ମହାକାଳପଡା,୮।୧୦(ଡି.ଏନ.ଏ): କେନ୍ଦ୍ରାପଡା ଜିଲା ମହାକାଳପଡା ବ୍ଲକ ସ୍ଥାନୀୟ ମହାନଦୀ ଶାଖା ଟୁବି ଗଳିଆ ନଦୀରେ ଏକ ଅଘଟଣ ଘଟିଛି। ମାଛ ଧରା ଡଙ୍ଗାରୁ ଅସାବଧନତାବଶତଃ ଜଣେ ମତ୍ସ୍ୟଜୀବୀଙ୍କ ଗୋଡ ଖସିଯିବାରୁ ସେ ନଦୀରେ ଗଳି ପଡି ନିଖୋଜ ଥିବା ଜଣାପଡିଛି। ଅଛନ୍ତି। ମିଳିଥିବା ସୂଚନା ଅନୁସାରେ ଛପାଲୀ ଅଞ୍ଚଳର ଜନୈକ ମତ୍ସ୍ୟଜୀବୀ ବତୀଘର ଟୁବି ଅଞ୍ଚଳର ଏକ ବୋଟ୍ରେ କାମ କରୁଥିଲେ। ଗୁରୁବାର ସକାଳେ ସେ ମାଛ ଧରା ଡଙ୍ଗାରେ ଯାଉଥିବାବେଳେ ହଠାତ୍ ତାଙ୍କ ଗୋଡ ଖସିଯିବାରୁ ସେ ନଦୀ ଭିତରେ ଗଳିପଡିଥିଲେ। ଖବର ପାଇ ମହାକାଳପଡା ଅଗ୍ନିଶମ କର୍ମଚାରୀ ପହଞ୍ଚି ଖୋଜାଖୋଜି କରୁଥିଲେ ମଧ୍ୟ ଏପର୍ଯ୍ୟନ୍ତ ତାଙ୍କ ପତ୍ତା ମିଳିପାରି ନାହିଁ।
