ବନ୍ୟା କମିଲା, ପାଣି ଛାଡ଼ିନି

ଭୋଗରାଇ,୨୬।୮(ଡି.ଏନ.ଏ.): ପୋଗର ଉନ୍ନତି ହେବା ସହିତ ବନ୍ୟା ସ୍ଥିତିରେ ମଧ୍ୟ ସୁଧାର ଆସିଛି। ହେଲେ ଏମିତି ପଞ୍ଚାୟତ ରହିଛି ଯେଉଁଠି ବନ୍ୟାପାଣି ଛାଡ଼ିବାକୁ ଆହୁରି ୧୦ଦିନରୁ ଉର୍ଦ୍ଧ୍ୱ ସମୟ ଲାଗିବ। ସେହିଭଳି ଏକ ପଞ୍ଚାୟତ ହେଉଛି ବାଲେଶ୍ୱର ଜିଲା ଭୋଗରାଇ ବ୍ଲକ ଅଧୀନ କଚୁଆଡ଼ି ପଞ୍ଚାୟତ। ଏହି ପଞ୍ଚାୟତର ଚକେଇସବ, ପାରୁଳିଆ, କଟିସାହି ଓ ଦକ୍ଷିଣନାଡ଼ବଣୀ ଗାଁର ପାଖାପାଖି ୩ହଜାର ଜନବସତି ରହିଛି। ଉତ୍ତର ଭୋଗରାଇର କଚୁଆଡ଼ି ଦକ୍ଷିଣପାର୍ଶ୍ୱସ୍ଥ ଗାଁଗୁଡ଼ିକ ଅତ୍ୟନ୍ତ ତଳିଅଞ୍ଚଳ ହୋଇଥିବାରୁ ବନ୍ୟା ଆସିଲେ ଜଳଯନ୍ତ୍ରଣା ସବୁଠୁ ପୀଡ଼ା ଦେଇଥାଏ। ସୁବର୍ଣ୍ଣରେଖାର ଚଳିତ ବନ୍ୟା ଗ୍ରାମବାସୀଙ୍କ ଜନଜୀବିକାକୁ ଗଭୀର ଭବେ ପ୍ରଭାବିତ କରିଛି। ଧାନଚାଷ, ପାନବରଜରେ ବ୍ୟବହୃତ ଖଡ଼ି, ଇକଡ଼ ମୁଖ୍ୟ ଚାଷ ହୋଇଥିବା ବେଳେ ବନ୍ୟା କୋପରେ ସବୁକିଛି ଉଜୁଡିଯାଇଛି। ବନ୍ୟାର ୫ଦିନ ପରେ ବି ବିପନ୍ନମାନଙ୍କୁ ଘରୁ ବାହାରିବା ମୁସ୍କିଲ ହୋଇପଡ଼ିଛି। ପ୍ରତି ଗାଁ ରାସ୍ତାରେ ଅଣ୍ଟାଏରୁ ଛାତିଏ ପର୍ଯ୍ୟନ୍ତ ପାଣିର ସ୍ରୋତ ଛୁଟୁଛି। ଛୁଆପିଲା, ଗୋବାଦୀ ପଶୁଙ୍କୁ ଧରି ଅତି ଶୋଚନୀୟ ଭାବେ ବିପନ୍ନମାନେ ରହୁଛନ୍ତି।
ସଞ୍ଜ ନଇଁ ଆସିଲେ ଯେଉଁଠି ଗାଁ ଦାଣ୍ଡ ଚଳଚଞ୍ଚଳ ରହୁଥିଲା, ସେଠାରେ ଶୂନଶାନ ହୋଇଯାଉଛି। ବନ୍ୟା ପାଣି ଛାଡ଼ି ନ ଥିବାରୁ ସ୍କୁଲଗୃହ, ଅଙ୍ଗନୱାଡ଼ି କେନ୍ଦ୍ରରେ ପାଣି ଜମି ରହି ଦୁର୍ଗନ୍ଧ ପରିବେଶ ସୃଷ୍ଟି ହୋଇଛି। ମୂଲ ମଜୁରୀ ଉପରେ ନିର୍ଭର କରୁଥିବା ଗରିବଗୁରୁବାଙ୍କ କାମଧନ୍ଦା ମିଳୁ ନ ଥିବାରୁ ପରିବାର ପ୍ରତିପୋଷଣ କରିବା ଶୋଚନୀୟ ହୋଇପଡ଼ିଛି। ଧାନ, ଖଡ଼ି ଚାଷ ବୁଡ଼ିଯିବା ଦ୍ୱାରା ଲୋକଙ୍କ ଆର୍ଥିକ ଅବସ୍ଥା ସାଂଘାତିକ ହୋଇଛି। ଏବେ ବି ବନ୍ୟା ପ୍ରକୋପ ଥମି ନ ଥିବା ବେଳେ ବହୁ ପରିବାର ଦୟନୀୟ ଅବସ୍ଥାରେ ଜୀବନ ଅତିବାହିତ କରୁଛନ୍ତି। ଘର ଭିତରେ ଆଣ୍ଠୁଏରୁ ଊର୍ଦ୍ଧ୍ୱ ପାଣି ଜମି ରହିଛି। ଖଟ, ଖଟିଆ, କାଠପଟା ବାନ୍ଧି ବଡ଼ କଷ୍ଟରେ ଛୁଆପିଲା ଧରି ରହିଥିବା ଦେଖିବାକୁ ମିଳୁଛି। ନଡ଼ା, ଶୁଖିଲା ଜାଳ ମିଳୁ ନ ଥିବା ବେଳେ ଘରେ ଏକା ଥିବା ବୃଦ୍ଧାବୃଦ୍ଧ ଭାଗ୍ୟକୁ ଆଦରି ପଡ଼ିରହିଛନ୍ତି। ପେଟର ଜ୍ୱାଳା ସହି ନ ପାରି ପଞ୍ଚାୟତ ତରଫରୁ ଦିଆଯାଉଥିବା ଖାଦ୍ୟକୁ ଭରସା ରଖିଛନ୍ତି। ଏହି ପଞ୍ଚାୟତର କଟିସାହି ହାଇସ୍କୁଲ, ଚକେଇସବ ଓ ପାରୁଳିଆ ପ୍ରାଥମିକ ସ୍କୁଲରେ ୩ଶହରୁ ଊର୍ଦ୍ଧ୍ୱ ସ୍ଥାନାନ୍ତର ହୋଇଥିବା ବିପନ୍ନମାନେ ରହିଛନ୍ତି। ସମସ୍ତ ନଳକୂପ ବନ୍ୟା ପାଣିରେ ବୁଡ଼ି ରହିବା ଯୋଗୁ ପିଇବା ପାଣି ସଙ୍କଟ ଦେଖାଦେଇଛି। ଚକେଇସବ ଗାଁର ଆରତୀ ପରିଡ଼ା, ବରେନ୍ଦ୍ର ପରିଡ଼ା, ସୁଦର୍ଶନ ଗିରି, କମଳଲୋଚନ ପରିଡ଼ା ନିଜ ପରିବାରର ଦୁଃଖଦୁର୍ଦ୍ଦଶା ବର୍ଣ୍ଣନା କରିଛନ୍ତି। ପଞ୍ଚାୟତ ପକ୍ଷରୁ ମିଳିଥିବା ଚୁଡ଼ା, ଗୁଡ଼ ସେମାନଙ୍କ ପରିବାର ପାଇଁ ନିଅଣ୍ଟ ବୋଲି ସେମାନେ ଦୁଃଖର ସହିତ ପ୍ରକାଶ କରିଛନ୍ତି। ଅପରପକ୍ଷରେ ସରପଞ୍ଚ ଜ୍ୟୋତ୍ସ୍ନାରାଣୀ ମହାନ୍ତି ତାଙ୍କ ପଞ୍ଚାୟତରେ ୩ଟି ସ୍କୁଲ ଗୃହରେ ୫ଶହ ବିପନ୍ନଙ୍କୁ ରଖାଯାଇ ଖାଦ୍ୟସାମଗ୍ରୀ ଯୋଗାଇ ଦିଆଯାଉଥିବା ବେଳେ ପ୍ରଶାସନଠାରେ ଅଧିକ ଖାଦ୍ୟ ସାମଗ୍ରୀ ଯୋଗାଇ ଦେବାକୁ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଶ୍ରୀମନ୍ଦିର ରତ୍ନ ଭଣ୍ଡାର ଅଳଙ୍କାର ତାଲିକା ପ୍ରସ୍ତୁତି ତଦାରଖ ପାଇଁ କମିଟି ଗଠନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୯।୨: ଓଡିଶା ହାଇକୋର୍ଟଙ୍କ ଶ୍ରୀ ଜଗନ୍ନାଥ ମନ୍ଦିର ରତ୍ନଭଣ୍ଡାର ସମ୍ପର୍କିତ ନିର୍ଦ୍ଦେଶ ଅନୁଯାୟୀ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ସୁପ୍ରିମ କୋର୍ଟର ପୂର୍ବତନ ବିଚାରପତି ଜଷ୍ଟିସ ଅରିଜିତ୍...

ମାର୍ଚ୍ଚ ୫ରେ ଓଡ଼ିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ଭୁବନେଶ୍ୱର,୨୯।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମାର୍ଚ୍ଚ ୫ ତାରିଖରେ ଓଡ଼ିଶା ଗସ୍ତ କରିବାର କାର୍ଯ୍ୟକ୍ରମ ରହିଛି। ଗୁରୁବାର ଓଡିଶା ଭାଜପା ସଭାପତି ମନମୋହନ ସାମଲ ଏହି...

ମୋଟରସାଇକେଲ-ସ୍କୁଟି ମୁହାଁମୁହିଁ, ଚାଲିଗଲା ୩ ଜୀବନ

ବାରିପଦା,୨୯ା୨(ନୀଳାଦ୍ରି ବିହାରୀ ଦଣ୍ଡପାଟ): ଗୁରୁବାର ବାରିପଦା-ଉଦଳା ରାଜ୍ୟ ରାଜପଥ ବାଲିଯୋଡ଼ା ନିକଟରେ ମୋଟରସାଇକେଲ ଓ ସ୍କୁଟି ମୁହାଁମୁହିଁ ଧକ୍କା ହେବାରୁ ୩ ଜଣଙ୍କର ମୃତ୍ୟୁ ଘଟିଛି।...

ଏମ୍‌ପିଙ୍କୁ ଅସମ୍ମାନ ପରେ ବାଲେଶ୍ୱର ଜିଲାପାଳଙ୍କ ବଦଳି ଚର୍ଚ୍ଚା

ବାଲେଶ୍ୱର,୨୯।୨(ମାନସ ବିଶ୍ୱାଳ): ବାଲେଶ୍ୱର ଜିଲାପାଳ ଦତ୍ତାତ୍ରେୟ ଭାଉସାହେବ ଶିନ୍ଦେଙ୍କର ବଦଳି ନିର୍ଦ୍ଦେଶ ରାଜ୍ୟ ସରକାରଙ୍କ ଜେନେରାଲ ଆଡ୍‌ମିନିଷ୍ଟ୍ରେସନ ଆଣ୍ଡ ପବ୍ଲିକ ଗ୍ରିଭେନ୍ସ ଡିପାର୍ଟମେଣ୍ଟ ପକ୍ଷରୁ ବୁଧବାର...

ହକମତିଙ୍କୁ ଏଯାଏ ଭତ୍ତା ମିଳୁନି

ଖୁଣ୍ଟିଗୋରା,୨୯।୨(ମକରନ୍ଦ ସାହୁ): ବୌଦ୍ଧ ଜିଲା କଣ୍ଟାମାଳ ବ୍ଲକ ଅଞ୍ଚଳରେ ମଧୁବାବୁ ପେନସନ, ବିଧବା ଓ ଭିନ୍ନକ୍ଷମ ଭତ୍ତା ପ୍ରଦାନରେ ବ୍ୟାପକ ଅନିୟମିତତା କରାଯାଇଥିବା ଅଭିଯୋଗ ହେଉଛି।...

ବିଶୃଙ୍ଗଳିତ ଆଚରଣ ପଡିଲା ମହଙ୍ଗା; ବାଧ୍ୟତାମୂଳକ ଅବସର ନେଲେ ଭିସୁଟ ପ୍ରଫେସର

ସମ୍ବଲପୁର,୨୯।୨: ଭିସୁଟ ସହକାରୀ ପ୍ରଫେସର ଡକ୍ଟର ଶିବ ପ୍ରସାଦ ପାଣିଗ୍ରାହୀଙ୍କୁ ଦିଆଯାଇଛି ବାଧ୍ୟତାମୂଳକ ଅବସର । କୂଳପତି ପ୍ରଫେସର ବଂଶୀଧର ମାଝୀଙ୍କ ନିର୍ଦ୍ଦେଶ କ୍ରମରେ ରେଜିଷ୍ଟାର...

ପ୍ରଣବ ପ୍ରକାଶଙ୍କୁ ଭେଟିଲେ ବିଜେଡି ପ୍ରତିନିଧି

ଲୋଇସିଂହା,୨୯।୨(ସୁଶାନ୍ତ ବାରିକ): ନିକଟରେ ରାଜ୍ୟ ସରକାର ୩୫ଟି ନୂତନ ଏନଏସି ଘୋଷଣା କରିଛନ୍ତି। ହେଲେ ପ୍ରସ୍ତାବିତ ଲୋଇସିଂହା ନାମ ଘୋଷଣା ହୋଇନାହିଁ । ଏହାକୁ ନେଇ...

ବରିଷ୍ଠ କିରାଣିଙ୍କୁ ଧରିଲା ଭିଜିଲାନ୍ସ, ଟଙ୍କା ନେଉଥିବାବେଳେ ରେଡ୍‌ ହ୍ୟାଣ୍ଡେଡ ଗିରଫ

ରାଉରକେଲା,୨୯।୨: ଭିଜିଲାନ୍ସ ଜାଲରେ ଇଏସଆଇ ମେଡିକାଲ ଡିସପେନସରୀ ବରିଷ୍ଠ କିରାଣି ଅଭିରାମ ସାହୁ। ଜେଲ୍‌ ରୋଡ୍‌ କିରାଣି ଧରାପଡିଛନ୍ତି। ବିଲ୍‌ ପାସ୍‌ କରିବାକୁ ୧୦ହଜାର ଟଙ୍କା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri