ଭାଲେଣ୍ଟାଇନ୍ ଡେ’ରେ ପ୍ରେମିକା ଡେଟ୍ ପାଇଁ ଯିବାକୁ ମନା କରିବାରୁ ଜଣେ ପ୍ରେମିକ ଅଜବ କାଣ୍ଡ ଘଟାଇଛନ୍ତି। ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଆମେରିକାର ଏରିଜୋନାରେ ରହୁଥିବା ଜଣେ ଯୁବକ ତାଙ୍କ ପୂର୍ବତନ ପ୍ରେମିକାଙ୍କୁ ଉଠାଇ ନେଇଛନ୍ତି। ସବୁଠୁ ଚର୍ଚ୍ଚାର ବିଷୟ ହେଲା ତାଙ୍କର ଏହି ପୂର୍ବତନ ପ୍ରେମିକା ବିବାହିତ। ତାଙ୍କର ଦୁଇ ପିଲା ମଧ୍ୟ ଅଛନ୍ତି। ମହିଳାଙ୍କୁ ଅପହରଣ କରିବା ଅଭିଯୋଗରେ ଉକ୍ତ ଯୁବକଙ୍କୁ ପୋଲିସ ଗିରଫ ବି କରିଛି। ଯାହା ଚର୍ଚ୍ଚାର ବିଷୟ ପାଲଟିଛି।
୨୦ ବର୍ଷୀୟ ୟଶାୟାହ କୋସ୍ପର୍ଡ ତାଙ୍କ ପୂର୍ବତନ ପ୍ରେମିକାଙ୍କୁ ଭାଲେଣ୍ଟାଇନ ଡେ’ ଅବସରରେ ଡେଟ୍ରେ ଯିବା ପାଇଁ ଡାକିଥିଲେ। ପ୍ରେମିକା ଜଣକ ମନା କରିବାରୁ ସେ ସିଧା ଯାଇ ତାଙ୍କ ଘରେ ପହଞ୍ଚିଥିଲେ। ପରେ ତାଙ୍କ ଉପରେ ଆକ୍ରମଣ କରି ତାଙ୍କୁ ଜୋର ଜବରଦସ୍ତ କାର୍ରେ ବସାଇ ପଳାଇଥିଲେ। ଏପରିକି ରାସ୍ତା ଯିବା ସମୟରେ ସେ ୧୦୦ କିମି ବେଗରେ ଗାଡ଼ି ଚଳାଉଥିଲେ। ଏହା ଦେଖି ଲୋକେ ପୋଲିସକୁ ଖବର ଦେଇଥିଲେ। ପୋଲିସ ଗାଡ଼ିର ପିଛା କରି ଯେତେବେଳେ ଏହି କାର୍ ରାସ୍ତାରେ ଦୁର୍ଘଟଣାଗ୍ରସ୍ତ ହୋଇଥିଲା ସେତେବେଳେ ଧରିଥିଲା। ପରେ ପୋଲିସ ଘଟଣାର ତଦନ୍ତ କରି ୟଶାୟାହଙ୍କୁ ଗିରଫ କରିଛି।
