ଆମେରିକାର ଏକ କମ୍ପାନୀ ଜଣେ ବ୍ୟକ୍ତିଙ୍କୁ ଚାକିରିରୁ ବାହାର କରିଦେଇଥିଲା। ଯେଉଁ ବ୍ୟକ୍ତିଙ୍କୁ ଚାକିରିରୁ ବାହାର କରିଦେଇଥିଲା ସେ ପୁଣି ନକଲି ନିଶ ଲଗାଇ ଇଣ୍ଟରଭ୍ୟୁ ପାଇଁ ପହଞ୍ଚିଥିଲେ। ଏଥିରେ ସେ ଚୟନ ବି ହୋଇଥିଲେ। ଏହି କଥା ଜଣାପଡ଼ିଥିଲା ଯେତେବେଳେ ବ୍ୟକ୍ତି ଜଣକ ନିଜେ ସୋସିଆଲ ମିଡିଆରେ ଖୁଲାସା କରିଥିଲେ।
@Firr ନାମକ ଏକ ଟୁଇଟର ଆକାଉଣ୍ଟରେ ବ୍ୟକ୍ତି ଜଣକ ନିଜ କାହାଣୀ ୟୁଜର୍ସମାନଙ୍କ ପାଇଁ ଶେୟାର କରିଛନ୍ତି। ସେ କହିଛନ୍ତି, ସେ ଯେଉଁ କର୍ମଚାରୀଙ୍କ ସାମ୍ନାରେ ଇଣ୍ଟରଭ୍ୟୁ ପାଇଁ ବସିଥିଲେ, ତାଙ୍କୁ କିଛିଦିନ ପୂର୍ବରୁ ଚାକିରିରୁ ବାହାର କରି ଦିଆଯାଇଥିଲା। ଏହି ବ୍ୟକ୍ତିଜଣକ କମ୍ପାନୀର ଏକ୍ସ ବସ୍ ଥିଲେ। ସେ ନିଜେ ତାଙ୍କର ଗେଟ୍ଅପ୍ ଚେଞ୍ଜ କରିଥିଲେ। ଏଥିପାଇଁ ସେ ନକଲି ନିଶ କିଣି ଲଗାଇଥିଲେ। ସମସ୍ତଙ୍କୁ ଚକ୍ମା ଦେଖାଇ ନିଜ ପରିଚୟ ଲୁଚାଇଥିଲେ। ଶେଷରେ ଏହି ଇଣ୍ଟରଭ୍ୟୁରେ ସେ ଚୟନ ହୋଇଥିଲେ।
ଏହା ପରେ ବ୍ୟକ୍ତିଜଣଙ୍କୁ ପ୍ରୋଗ୍ରାମର ଟିମ୍ ସହିତ ଦ୍ୱିତୀୟ ରାଉଣ୍ଡ ଇଣ୍ଟରଭ୍ୟୁ ପାଇଁ ପଠାଯାଇଥିଲା। ଯେଉଁଠି ସେ ପ୍ରଥମେ କାମ କରୁଥିଲେ। ତାଙ୍କ ମ୍ୟାନେଜର ତାଙ୍କୁ ଭଲ ଭାବେ ଜାଣିଥିଲେ। ଅନ୍ୟ କିଛି କର୍ମଚାରୀ ମଧ୍ୟ ତାଙ୍କୁ ଚିହ୍ନିଥିଲେ। ଆରମ୍ଭରୁ ଜାଣି ପାରି ନ ଥିଲେ ବି ପରବର୍ତ୍ତୀ ସମୟରେ ନିଶ କାଢ଼ି ଦେବାରୁ ସମସ୍ତେ ଜାଣି ପାରିଥିଲେ। ଏହି କଥା ମାଲିକଙ୍କ ନିକଟରେ ପହଞ୍ଚିଥିଲା। ଏହା ପରେ ଇଣ୍ଟରଭ୍ୟୁ ନେଉଥିବା ଟିମ୍ ଆଶ୍ଚର୍ଯ୍ୟ ହୋଇଥିଲେ।
ଏହି ଘଟଣା ପରେ ବ୍ୟକ୍ତିଜଣଙ୍କୁ କମ୍ପାନୀରୁ ବାହାର କରି ଦିଆଯାଇଛି। ତାଙ୍କୁ ଚାକିରି ଦିଆଗଲା ନାହିଁ। ଏହି କଥାରେ ବ୍ୟକ୍ତିଙ୍କର ଆଦୌ ଅବଶୋଷ ବି ନାହିଁ। କାରଣ ସେ କୁହନ୍ତି, ମୁଁ ସମସ୍ତଙ୍କୁ ଭକୁଆ ବନାଇଥିଲି। ଏବେ ପୁଣି ଚାକିରି ଖୋଜିବି।
