମୋ ମା’ ଏବଂ ଭାଇ କରୋନାରେ ସଂକ୍ରମିତ ହୋଇଥିଲେ। ସେତେବେଳେ ମୁଁ ଆଇପିଏଲ ବାୟୋ-ବବୁଲରେ ଥିଲି ଏବଂ ତାଙ୍କୁ ସାହାଯ୍ୟ କରିବାକୁ ସକ୍ଷମ ନ ଥିଲି। କିନ୍ତୁ ସମୟ ସମୟରେ, ମୁଁ ସେମାନଙ୍କ ଅବସ୍ଥା ବିଷୟରେ ସୂଚନା ପାଇଥିଲି। ପରିବାରଠାରୁ ଦୂରରେ ରହିବା ଅତ୍ୟନ୍ତ କଷ୍ଟକର ବୋଲି ସେ କହିଛନ୍ତି।
