ଟ୍ରେନ୍‌ରେ ବୃଦ୍ଧଙ୍କ ମୃତ୍ୟୁ, ଓହ୍ଲାଇଦେଲେ ସହଯାତ୍ରୀ

ଭୁବନେଶ୍ୱର,୧୯ା୫(ବ୍ୟୁରୋ):ରବିବାର ସନ୍ଧ୍ୟାରେ ଖୋର୍ଦ୍ଧାରୋଡ ନିକଟରେ ଯାଉଥିବା ଏକ ଚଳନ୍ତା ଟ୍ରେନରେ ଜଣେ ବୃଦ୍ଧ ଯାତ୍ରୀଙ୍କ ହଠାତ ମୃତ୍ୟୁ ଘଟିଥିଲା। ତାଙ୍କ ସହ ଯାତ୍ରା କରୁଥିବା ବୃଦ୍ଧା ସ୍ତ୍ରୀ ଜଣକ ସହଯାତ୍ରୀଙ୍କୁ ସହାୟତା ମାଗିଥିଲେ ମଧ୍ୟ କେହି ଶୁଣି ନ ଥିଲେ। ଓଲଟା କୋଭିଡ୍‌ ସନ୍ଦେହକରି ମୃତଦେହ ସହ ଓହ୍ଲାଇଯିବାକୁ ମହିଳାଙ୍କୁ କହି ହୋହଲ୍ଲା କରିଥିଲେ। ଟ୍ରେନ୍‌ଟି ଖୋର୍ଦ୍ଧାରୋଡ୍‌ ଷ୍ଟେଶନରେ ଅଟକିବା ପରେ ଯାତ୍ରୀମାନେ ସେମାନଙ୍କ ଜିଦ୍‌ରେ ଅଟଳ ରହିଥିଲେ। ରେଳ କର୍ତ୍ତୃପକ୍ଷ ଶେଷରେ ମୃତଦେହକୁ ଟ୍ରେନ୍‌ ବାହାରକୁ ଆଣିଥିଲେ। ଏହି ଦୁଃସମୟରେ ସହଯୋଗର ହାତ ବଢାଇଥିଲେ ପୋଲିସ ଆଇଜି (ଅପରେଶନ) ଅମିତାଭ ଠାକୁର। ଜଟଣୀ ହସ୍ପିଟାଲରେ ମୃତଦେହକୁ ବ୍ୟବଚ୍ଛେଦ କରିବା ସହ ଘରକୁ ପଠାଇବାର ବ୍ୟବସ୍ଥା କରିଥିଲେ।
ମୃତ ଯାତ୍ରୀ ଜଣକ ହେଲେ ବିହାର ଜମାଲପୁରର ଅରୁଣ ମୁଖାର୍ଜୀ(୭୨)। ତାଙ୍କର ବିହାର ମୁଙ୍ଗେରରେ ଏକ କମ୍ପାନୀ ରହିଛି। ସେ ତାଙ୍କ ସ୍ତ୍ରୀ ଉତ୍ତରା ମୁଖାର୍ଜୀଙ୍କ ସହ ଯଶବନ୍ତପୁର-ଭାଗଲପୁର ଟ୍ରେନର ସଂରକ୍ଷିତ ବଗିରେ ବାଙ୍ଗାଲୋରରେ ରହୁଥିବା ପୁଅ ନିକଟରୁ ନିଜ ଘର ଜମାଲପୁରକୁ ଫେରୁଥିଲେ। ହେଲେ ବାଟରେ ତାଙ୍କର ସ୍ବାସ୍ଥ୍ୟ ବିଗିଡିଯାଇଥିଲା। ଏ ସମ୍ପର୍କରେ ସ୍ତ୍ରୀ ଉତ୍ତରା କହିଛନ୍ତି, ସ୍ବାମୀଙ୍କ ଅବସ୍ଥା ଦେଖି ମୁଁ ଟ୍ରେନରେ କାନ୍ଦିବା ସହ ସାହାଯ୍ୟ ପାଇଁ ନିବେଦନ କରୁଥିଲି। ମୋର ଗଭୀର ଆର୍ଥ୍ରାଇଟିସ୍‌ ଥିବାରୁ ଚାଲିପାରୁ ନ ଥିଲି। କିନ୍ତୁ ସମସ୍ତ ସହଯାତ୍ରୀ ଆମଠାରୁ ଦୂରରେ ରହିଥିଲେ। ଆମକୁ ଅଲଗା କମ୍ପାର୍ଟମେଣ୍ଟକୁ ନେବାକୁ ରେଳ କର୍ମଚାରୀଙ୍କୁ କହି ପାଟି କରିଥିଲେ। ମୁଁ କୋଲକାତାର ମୋର ସମ୍ପର୍କୀୟଙ୍କୁ ଯୋଗାଯୋଗ କରିଥିଲି। ସେ ଖୋର୍ଦ୍ଧାଠାରୁ ମାତ୍ର ୩ ଘଣ୍ଟା ଦୂର ଖଡଗପୁର ପର୍ଯ୍ୟନ୍ତ ଯାତ୍ରା କରାଇବାକୁ ରେଳ କର୍ତ୍ତୃପକ୍ଷଙ୍କୁ ଅନୁରୋଧ କରିଥିଲେ। କିନ୍ତୁ ସ୍ବାମୀଙ୍କ ମୃତ୍ୟୁ ଘଟିବାରୁ ଯାତ୍ରୀମାନେ ହୋହଲ୍ଲା କରିଥିଲେ। ଯାତ୍ରୀଙ୍କ ଜିଦ୍‌ ଯୋଗୁ ରେଳ କର୍ତ୍ତୃପକ୍ଷ ଖୋର୍ଦ୍ଧା ରୋଡ୍‌ ଷ୍ଟେଶନରେ ଓହ୍ଲାଇ ଦେଇଥିଲେ ବୋଲି ଉତ୍ତରା କହିଛନ୍ତି। ଅନ୍ୟପକ୍ଷରେ ସ୍ତ୍ରୀ ଉତ୍ତରା ସ୍ବାମୀଙ୍କ ମୃତଦେହକୁ ଧରି ଷ୍ଟେଶନରେ ଜଗି ରହିଥିଲେ। ପାଖକୁ ମଧ୍ୟ କେହି ଆସି ନ ଥିଲେ। ଏ ସଂକ୍ରାନ୍ତରେ ସେ ଟୁଇଟ୍‌ କରିଥିଲେ। ଆଇଜି ଅମିତାଭ ଠାକୁର ଟୁଇଟରରୁ ଜାଣିବା ପରେ ହେଲ୍ପ ଲାଇନ୍‌ ଇଣ୍ଡିଆ କେୟାରର କେତେଜଣ ସ୍ବେଚ୍ଛାସେବୀଙ୍କୁ ସେଠାକୁ ପଠାଇଥିଲେ। ସୂର୍ଯ୍ୟାସ୍ତ ହୋଇଯାଇଥିବାରୁ ଜଟଣୀ ଡାକ୍ତରଖାନା ମୃତଦେହକୁ ବ୍ୟବଚ୍ଛେଦ କରିବାକୁ ମନା କରିଦେଇଥିଲା। ପରେ ଆଇଜି ଠାକୁର ଖୋର୍ଦ୍ଧା ଜିଲାପାଳଙ୍କୁ ଅନୁରୋଧ କରିଥିଲେ। ଜିଲାପାଳଙ୍କ ସ୍ବତନ୍ତ୍ର ଅନୁମତିକ୍ରମେ ମୁଖ୍ୟ ଜିଲା ସ୍ବାସ୍ଥ୍ୟ ଅଧିକାରୀଙ୍କ ସହଯୋଗରେ ବ୍ୟବଚ୍ଛେଦ କରାଯାଇଥିଲା। ପରେ ବୃଦ୍ଧାଜଣକ ସ୍ବାମୀଙ୍କ ମୃତଦେହକୁ ନେଇ ବିହାର ଫେରିଥିବା ଠାକୁର ସୂଚନା ଦେଇଛନ୍ତି। ତେବେ ଘରକୁ ଫେରିବା ପୂର୍ବରୁ ମୃତ ଅରୁଣଙ୍କ ସ୍ତ୍ରୀ ଉତ୍ତରା ଓଡିଶାର ପୋଲିସ ଅଧିକାରୀ ଅମିତାଭ ଠାକୁରଙ୍କ ସହଯୋଗ ସ୍ମରଣୀୟ ହୋଇରହିବ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଘରୋଇ ସଂସ୍ଥାକୁ ସେସୁ ପରିଚାଳନା ଦାୟିତ୍ୱକୁ ବିରୋଧ

ଭୁବନେଶ୍ୱର, ୩୧।୧୨(ବ୍ୟୁରୋ): ରାଜ୍ୟ ସରକାର ବିଦ୍ୟୁତ୍‌ ବିତରଣ ପରିଚାଳନା ସଂସ୍ଥା ସେସୁକୁ ଏକ ଘରୋଇ କମ୍ପାନୀକୁ ବିକ୍ରି କରିବାକୁ ସିପିଆଇଏମ ଘୋର୍‌ ବିରୋଧ କରିଛି। ଏନେଇ...

ଆଇସିଏସ୍‌ଇ, ଆଇଏସ୍‌ସି ପରୀକ୍ଷା ବାତିଲ

ଭୁବନେଶ୍ୱର,୨୦ା୩(ବ୍ୟୁରୋ): କରୋନା ସଂକ୍ରମଣକୁ ଦୃଷ୍ଟିରେ ରଖି କାଉନ୍‌ସିଲ୍‌ ଫର୍‌ ଦି ଇଣ୍ଡିଆନ୍‌ ସ୍କୁଲ୍‌ ସାର୍ଟିଫିକେଟ୍‌ ଏକ୍‌ଜାମିନେଶନ୍ସ (ସିଆଇଏସ୍‌ସିଇ) ବୋର୍ଡ ଦ୍ୱାରା ପରିଚାଳିତ ଦଶମ (ଆଇସିଏସ୍‌ଇ) ଓ...

ନୀଳାଦ୍ରିବିଜେ:ଦିନକ ପାଇଁ ଶ୍ରୀମନ୍ଦିରରେ ହୁଏ ରସଗୋଲା ଭୋଗ

ପୁରୀ ଅଫିସ, ୧୪ା୭: ପରମ୍ପରା ଅନୁଯାୟୀ ଠାକୁରମାନେ ନବଦିନାତ୍ମକ ରଥଯାତ୍ରା ଶେଷ କରି ବାହୁଡାରେ ଫେରିଆସନ୍ତି। ଏହା ପରଦିନ ସିଂହଦ୍ୱାରଠାରେ ରଥ ଉପରେ ସୁନାବେଶରେ ଦର୍ଶନ...

ମାଓବାଦୀଙ୍କ ଶହୀଦ ସପ୍ତାହ ଆରମ୍ଭ : ପ୍ରଶାସନ ପକ୍ଷରୁ ଅଗଷ୍ଟ ୩ ପର୍ଯ୍ୟନ୍ତ ସରକାରୀ ବସ୍‌ ଚଳାଚଳ ବନ୍ଦ

ଦାରିଙ୍ଗବାଡ଼ି,୨୮।୭(ଡି.ଏନ୍‌.ଏ.) : କନ୍ଧମାଳ ଜିଲାରେ ମାଓବାଦୀଙ୍କ ଶହୀଦ ସପ୍ତାହ ରବିବାରଠାରୁ ଆରମ୍ଭ ହୋଇଛି। ଏଥିପାଇଁ ଦାରିଙ୍ଗବାଡ଼ି ଅଞ୍ଚଳରେ ଭୟର ବାତାବରଣ ସୃଷ୍ଟି ହେବା ସହ ସରକାରୀ...

ଅଜନା ରୋଗ୍‌ରେ ପୀଡ଼ିତ ଗୟାଧର: ସରକାରୀ ଚିକିଛା ସାହାଯ୍‌ ଆଶ୍‌ରେ ମା’ବାପ୍‌

  ପର୍ଲା,୧୪।୧(ଡି.ଏନ୍‌.ଏ.)- କଳାହାଣ୍ଡି ଜିଲା ଧର୍ମଗଡ଼ ବ୍ଲକ ଜୟନ୍ତପୁର ଗଁାର ଗୟାଧର ଲୋହାର(୨୫)। ସେ ଅନେକ୍‌ ଦିନ୍‌ ହେଲା କେହେନ୍‌ସି ଗୁଟେ ଅଜନା ରୋଗ୍‌ରେ ପୀଡ଼ିତ...

ଧରାପଡ଼ିବା ଭୟରେ ପ୍ରେମିକଙ୍କୁ ବାକ୍ସରେ ଲୁଚାଇଲେ ପ୍ରେମିକା

ବାରିପଦା ଅଫିସ,୯ା୭:ମୟୂରଭଞ୍ଜ ଜିଲା ଶୁକୃଳି ବ୍ଲକ ଅଞ୍ଚଳର ଜଣେ ଯୁବତୀ ଧରାପଡ଼ିବା ଭୟରେ ନିଜ ପ୍ରେମିକଙ୍କୁ ବାକ୍ସରେ ଲୁଚାଇ ରଖିବା ଚର୍ଚ୍ଚାର ବିଷୟ ପାଲଟିଛି। ଏହି...

ସଡ଼କ ସୁରକ୍ଷା ବୈଠକ: ଏନ୍‌ଏଚ୍‌ଏଆଇ କର୍ତ୍ତୃପକ୍ଷଙ୍କୁ ନୋଟିସ

ଯାଜପୁର ଅଫିସ,୨୨ା୬: ଯାଜପୁର ଜିଲା ସଡକ ସୁରକ୍ଷା ସମ୍ପର୍କିତ ଏକ ବୈଠକ ଗୁରୁବାର ଅନୁଷ୍ଠିତ ହୋଇଛି। ଜାତୀୟ ରାଜପଥ କର୍ତ୍ତୃପକ୍ଷ(ଏନ୍‌ଏଚ୍‌ଏଆଇ) ଓ ପୌର ପ୍ରଶାସନର ତଥ୍ୟ...

ବଲାଙ୍ଗୀରରେ ପହଞ୍ଚିଲା ଶ୍ରମିକ ସ୍ପେଶାଲ ଟ୍ରେନ୍‌: ଓହ୍ଲାଇଲେ ୩ଶହରୁ ଊର୍ଦ୍ଧ୍ୱ ପ୍ରବାସୀ

ବଲାଙ୍ଗୀର ଅଫିସ, ୧୪।୫- ବଲାଙ୍ଗୀର ରେଳ ଷ୍ଟେଶନରେ ଗୁରୁବାର ଦିନ ପ୍ରାୟ ୧୨ଟା ୫୦ରେ ତାମିଲନାଡୁର ତିରୁପୁରରୁ ଆସୁଥିବା ଶ୍ରମିକ ସ୍ପେଶାଲ ଟ୍ରେନ୍‌ ପହଞ୍ଚିଛି। ଏହି...

Advertisement


Archives

Model This Week