ଗୁପ୍ଚୁପ୍ ଏମିତି ଏକ ପାଟି ସୁଆଦିଆ ଜିନିଷ ଯାହାକୁ ଅଧିକାଂଶ ଲୋକ ମଜାର ସହିତ ଖାଇବାକୁ ପସନ୍ଦ କରିଥାନ୍ତି। ମହିଳା ହୁଅନ୍ତି କି ପୁରୁଷ, ସମସ୍ତେ ପ୍ରାୟ ଗୁପ୍ଚୁପ୍ ଖାଇଥାନ୍ତି। କିନ୍ତୁ ମହିଳାମାନଙ୍କର ସବୁଠାରୁ ବଡ଼ ଦୁର୍ବଳତା ହେଉଛି ମସଲାଯୁକ୍ତ ଗୁପ୍ଚୁପ୍। ଗୁପ୍ଚୁପ୍ ଦେଖିଲେ ସେମାନଙ୍କ ପାଟିରୁ ଲାଳ ଗଡ଼ିଆସେ। କିନ୍ତୁ ଏହା କେବଳ ମଣିଷମାନଙ୍କ କ୍ଷେତ୍ରରେ ନୁହେଁ, ଏପରି ଅନେକ ପ୍ରାଣୀ ଅଛନ୍ତି, ଯେଉଁମାନେ ଗୁପ୍ଚୁପ୍ ଦେଖିବା ପରେ ନିଜକୁ ଅଟକାଇ ପାରନ୍ତି ନାହିଁ। ସେହିଭଳି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓରେ ଗୋଟିଏ ଗାଈ ଏବଂ ବାଛୁରୀ ଏକାଠି ଗୁପ୍ଚୁପ୍ ଖାଉଥିବା ଦେଖିବାକୁ ମିଳିଛି। ଗାଈ-ବାଛୁରୀଙ୍କ ଗୁପ୍ଚୁପ୍ ଖିଆ ଦେଖି ଡେପୁଟି କଲେକ୍ଟର ସଞ୍ଜୟ କୁମାର ଭିଡିଓଟିକୁ ତାଙ୍କ ଟୁଇଟର ପେଜ୍ରେ ଶେୟାର କରିଛନ୍ତି।
मां-बेटी साथ हों और गोलगप्पे की दुकान हो..
फिर कहना ही क्या 💕#MotherDaughter #Respectfully #beautiful pic.twitter.com/KnLjiR1lfs— Sanjay Kumar, Dy. Collector (@dc_sanjay_jas) September 25, 2022
ଗାଈ-ବାଛୁରୀ ଏକ ଗୁପ୍ଚୁପ୍ ଠେଲା ପାଖରେ ଠିଆ ହୋଇ ଗୋଟିଏ ପରେ ଗୋଟିଏ ଗୁପ୍ଚୁପ୍ ବେଶ୍ ଆନନ୍ଦର ସହ ଖାଉଛନ୍ତି। ଏହା ଦେଖି ଲୋକମାନେ ମଧ୍ୟ ଖୁସି ହୋଇଛନ୍ତି।
ଏହି ଭିଡିଓକୁ ୧.୮୦ ଲକ୍ଷରୁ ଅଧିକ ଲୋକ ଦେଖିସାରିଲେଣି। ୮ ହଜାରରୁ ଅଧିକ ଲୋକ ଲାଇକ୍ ବି କରିଛନ୍ତି। ଜଣେ ୟୁଜର କହିଛନ୍ତି, କାହା ବାଡ଼ିରେ ପଶି ଖାଇବା ଅପେକ୍ଷା ଗୁପ୍ଚୁପ୍ ଖାଇବା ଭଲ। ସେହିପରି ଆଉ ଜଣେ ୟୁଜର ଲେଖିଛନ୍ତି, ଘାସ, କୁଟା ଖାଇ ଖାଇ ବିରକ୍ତ ହୋଇଗଲେଣି। ତେଣୁ ଗୁପ୍ଚୁପ୍ର ମଜା ନେଉଛନ୍ତି।
