ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀ ସୋସିଆଲ ମିଡିଆରେ ବେଶ୍ ସକ୍ରିୟ। ନିଜ ପ୍ରାଠସକଙ୍କ ସହ ସେ ଫଟୋ ଏବଂ ଭିଡିଓ ଶେୟାର କରିଚନ୍ତି। ନିକଟରେ ‘ସୁପର ଡାନ୍ସର୍ ୪’ର ଜଜ ଭୂମିକାରେ ଥିବା ଶିଳ୍ପା ନିଜ ବିଷୟରେ ଏକ ଖୁଲାସା କରିଛନ୍ତି। ସେ କହିଛନ୍ତି ଯେ, ଆଜି ବି ତାଙ୍କୁ ତାଙ୍କ ଶାଶୁ, ଶ୍ୱଶୁର ଏବଂ ମା’ଙ୍କଠାରୁ ଗାଳି ପଡିଥାଏ। ଏହାର କାରଣ ବି ଶିଳ୍ପା କହିଛନ୍ତି। ଜଣେ ପ୍ରତିଯୋଗୀଙ୍କ ଅଭିନୟ ପରେ ଶୋ’ ଅନ୍ୟ ଜଜ୍ ଗୀତା କପୁର ସମ୍ପୃକ୍ତ ପ୍ରତିଯୋଗୀଙ୍କ ନୃତ୍ୟ ପସନ୍ଦ ଆସି ନ ଥିଲା। କିନ୍ତୁ ଶିଳ୍ପଙ୍କୁ ତାଙ୍କ ନୃତ୍ୟ ପସନ୍ଦ ଆସିଥିଲା। ସେ କହିଥିଲେ ଯେ ବେଳେବେଳେ ମୁଁ ଅନୁଭବ କରେ ଯେ ଆମେ ପିଲାଙ୍କୁ ଅଧିକ ବିଚାର କରୁ। କିନ୍ତୁ ତାଙ୍କ ପ୍ରତିଭାକୁ ଆମେ ଅଣଦେଖା କରିବା ଉଚିତ୍ ନୁହେଁ। ଏହି ପିଲାମାନେ ବେଳେବେଳେ ଏହି ନୃତ୍ୟକୁ ଖୁବ କମ ସମୟ ମଧ୍ୟରେ ପ୍ରସ୍ତୁତ କରନ୍ତି। ବେଳେବେଳେ ଏହି କାରଣରୁ ମୋତେ ମୋ ଶାଶୁ, ଶ୍ୱଶୁର ଏବଂ ମା’ ମୋତେ ଗାଳି ଦିଅନ୍ତି। ମୁଁ ମୋ ପିଲାଙ୍କ ପ୍ରଦର୍ଶନରେ ମଧ୍ୟ ତ୍ରୁଟି ବାହାର କରେ। କିନ୍ତୁ ମୋ ମୋ ଶାଶୁ, ଶ୍ୱଶୁର ଏବଂ ମା’ ଭାବନ୍ତି ପିଲାମାନଙ୍କର ପ୍ରଦର୍ଶନ ବହୁତ ଭଲ ଏବଂ ଆମେ ସେମାନଙ୍କୁ ଭୁଲ କହୁଛୁ। ମୋତେ ସବୁବେଳେ କୁହାଯାଏ ଯେ ତୁମେ କେତେ ଭଲ କରିଛ, ତୁମେ ଏପରି କଥା କାହିଁକି ପିଲାଙ୍କୁ କହିଲ?। ଖୁବ୍ଶୀଘ୍ର ଶିଳ୍ପା ତାଙ୍କର ବହୁ ପ୍ରତୀକ୍ଷିତ ଫିଲ୍ମ ‘ହଙ୍ଗାମା ୨’ରେ ନଜର ଆସିବେ। ଏହି ଫିଲ୍ମ ଡିଜ୍ନୀ + ହଟଷ୍ଟାରରେ ମୁକ୍ତିଲାଭ କରିବାକୁ ଯାଉଛି।
