ଖୋର୍ଦ୍ଧା ଅଫିସ,୨।୧: ବିଦ୍ୟୁତ ଖୁଣ୍ଟିରେ ଝୁଲୁଛି ଯୁବକଙ୍କ ମୃତଦେହ। ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ଜଂକିଆ ଥାନା ଅନ୍ତର୍ଗତ ଛଣଗିରି ଗ୍ରାମରେ। ସେଇ ଗ୍ରାମର ଯାତ୍ରା ପଡିଆରେ ଥିବା ୧୧କେଭି ବିଦ୍ୟୁତ ତାର ଲାଗି ଯୁବକଙ୍କ ଜୀବନ ଚାଲିଯାଇଛି। ମୃତକର ନାମ ସେକ କୁନା। ତାଙ୍କ ଘର ଛଣଗିରି ଗ୍ରାମରେ ବୋଲି ଜଣାପଡିଛି। ସେକ କୁନାଙ୍କ ନାଁରେ ପୂର୍ବରୁ ବିଭିନ୍ନ ଚୋରି, ଡକାୟତି, କାରବାର ଆଦି ଅପରାଧିକ ଘଟରାରେ ଥାନାରେ ଅଭିଯୋଗ ରହିଛି।
ସେକ କୁନା ବିଦ୍ୟୁତ ତାର ଚୋରି ଉଦ୍ଦେଶ୍ୟରେ ୧୧ କେଭି ଖୁଣ୍ଟରେ ଚଢି ଚୋରି କରୁଥିବାବେଳେ ଏଭଳି ଘଟଣା ଘଟିଥିବା ସ୍ଥାନୀୟ ଅଞ୍ଚଳରେ କୁହାଯାଉଛି। ଖବର ପାଇ ଘଟଣାସ୍ଥଳକୁ ବିଦ୍ୟୁତ ବିଭାଗ କର୍ମଚାରୀ ଏବଂ ପୋଲିସ ଟିମ ପହଞ୍ଚି ତଦନ୍ତ କରୁଛନ୍ତି। ତେବେ ଚୋରି ଉଦ୍ଦେଶ୍ୟରେ କି ଅନ୍ୟ କେଉଁ କାରଣ ପାଇଁ ସେ ଚଢିଥିଲେ ତାର ତଦନ୍ତ ପୋଲିସ ଚକାଇଛି। ଯଦି ଚୋରି ଉଦ୍ଦେଶ୍ୟରେ ଏହା ଘଟିଥାଏ, ତେବେ ତାଙ୍କ ସହ ଅନ୍ୟ କିଏ କିଏ ଥିଲେ ତାହା ତଦନ୍ତ ସାପେକ୍ଷ।
