ବ୍ରହ୍ମପୁର ଅଫିସ,୨୭ା୧୨: ବ୍ରହ୍ମପୁର ବ୍ରହ୍ମାନଗରର ବହୁ ଚର୍ଚ୍ଚିତ ତପସ୍ବିନୀ ଏବଂ ସୁମିତଙ୍କ ପାରିବାରିକ ବିବାଦ ମାମଲାର ସୋମବାର ରାୟ ଶୁଣାଇବେ କୋର୍ଟ । ଦିନ ପରେ ଦିନ ଗଡ଼ି ଚାଲିଥିଲେ ମଧ୍ୟ ସାମାଧାନର ବାଟ ବାହାରି ପାରୁନାହିଁ।
ତେବେ ଆଜିର କୋର୍ଟ କେଉଁ ରାୟ ଦେଉଛନ୍ତି ତାହା ଦେଖିବାକୁ ବାକି ରହିଛି। ସପଟେ ସୁମିତଙ୍କ ଓକିଲଙ୍କ ବିରୋଧରେ ତପସ୍ବିନୀ ଆଣିଥିବା ଅଭିଯୋଗର ସ୍ପଷ୍ଟୀକରଣ ରଖିଛନ୍ତି ଆଇନଜୀବୀ ସୁରେନ୍ଦ୍ର ବେହେରା ସେ କହିଛନ୍ତି, ଗୃହବନ୍ଦୀରେ ଥିବା ସୁମିତଙ୍କ ପରିବାରକୁ ଭେଟିବା ସହ କିଛି ଦସ୍ତାବିଜରେ ଦସ୍ତଖତ ପାଇଁ ସହଯୋଗୀ ଓକିଲଙ୍କ ସହ ସେ ସୁମିତଙ୍କ ଘରକୁ ଯାଇଥିଲେ। ପୋଲିସ ସହୟତାରେ ସେ ପରିବାର ଲୋକଙ୍କୁ ଭେଟିଥିଲେ । ମାତ୍ର ତପସ୍ବିନୀ ଅଭିଯୋଗ କରିଥିଲେ ଯେ, ବିନା ଅନୁମତିରେ ସେ ରହୁଥିବା ସ୍ଥାନରେ ସୁମିତଙ୍କ ଓକିଲ ପଶିଥିଲେ। ତେବେ ଦେଖାଯାଉ ଆଜିର ରାୟ କାହା ସପକ୍ଷରେ ଯାଉଛି।
