କରୋନା ସମୟରେ ଗରିବ ଏବଂ ବେରୋଜଗାର ସଂଖ୍ୟା ବଢ଼ିଯାଇଛି। ଅନେକ ବ୍ୟବସାୟ ବନ୍ଦ ହୋଇଯାଇଛି। ଏହି ସମୟରେ ସରକାର ଗରିବ ଏବଂ ଶ୍ରମିକଙ୍କୁ ସହାୟତା କରୁଛନ୍ତି। ମାତ୍ର ଆମେରିକାରେ ରହୁଥିବା ଡେଭିଡ୍ ଟି ହାଇନ୍ସ ନାମକ ଜଣେ ବ୍ୟକ୍ତି କରୋନା ନାମରେ ସରକାରଙ୍କଠାରୁ ସହାୟତା ନେଇ ଉକ୍ତ ଟଙ୍କାରେ ଏକ ଲମ୍ବୋର୍ଗିନି ଗାଡି କିଣି ବୁଲୁଛନ୍ତି।
ଏକ ରିପୋର୍ଟ ଅନୁଯାୟୀ, ଡେଭିଡ୍ ୧୩.୪ ମିଲିୟନ୍ ଡଲାର ‘ପେ ଚେକ୍ ପ୍ରୋଟେକ୍ସନ୍ ପ୍ରୋଗ୍ରାମ୍’ ପିପିପି ଲୋନ୍ ପାଇଁ ଆପ୍ଲାଏ କରିଥିଲେ। ଏହାର ଉଦ୍ଦେଶ୍ୟ ହେଉଛି କରୋନା ମହାମାରୀ ଦ୍ୱାରା ପ୍ରଭାବିତ ଛୋଟ ବ୍ୟବସାୟୀଙ୍କୁ ସହଯୋଗ କରିବା। କମ୍ପାନୀଗୁଡିକର ବେତନ ଖର୍ଚ୍ଚ ବିଷୟରେ ସେମାନେ ମିଥ୍ୟା ବିଭ୍ରାନ୍ତକର ସୂଚନା ଦେଇ ପ୍ରାୟ ୪ ମିଲିୟନ୍ ଡଲାର (୨୯ କୋଟିରୁ ଅଧିକ) ଲୋନ୍ ନେଇଥିଲେ। ଏହି ଟଙ୍କା ମିଳିବାର କିଛି ଦିନ ପରେ ଡେଭିଡ୍ ୩୧୮,୦୦୦ ଡଲାର ଦେଇ ଏକ ଲେମ୍ବୋର୍ଗିନୀ ଗାଡି କିଣିଥିଲେ।
ବ୍ୟାଙ୍କ ଅଫ୍ ଆମେରିକା ଡେଭିଡ୍ଙ୍କୁ ୩ ପିପିପି ଆପ୍ଲିକେଶନକୁ ଅନୁମୋଦନ କରିଥିଲେ। ପ୍ରତି ଆବେଦନରେ ସେ ୭୦ କର୍ମଚାରୀଙ୍କ ବିଷୟରେ ସୂଚନା ଦେବା ସହ ୪ ମିଲିୟନ୍ ଡଲାର ତାଙ୍କର ମାସିକ ଖର୍ଚ୍ଚ ବୋଲି ସେ ଜଣାଇଥିଲେ। ମାତ୍ର ଏବେ ସତକଥା ଜଣାପଡ଼ିବା ପରେ ହେଭିଡ୍ଙ୍କୁ ଗିରଫ କରାଯାଇଛି। ଲୋନ ଦେଉଥିବା ସଂସ୍ଥାକୁ ଭୁଲ ତଥ୍ୟ ଦେଇଥିବାରୁ ତାଙ୍କ ଗାଡି ଏବଂ ବ୍ୟାଙ୍କ୍ରେ ଥିବା ୩.୪ ମିଲିୟନ୍ ଟଙ୍କାକୁ ସିଜ୍ କରାଯାଇଛି।
