ମଞ୍ଚମୁହାଁ କଳାକାର

ଭୁବନ, ୬।୨(ଡି.ଏନ.ଏ.)

ଖୋଲିଲାଣି ଆଖଡ଼ା ଶାଳା। ସଂଳାପରେ କମ୍ପୁଛି ପରିବେଶ। କଟକଣା କୋହଳ ପରେ ମଞ୍ଚମୁହାଁ କଳାକାର। ଯାତ୍ରାଜଗତ ପାଇଁ ନୂତନ ବର୍ଷ ନୂଆ ଆଶା ଆଣିଦେଇଥିବାବେଳେ କରୋନା ପ୍ରହାରରେ ଧରାଶାୟୀ କଳାଜଗତ ଅଣ୍ଟାସଳଖି ଠିଆ ହେବାକୁ ପୁଣି ଥରେ ଆରମ୍ଭ କରିଛି ଉଦ୍ୟମ।
କଳା ଏବଂ କଳାକାର ଗଁା ହେଉଛି ଢେଙ୍କାନାଳ ଜିଲାର ଭୁବନ। ଏହି ମାଟିରେ ଜନ୍ମିତ ଅନେକ ଅଭିନେତା ଚମକିଛନ୍ତି ରୂପେଲି ପରଦାରେ। ଯାତ୍ରା ମଞ୍ଚରେ ଦେଖାଇଛନ୍ତି ସେମାନଙ୍କ ଅଭିନୟର ଚାତୁରି। ସାଉଁଟିଛନ୍ତି ଅଜସ୍ର ପ୍ରଶଂସା। ହେଲେ କରୋନା ମାଡ଼ରେ ପାଖାପାଖି ୧୦ ମାସ ଧରି ଦୋହଲି ଯାଇଥିଲା ସମଗ୍ର କଳାଜଗତ। ଲକ୍‌ଡାଉନ୍‌, ଶଟ୍‌ଡାଉନ୍‌ ଭିତରେ ଅନ୍ଧାର ହୋଇଯାଇଥିଲା ମଞ୍ଚ। ପେଣ୍ଡାଲ-ଯାତ୍ରାପ୍ରେମୀଙ୍କ ମଧ୍ୟରେ ଦୀର୍ଘ ଦୂରତା ସୃଷ୍ଟି ହୋଇଯାଇଥିବାବେଳେ ରୋଜଗାର ହରାଇ ବାଟବଣା ହୋଇଯାଇଥିଲେ କଳାକାର। ଅଭିନୟରୁ ଦୂରେଇ ରହିବା ପରେ ଅନେକେ ଆପଣାଇଥିଲେ ଭିନ୍ନ ପେସା। ଗୁରୁଗମ୍ଭୀର ସ୍ବରରେ ମଞ୍ଚକୁ ଥରାଉଥିବା ଯାତ୍ରାଜଗତର ଅନ୍ୟତମ ଖଳନାୟକ ଜ୍ଞାନରଞ୍ଜନ ସାହୁ ଓ୍ବେଲ୍ଡିଂ ଓ୍ବାର୍କଶପ୍‌ରେ ଭାଗ୍ୟ ପରୀକ୍ଷା କରିଥିଲେ। ସେହିପରି ଅନ୍ୟତମ ଚରିତ୍ର ଅଭିନେତା ଅଭିମନ୍ୟୁ ସାହୁ ଜୀବିକାର୍ଜନରେ ଘର ଲୋକଙ୍କୁ ସହାୟତା କରିଥିଲେ। ସେହିପରି ହାତରେ କାମ ନ ଥିବାରୁ ନିର୍ଦ୍ଦେଶକ, ସହକର୍ମୀ, ଯାତ୍ରା ମାଲିକ ହାତବାନ୍ଧି ବସିଥିଲେ।
ଦୀର୍ଘଦିନର ଅପେକ୍ଷା ପରେ ଫେବୃୟାରୀ ଗାଇଡ୍‌ ଲାଇନ୍‌ରେ ଯାତ୍ରା ପରିବେଷଣକୁ ସବୁଜ ସଙ୍କେତ ଦେଇଛନ୍ତି ସରକାର। ତେବେ ଏଥିଲାଗି ଗାଇଡ୍‌ ଲାଇନ ପାଳନକୁ ବାଧ୍ୟତାମୂଳକ କରାଯାଇଛି। ଦର୍ଶକ ସଂଖ୍ୟା, ସାମାଜିକ ଦୂରତ୍ୱ ନିୟମ, ହାତ ସାନିଟାଇଜେଶନକୁ ଗୁରୁତ୍ୱ ଦେଇ ଯାତ୍ରା ପରିବେଷଣ କରାଯାଇପାରିବ ବୋଲି ଏଥିରେ ଉଲ୍ଲେଖ ରହିଛି। ଯାତ୍ରା ପରିବେଷଣ ଲାଗି ସ୍ଥାନୀୟ କର୍ତ୍ତୃପକ୍ଷଙ୍କ ଅନୁମତି ଆଣିବାକୁ ପଡ଼ିବ। ଅପରପକ୍ଷେ ଯାତ୍ରା ସାଧାରଣତଃ ଘେରାବନ୍ଦୀ କରି ପରିବେଷିତ ହୋଇଥାଏ। ଏପରିସ୍ଥଳେ ସର୍ବାଧିକ ୫୦୦ ଜଣ ଦର୍ଶକଙ୍କୁ ଅନୁମତି ମିଳିପାରିବ। ହେଲେ ଏହା ଯାତ୍ରା ପାର୍ଟି ମାଲିକଙ୍କ ମୁଣ୍ଡବ୍ୟଥା ବଢ଼ାଇଛି। ଦୀର୍ଘଦିନ ପରେ ଯାତ୍ରା ପରିବେଷଣ ହେବାକୁ ଥିବାବେଳେ ଏହାକୁ ନେଇ କଳାପ୍ରେମୀଙ୍କ ମଧ୍ୟରେ ଉତ୍ସାହ ରହିବା ସ୍ବାଭାବିକ। ଏପରିସ୍ଥଳେ କଟକଣା ନୂଆ ସମସ୍ୟା ସୃଷ୍ଟି କରିଛି। ଆଗାମୀ ଦିନରେ ଖଣ୍ଡଗିରି ମାଘ ମେଳା ସମେତ ବିଭିନ୍ନ ପର୍ବପର୍ବାଣି ଆସୁଛି, ଯାହା ଯାତ୍ରା ପରିବେଷଣ ପାଇଁ ଏକ ସୁଯୋଗ। ହେଲେ ସରକାରୀ ଗାଇଡ୍‌ ଲାଇନ୍‌ ଏଥିରେ ଅଡୁଆ ପରିସ୍ଥିତି ସୃଷ୍ଟି କରିଛି। ଏ ଦିଗରେ ସରକାର ପୁନର୍ବିଚାର କରି ନିୟମ ଆଉଟିକେ କୋହଳ କରିବାକୁ କଳାକାରମାନେ ଦାବି କରିଛନ୍ତି।

ନୂଆବର୍ଷ ନୂଆ ଆଶା ଆଣିଛି
କରୋନା ପାଇଁ ଗୋଟିଏ ବର୍ଷ ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଗୃହବନ୍ଦୀ ଜୀବନ ସମସ୍ତ ଭାବନାକୁ ପଣ୍ଡ କରି ଦେଇଥିଲା। ମଞ୍ଚରେ ପରଦା ପଡ଼ିବା ପରେ ଏହାକୁ ନେଇ ବଞ୍ଚୁଥିବା ସମସ୍ତ କଳାକାର, ନିର୍ଦ୍ଦେଶକ, କର୍ମକର୍ତ୍ତା, ମାଲିକ ଚିନ୍ତାରେ ପଡ଼ିଯାଇଥିଲେ। ନୂଆ ବର୍ଷ ନୂଆ ଆଶା ଆଣିଛି। ଚଳିତ ବର୍ଷ ୪ ନାଟକ ଲେଖାସରିଛି। ୨ଟି ଯାତ୍ରା ଅନୁଷ୍ଠାନରେ ନିର୍ଦ୍ଦେଶନା ଦେବାକୁ ନିଷ୍ପତ୍ତି ସରିଛି। ସରକାରଙ୍କ ଗାଇଡ୍‌ ଲାଇନ କେତେଦୂର ଫଳପ୍ରଦ ହେଉଛି ତାହା ଦେଖିବାକୁ ବାକି ରହିଲା।
-ଗୁରୁପ୍ରସାଦ ମିଶ୍ର, ଯାତ୍ରା ନିର୍ଦ୍ଦେଶକ
ଗାଇଡ୍‌ ଲାଇନ୍‌ରେ ଯାତ୍ରା ପରିବେଷଣ କଷ୍ଟକର
କରୋନା ମହାମାରୀ କଳାକାରଙ୍କୁ ଦିଗହରା କରିଦେଇଥିଲା। ଫେବୃୟାରୀ ଗାଇଡ୍‌ ଲାଇନ୍‌ରେ ସରକାର କଟକଣା ମଧ୍ୟରେ ଯାତ୍ରା ପରିବେଷଣ କରିବାକୁ ଅନୁମତି ଦେଇଛନ୍ତି। ଏହାପରେ ପୁଣିଥରେ ଆଖଡ଼ା ଆରମ୍ଭ ହୋଇଛି। ବର୍ଷକର ଦୁଃଖ ଦୂର ହୋଇଗଲା ଭଳି ଲାଗୁଛି। ହେଲେ ସରକାରୀ ଗାଇଡ୍‌ ଲାଇନ ପାଳନ କରି ଯାତ୍ରା ପରିବେଷଣ କରିବା କଷ୍ଟକର। ଏବେ ଅଧିକାଂଶ କ୍ଷେତ୍ର ଖୋଲିଲାଣି। ତେଣୁ ଯାତ୍ରା କ୍ଷେତ୍ରକୁ ଅଧିକ କୋହଳ କରାଯିବା ଉଚିତ।
-ଜ୍ଞାନରଞ୍ଜନ ସାହୁ, ଯାତ୍ରା ଅଭିନେତା
କୋଲକାତା ଭଳି ନିୟମ ଲାଗୁ ହେଉ
୮ବର୍ଷ ହେଲା ଯାତ୍ରା ଅଭିନୟ ସହିତ ଜଡ଼ିତ। ୨୦୨୦ ବର୍ଷରେ କରୋନା ଦେଇଥିବା ଯନ୍ତ୍ରଣା ସାରା ଜୀବନ ଅପାସୋରା ହୋଇ ରହିବ। ଆଖଡ଼ାରେ ଅଭ୍ୟାସ ଆରମ୍ଭ ହୋଇଛି। ଏବେ ବି ଅନେକ କଳାକାର କାମ ଅପେକ୍ଷାରେ ଅଛନ୍ତି। ଫେବୃୟାରୀ ଗାଇଡ୍‌ ଲାଇନ ଯଦିଓ ମନରେ ଆଶ୍ୱସ୍ତି ଆଣିଛି, ତଥାପି ଏଥିରେ ସମସ୍ୟା ଦୂର ହେବନାହିଁ। କୋଲକାତାରେ ଖୋଲାମଞ୍ଚରେ ଯାତ୍ରା ପରିବେଷଣ ହେଉଛି। ରାଜ୍ୟ ସରକାରଙ୍କ ନୀତି ଯାତ୍ରା ଆୟରେ ବାଧକ ସୃଷ୍ଟି କରିବା ଆଶଙ୍କା ରହିଛି।
-ଅଭିମନ୍ୟୁ ସାହୁ, ଯାତ୍ରା ଅଭିନେତା
ସରକାରୀ ନିଷ୍ପତ୍ତି ସ୍ବାଗତଯୋଗ୍ୟ
ଅଭିନୟ ପ୍ରତି ରହିଥିବା ଆଗ୍ରହ ମୋ ଭଳି ଜଣେ କମ୍ପ୍ୟୁଟର ବିଜ୍ଞାନ ଛାତ୍ରକୁ ଯାତ୍ରା ଜଗତକୁ ଟାଣି ଆଣିଲା। ନୂଆ ନୂଆ ମଞ୍ଚରେ ପାଦ ରଖିବାର ସୁଯୋଗ ମିଳିଥିବାରୁ ଖୁସି ଲାଗୁଛି। କରୋନା ମହାମାରୀରେ ସବୁକ୍ଷେତ୍ର ପ୍ରଭାବିତ ହୋଇଥିବାବେଳେ ଯାତ୍ରା ଜଗତ ସମ୍ପୂର୍ଣ୍ଣ ଧରାଶାୟୀ ହୋଇପଡ଼ିଥିଲା। କରୋନା ପ୍ରଭାବ କମିବା ପରେ ରାଜ୍ୟ ସରକାର ଯାତ୍ରା ପରିବେଷଣ ପାଇଁ ଅନୁମତି ଦେବା ସ୍ବାଗତଯୋଗ୍ୟ। ନୂଆ ବର୍ଷ ନୂଆ ଆଶା ଆଣିଛି। ଏଥିରେ ସଫଳ ହେବି ବୋଲି ଆଶା ରହିଛି।
-ଲିପୁନ ଚିନ୍ନାରା, ଯାତ୍ରା ଅଭିନେତା


Enter your email to get our daily news in your inbox.

All Right Reserved By Dharitri.Com

ନିଷିଦ୍ଧାଞ୍ଚଳରେ କୋର୍ଟ ବନ୍ଦ ନିଷ୍ପତ୍ତି ନେବେ ଜିଲାଜଜ୍‌

କଟକ ଅଫିସ,୨୩ା୭: ଯାଜପୁର, କଟକ, ଖୋର୍ଦ୍ଧା, ଗଞ୍ଜାମ ଜିଲା ଓ ରାଉରକେଲା ପୌରାଞ୍ଚଳରେ ଜୁଲାଇ ୩୧ ଯାଏ ଲକ୍‌ଡାଉନ ଘୋଷଣା ହୋଇଛି। ପରେ ଅନ୍ୟ କିଛି...

କେନ୍ଦ୍ରାପଡ଼ାରେ ଭୋଟ ଗଣତି ଆରମ୍ଭ

କେନ୍ଦ୍ରାପଡ଼ା ଅଫିସ,୨୩ା୫ : କେନ୍ଦ୍ରାପଡ଼ା ଲୋକସଭା ଓ ଏହାର ୪ଟି ବିଧାନସଭା (କେନ୍ଦ୍ରାପଡା, ରାଜନଗର, ଆଳି ଓ ମହାକାଳପଡ଼ା) ନିର୍ବାଚନମଣ୍ଡଳୀର ଭୋଟ ଗଣତି ଗୁରୁବାର ସକାଳ...

କଲବଲ କରୁଛି ତାତି: ଆଜି ୪୪.୫ ଡିଗ୍ରୀ ସହ ରେକର୍ଡ କଲା ବୌଦ୍ଧ

ଭୁବନେଶ୍ୱର,୨୬ା୪(ବ୍ୟୁରୋ)- ସମଗ୍ର ରାଜ୍ୟକୁ କଲବଲ କରୁଛି ତାତି। ମଙ୍ଗଳବାର ରାଜ୍ୟର ୨୪ଟି ସ୍ଥାନରେ ସର୍ବୋଚ୍ଚ ତାପମାତ୍ରା ୪୦ ଡିଗ୍ରୀ ସେଲ୍‌ସିୟସ ରହିଛି। ସେଥିରୁ ୧୪ଟି ସ୍ଥାନରେ...

ସପ୍ତଶଯ୍ୟା ମହୋତ୍ସବ ଉଦ୍‌ଘାଟିତ: ‘ସହଯୋଗ ମିଳିଲେ ଆଗକୁ ବଢ଼ିବ ସଂସ୍କୃତି’

ଢେଙ୍କାନାଳ ଅଫିସ, ୧୧ା୧୧: ଢେଙ୍କାନାଳ ମାଟିର ଐତିହ୍ୟ ଯେତିକି ମହାନ୍‌ ସେତିକି ଗରିମାମୟ ଏହାର ସଂସ୍କୃତି। ଏଠାକାର ସାଂସ୍କୃତିକ ଅନୁଷ୍ଠାନଗୁଡ଼ିକ ପରମ୍ପରାକୁ ଶୀର୍ଷସ୍ଥାନ ଦେବାକୁ ଯେଉଁ ଉଦ୍ୟମ...

ଆଜି ଛତିଶା ନିଯୋଗ ବୈଠକ

ପୁରୀ ଅଫିସ, ୪ା୩:  ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ବୁଧବାର ଛତିଶା ନିଯୋଗ ବୈଠକ ଅନୁଷ୍ଠିତ ହେବ। ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ. କ୍ରିଷନ କୁମାରଙ୍କ ଅଧ୍ୟକ୍ଷତାରେ...

ଥାନାରେ ନାବାଳିକାଙ୍କୁ ରଖି ବଳାତ୍କାର ମାମଲା: କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଲେ ଡିଜିପି

କଟକ ଅଫିସ,୩୦।୬: ସୁନ୍ଦରଗଡ଼ ଜିଲା ବୀରମିତ୍ରପୁର ଥାନାରେ ଜଣେ ନାବାଳିକାଙ୍କୁ ରଖି ଥାନା ଅଧିକାରୀ ବଳାତ୍କାର କରିବା ଅଭିଯୋଗର କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଛନ୍ତି ରାଜ୍ୟ...

ଶ୍ରୀନଗର ବିମାନବନ୍ଦରରେ ୟେଚୁରୀ, ଡି.ରାଜାଙ୍କୁ ଅଟକ ପ୍ରସଙ୍ଗ: ଓଡ଼ିଶା ରାଜ୍ୟ କମିଟିର ପ୍ରତିବାଦ

ଭୁବନେଶ୍ୱର,୯।୮(ବ୍ୟୁରୋ): ସିପିଆଇ(ଏମ୍‌) ସାଧାରଣ ସମ୍ପାଦକ ସୀତାରାମ ୟେଚୁରୀ ଏବଂ ସିପିଆଇ ସାଧାରଣ ସମ୍ପାଦକ ଡି.ରାଜାଙ୍କୁ ଶ୍ରୀନଗର ବିମାନବନ୍ଦରରେ ଅଟକ ରଖିବାକୁ ବିରୋଧ କରିଛି ଦଳର ଓଡ଼ିଶା...

ବିଧାନସଭାର ୟୁଟ୍ୟୁବ୍‌ ଚ୍ୟାନେଲ ଆରମ୍ଭ, ଟିଭି ପାଇଁ ଚାଲିଛି ପ୍ରସ୍ତୁତି

ଭୁବନେଶ୍ୱର,୬ା୩(ବ୍ୟୁରୋ): ଓଡିଶା ବିଧାନସଭାର ୟୁଟ୍ୟୁବ୍‌ ଚ୍ୟାନେଲ ଆରମ୍ଭ ହୋଇଛି। ଶନିବାରଠାରୁ ଏହା ଆରମ୍ଭ ହୋଇଛି। ପରବର୍ତ୍ତୀ ସମୟରେ ବିଧାନସଭା ଟିଭି ମଧ୍ୟ ଆରମ୍ଭ ହେବ ବୋଲି...

Advertisement
Archives

Model This Week