ବେତନଟୀ,୯ା୯(ସ୍ବ. ପ୍ର.): ମୟୂରଭଞ୍ଜ ଜିଲା ବଡ଼ସାହି ବିଧାୟକ ସନାତନ ବିଜୁଳି ଶ୍ରେଣୀ ଗୃହରେ ପାଠ ପଢ଼ାଇବା ସହ ଦେଶାତ୍ମବୋଧକ ଗୀତ ଗାଇ ପିଲାଙ୍କ ଉତ୍ସାହ ବୃଦ୍ଧି କରିଥିବା ଚର୍ଚ୍ଚାର ବିଷୟ ହୋଇଛି। ବେତନଟୀ ବ୍ଲକ ସୋରିଷକୋଠା ଗ୍ରାମସ୍ଥିତ ବୁଢ଼ାବଳଙ୍ଗ ଉଚ୍ଚ ବିଦ୍ୟାଳୟର ଏକ ଉଦ୍ଘାଟନୀ କାର୍ଯ୍ୟକ୍ରମରେ ଯୋଗଦେବା ଅବସରରେ ବିଧାୟକଙ୍କ ଏଭଳି କାର୍ଯ୍ୟକୁ ଅଭିଭାବକ ତଥା ଜନ ସାଧାରଣ ବେଶ୍ ପ୍ରଶଂସା କରିଛନ୍ତି।
କାର୍ଯ୍ୟକ୍ରମ ଶେଷ ହେବା ପରେ ସ୍କୁଲର ପାଠପଢ଼ା ସହ ଅନ୍ୟାନ୍ୟ ବ୍ୟବସ୍ଥାର ତଦାରଖ କରିଥିଲେ ବିଧାୟକ। ପରେ ଶ୍ରେଣୀଗୃହରେ ଛାତ୍ରୀଛାତ୍ରମାନଙ୍କ ସହିତ ଦେଶାତ୍ମବୋଧକ ସଂଗୀତ ଗାନ କରିବା ସହ ପିଲାମାନଙ୍କର ସାଧାରଣ ଜ୍ଞାନ ପରଖିଥିଲେ। ଛାତ୍ରୀଛାତ୍ରମାନେ ଭଲ ପାଠପଢ଼ି ଉଜ୍ୱଳ ଭବିଷ୍ୟତ ଗଢ଼ିବାକୁ ବିଧାୟକ ବିଜୁଳି ଉପଦେଶ ଦେଇଥିଲେ।
