ହାଟଡିହୀ,୨୦ା୪(ଡି.ଏନ୍.ଏ.): କେନ୍ଦୁଝର ଜିଲା ନନ୍ଦିପଦା ଥାନା ବଡ଼ରମ୍ପାସ ଗ୍ରାମଠାରୁ ଅନତି ଦୂରରେ ଅବସ୍ଥିତ କେନାଲ ନିକଟ ଏକ କୁକୁଡ଼ା ଫାର୍ମରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଜବତ ହୋଇଛି l ମୃତକଙ୍କ ବୟସ ପ୍ରାୟ ୩୦ ବର୍ଷ ହେବ ବୋଲି ଅନୁମାନ କରାଯାଉଛ। ବୁଧବାର ମଧ୍ୟାହ୍ନରେ କୁକୁଡ଼ା ଫାର୍ମ ମାଲିକ କୁକୁଡ଼ା ଫାର୍ମକୁ ଯାଇଥିଲେ। ଯୁବକଙ୍କ ମୃତଦେହ ଦେଖି ନନ୍ଦିପଦା ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି। ତେବେ ଯୁବକଙ୍କ ପେଟରେ ବିଦ୍ୟୁତ୍ତାର ଲାଗି କିଛି ଅଂଶ ପୋଡ଼ିଯାଇଥିବା ଏବଂ ପାଟିରୁ ରକ୍ତ ବାହାରିଥିବା ଦେଖାଯାଇଛି। କୁକୁଡ଼ା ଚୋରି କରିବାକୁ ଯାଇ ବିଦ୍ୟୁତତାର ସଂସ୍ପର୍ଶ ଆସି ବ୍ୟକ୍ତି ଜଣଙ୍କର ମୃତ୍ୟୁ ହୋଇଥିବା ସନ୍ଦେହ କରାଯାଉଛି।
