ଶେରଗଡ଼୧୭।୮(ଡି.ଏ୍ନ.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକ ପରିସରରେ ସୋମବାର ଜିଲାପାଳ ବିଜୟ ଅମୃତା କୁଲାଙ୍ଗେ ଅଚାନକ ପହଞ୍ଚି ଉନ୍ନୟନ କାର୍ଯ୍ୟ ସମୀକ୍ଷା କରିଛନ୍ତି। ଏହାସହ ବବ୍ଲ ସମ୍ମୁଖରେ ଆୟୋଜିତ ଏକ ବୈଠଳରେ ଯୋଗଦେଇ ସେ ବ୍ଲକର ୨୨ ପଞ୍ଚାୟତର ଗ୍ରାମସେବକ, ଯନ୍ତ୍ରୀ ଜିପିଟିଏମାନଙ୍କୁ ନିଜ ନିଜ ପଞ୍ଚାୟତର ସମାସ୍ୟା ପଚାରି ବୁଝିଛନ୍ତି। ଏହି ସମୟରେ ସେ କହିଛନ୍ତି, ଆମକୁ ଏହି ମାସରେ ଜଗି ରହିବାକୁ ପଡିବା କରୋନା ରୋଗୀ ସଂଖ୍ୟା କମୁଛି ବୋଲି ଆମେ ଚୁପ୍ ରହିଲେ ହେବ ନାହିଁ। ଆମକୁ ପ୍ରତି ଗ୍ରାମରେ ସଚେତନତା କରିବାକୁ ପଡ଼ିବ।
ବ୍ଲକର ସମସ୍ତ ପଞ୍ଚାୟତର ମହାତ୍ମାଗାନ୍ଧୀ ନିଶ୍ଚିତ କର୍ମନିଯୁକ୍ତି ଯୋଜନାକୁ ଆଗେଇବା ସହ ଯେଉଁ ପଞ୍ଚାାୟତରେ ଏହା ଆରମ୍ଭ ହୋଇନାହିଁ ତାକୁ ତୁରନ୍ତ ଆରମ୍ଭ କରିବାକୁ ବ୍ଲକର ସମସ୍ତ ଯନ୍ତ୍ରୀମାନଙ୍କୁ ସେ ନିର୍ଦ୍ଦେଶ ଦେଇଛନ୍ତି। କୋଭିଡ ଭେକ୍ସିନ ନ ଆସିବା ପର୍ଯ୍ୟନ୍ତ ସତର୍କ ରହିବାକୁ ପଡିବ ବୋଲି ଜିଲାପାଳ କହଛନ୍ତି। ଏହି ସମୟରେ ଭାରତୀୟ ଷ୍ଟେଟବ୍ୟାଙ୍କ ଶାଖା ବ୍ଲକ ପ୍ରଶାସନକୁ ସହଯୋଗ କରୁନାହିଁ ଏବଂ ବିଭିନ୍ନ କାର୍ଯ୍ୟରେ ବିଳମ୍ଭ କରୁଥିବା କେତେକ ଗ୍ରାମସେବକ ଅଭିଯୋଗ କରିଥିଲେ। ଏ ଦିଗରେ ପଦକ୍ଷେପ ନିଆଯିବ ବୋଲି ଜିଲାପାଳ କହିଛନ୍ତି। ଏହି ଅବସରରେ ବିଡିଓ ସୁରଞ୍ଜନ କୁମାର ସାହୁ, ତହସିଲଦାର ଡ.ଦୟାସିନ୍ଧୁ ପରିଡା, ଥାନାଅଧିକାରୀ ରମେଶ ଚନ୍ଦ୍ର ଦାସ ଓ ସିଡିପିଓ ଜୟନ୍ତୀ ପାଟପିଙ୍ଗୁଅ ପ୍ରମୁଖ ଉପସ୍ଥିତ ଥିଲେ।
