Posted inଫୁରସତ

ବୁଲା ଜୀବଜନ୍ତୁଙ୍କ ମା’ ପୁଷ୍ପଲତା

ବୁଲା କୁକୁରଙ୍କଠାରୁ ଆରମ୍ଭକରି ମାଙ୍କଡ଼ଙ୍କ ପର୍ଯ୍ୟନ୍ତ ତାଙ୍କ ଆସିବାକୁ ଅପେକ୍ଷା କରିଥାନ୍ତି। କେତେବେଳେ ଆସିବେ ଓ ସେମାନଙ୍କୁ ଖାଇବାକୁ ଦେବେ। ବାହାରେ ବୁଲୁଥିବା ଜୀବଜନ୍ତୁଙ୍କୁ ପ୍ରତିଦିନ କିଛି ନା କିଛି ଖାଦ୍ୟ ଖାଇବାକୁ ଦେବାରେ ଆନନ୍ଦ ପାଉଥିବା ଏହି ମହିଳା ହେଲେ ପୁଷ୍ପଲତା ମହାପାତ୍ର। ସେ କୁହନ୍ତି, ମୋ ବାପଘର କଟକ ବାଙ୍କୀ ବୈଦେଶ୍ୱର ଥାନା ଅନ୍ତର୍ଗତ ରଜିବ ଗାଁରେ, ମାତ୍ର ଶାଶୁଘର କଳାପଥର ତଳସାହିରେ। କିନ୍ତୁ ସ୍ଥାନୀୟ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରରେ ପ୍ରଧାନ ଶିକ୍ଷୟିତ୍ରୀ ଭାବେ କାର୍ଯ୍ୟ ତୁଲାଉଛି। ପିଲାଦିନେ କାଉ, ବଣି ଓ ଗୋରୁଙ୍କୁ କିଛି କିଛି ଖାଦ୍ୟ ଦେଉଥିଲି। ଥରେ ଶାଶୁଘର ଛାତ ଉପରକୁ ଯାଇ ଦେଖିଲି ଗୋଟିଏ ମାଙ୍କଡ଼ ଚୁପ୍‌ଚାପ୍‌ ବସି ମୋ ଆଡ଼କୁ ବଲବଲ ହୋଇ ଅନାଉଥାଏ। ପ୍ରଥମେ ଟିକେ ଡର ଲାଗୁଥିଲା, ମାତ୍ର ତା’ପରେ ମନରେ ସାହସବାନ୍ଧି ଘରୁ ଗୋଟିଏ କଦଳୀ ଆଣି ସେଠାରେ ସେହି ମାଙ୍କଡ଼କୁ ଦେଇଥିଲି ।

ଏହା ପରଠାରୁ ଆଉ କେତୋଟି ମାଙ୍କଡ଼ ଆସିଲେ ତା’ପରଦିନ ଅଧିକ କିଛି ଫଳ ଆଣି ମାଙ୍କଡ଼ମାନଙ୍କୁ ଦେଇଥିଲି। ଏମିତି କିଛିଦିନ ଫଳ ଓ ବିସ୍କୁଟ ମାଙ୍କଡ଼ଙ୍କୁ ଦେବା ମୋର ନିତିଦିନିଆ ଅଭ୍ୟାସ ହୋଇଗଲା। ଏଥିଯୋଗୁ ମାଙ୍କଡ଼ଙ୍କୁ ଦେଖିଲେ ମତେ ଆଉ ଭୟ ଲାଗିଲା ନାହିଁ। ସେମାନଙ୍କୁ ଡାକିଲାମାତ୍ରେ ସେମାନେ ପାଖକୁ ଆସନ୍ତି। ଧୀରେ ଧୀରେ ସେମାନଙ୍କୁ ନିଜର କରିବାରେ ସିଦ୍ଧହସ୍ତ ହୋଇଗଲି। ଏପରି କି ଘରୁ ଯେତେବେଳେ ବିଦ୍ୟାଳୟକୁ ଯାଇଥାଏ ମୋ ବ୍ୟାଗରେ କିଛି ବିସ୍କୁଟ ଓ କେତୋଟି ପିଜୁଳି ରଖିତ୍ଥାଏ। ତାହାକୁ ଯିବାଆସିବା ବାଟରେ ଯଦି ମାଙ୍କଡ଼ ତଥା ଅନ୍ୟ କୌଣସି ଜୀବଜନ୍ତଙ୍କୁ ଦେଖେ ସେଠାରେ ତାଙ୍କୁ ଖାଇବାକୁ ଦେଇଥାଏ। ଏବେ ପ୍ରତିଦିନ ଘର ଛାତକୁ ବହୁ ସଂଖ୍ୟାରେ ମାଙ୍କଡ଼ ଆସୁଛନ୍ତି। ସେମାନଙ୍କୁ ରାମୁ ନାମରେ ଡାକିଲେ ଯିଏ ଯେଉଁଠି ଥାନ୍ତି ଦୌଡ଼ି ଆସି ପାଖରେ ପହଞ୍ଚି ଯାଆନ୍ତି। ଏ ଦୃଶ୍ୟ ଦେଖିବା ପାଇଁ ଦେଖଣାହାରୀଙ୍କର ବେଶ୍‌ ଭିଡ଼ ଜମେ । ସେମାନେ ମୋ ପାଖରେ ବସନ୍ତି, ଖେଳନ୍ତି, ହାତରୁ ବାଦାମ, କଦଳୀ, ବିସ୍କୁଟ, ଚଣା ଆଦି ଖାଦ୍ୟନେଇ ଖାଆନ୍ତି। ଏମାନେ ଜଙ୍ଗଲୀ ଜୀବଜନ୍ତୁ ହେଲେ ମଧ୍ୟ ଗୋଟିଏ ପରିବାର ପରି ଚଳନ୍ତି। କେବଳ ମାଙ୍କଡ଼ କାହିଁକି ପାରା ଓ କାଉ ଆଦି ବିଭିନ୍ନ ପକ୍ଷୀଙ୍କୁ ପ୍ରତିଦିନ ସକାଳୁ ସକାଳୁ ଖୁଦ, ସୋରିଷ, ଗହମ ଆଦି ଖାଦ୍ୟଶସ୍ୟ ଖାଇବାକୁ ଦେଇଥାଏ। ଏମାନଙ୍କ ସହିତ କିଛି ସମୟ ବିତାଇଲେ ମନଟା ଖୁବ୍‌ ଭଲ ଲାଗେ। ଏମାନଙ୍କ ପ୍ରତି ଆତ୍ମୀୟତା ବଢ଼ିଯାଇଛି। ସେଥିପାଇଁ କଦଳୀ, ବାଦାମ କିଣିଆଣି ରଖିଥାଏ। ଏବେ ପ୍ରତିଦିନ ସକାଳେ ଓ ଅପରାହ୍ନରେ ପ୍ରାୟ ୩୦ରୁ ୫୦ସଂଖ୍ୟାରେ ମାଙ୍କଡ଼ ଆସୁଛନ୍ତି। ଏମିତିରେ ପ୍ରାୟ ୪ ବର୍ଷ ବିତିଗଲାଣି। ଜୀବଜନ୍ତୁଙ୍କ ପେଟକଥା ବୁଝିବା ବ୍ୟତିତ ଅନେକ ସମୟରେ ମୁଁ ଭଜନଜଣାଣ ମଧ୍ୟ ଗାଇଥାଏ। ଘରର ସମସ୍ତ କାମ ସାରି ବିଶ୍ରାମ ନେବା ପୂର୍ବରୁ ଲେଖାଲେଖି ବି କରେ। ଏମିତିରେ ଭକ୍ତିପୁଷ୍ପାଞ୍ଜଳି ନାମରେ ଏକପୁସ୍ତକ ପ୍ରକାଶିତ ହୋଇସାରିଛି। ସାହିତ୍ୟ ଓ ଜୀବଜନ୍ତୁଙ୍କ ସେବା ଯୋଗୁ କେତେକ ଅନୁଷ୍ଠାନରୁ ପୁରସ୍କୃତ ହୋଇଛି। ଏହି କାର୍ଯ୍ୟରେ ମୋ ପରିବାରର ସହଯୋଗ ମୋତେ ଉତ୍ସାହିତ କରିଥାଏ।


Enter your email to get our daily news in your inbox.

All Right Reserved By Dharitri.Com

ପୋଲିସ ନମ୍ବରରୁ ହ୍ବାଟ୍ସଆପ୍‌କୁ ଆସିବ କଲ୍‌, ମିଳିବ ଧମକ, ଭୟଭୀତ ହେଲେ ଆକାଉଣ୍ଟ ହୋଇଯିବ ଖାଲି…

ଦୁଇମାସ ତଳେ କେରଳର ଜଣେ ବାସିନ୍ଦା ପୋଲିସ ଅଧିକାରୀଙ୍କ ଡିପି ଥାଇ ଏକ ନମ୍ବରରୁ ହ୍ବାଟ୍ସଆପ୍‌କୁ କଲ୍‌ ଆସିଥିଲା। ସେ ଏହାକୁ ଉଠାଇବା ମାତ୍ରେ ଏକ...

ଅଜବ ଘର: ଦେଖିବାକୁ ବଙ୍କାତେଢ଼ା ମାତ୍ର ଆକର୍ଷଣୀୟ, ଜାଣନ୍ତୁ ଏହାର ସ୍ବତନ୍ତ୍ରତା…

ଦୁନିଆରେ ଅନେକ ଅଟ୍ଟାଳିକା ଅଛି, ଯାହା ଅନେକ କାରଣ ପାଇଁ ଲୋକଙ୍କୁ ଆକର୍ଷିତ କରିଥାଏ। କିଛି ଘର ଡିଜାଇନକୁ ନେଇ ବେଶ୍‌ ଆକର୍ଷଣୀୟ ହୋଇଥାଏ। ଆଜି...

ନିର୍ବାଚନବେଳେ ଜବତ ମଦ-ଟଙ୍କା କିଏ ରଖନ୍ତି, ଜାଣିଲେ ହୋଇଯିବେ ତାଜୁବ

ନୂଆଦିଲ୍ଲୀ,୨୮।୩: ଦେଶରେ ଲୋକ ସଭା ନିର୍ବାଚନ ପାଇଁ ବାଜିସାରିଛି ବିଗୁଲ । ଲୋକ ସଭା ନିର୍ବାଚନର ତାରିଖ ମଧ୍ୟ ନିର୍ବାଚନ ଆୟୋଗ ଘୋଷଣା କରିଛନ୍ତି। ଏହା...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

କଫି ସହ ମଣିଷ ରକ୍ତ ମିଶାଇ ପିଉଛନ୍ତି ଏହି ମହିଳା

ଦୁନିଆରେ,ପ୍ରତ୍ୟେକ ମଣିଷଙ୍କର ନିଜସ୍ବ ସଉକ ଅଛି। କିଏ ଭ୍ରମଣ କରିବାକୁ ଭଲ ପାଆନ୍ତି ତ ଆଉ କିଏ ଖାଇବାକୁ ଭଲ ପାଆନ୍ତି। କେତେକ ଗୀତ ଗାଇବାକୁ...

ପୃଥିବୀର ପଡୋଶୀରେ ଅଛନ୍ତି ଏଲିଏନ୍ସ, ୨୦୩୦ ସୁଦ୍ଧା ଖୋଜିଦେବ ନାସା!

ଓ୍ବାଶିଂଟନ,୨୫।୩: ଏଲିଲନ୍ସ ସତରେ ଅଛନ୍ତି କି। ଯଦି ଅଛନ୍ତି, ସେମାନେ କେଉଁଠାରେ ରୁହନ୍ତି? ଏହି ଦୁଇଟି ପ୍ରଶ୍ନର ଉତ୍ତର ଖୋଜିବାରେ ସାରା ବିଶ୍ୱର ସ୍ପେସ ଏଜେନ୍ସିମାନେ...

ଓଡ଼ିଆ ଜନଜୀବନରେ ଦୋଳଯାତ୍ରା

ଫାଲ୍‌ଗୁନ ଶୁକ୍ଳ ଦଶମୀ ତିଥିଠାରୁ ସାଧାରଣତଃ ଓଡ଼ିଆ ଜନଜୀବନରେ ଦୋଳଯାତ୍ରା ଆଧ୍ୟାତ୍ମିକ ଭକ୍ତିପୂତ ପରିବେଶରେ ଆରମ୍ଭ ହୋଇଥାଏ। ଏହି ପର୍ବର ମୁଖ୍ୟ ଆରାଧ୍ୟ ଠାକୁର ପ୍ରେମମୟ...

ବୋତଲ ଭିତରେ ଅଠା ଲାଖେ ନାହିଁ କାହିଁକି

ବିଜ୍ଞାପନରେ ଅନେକ ଅଠା କମ୍ପାନୀ ଦାବି କରନ୍ତି ଯେ, ତାଙ୍କର ସାମାନ୍ୟ ଟିକେ ଅଠା ଯେକୌଣସି ଜିନିଷକୁ ଯୋଡିପାରେ। ଆଉ ଏମିତି ଯୋଡିବ ଯେ ଯୋଡା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri