Odisha Elections 2024

ନୂଆ ରୂପ ନେବ କୋଇଲା ନଗରୀ

ଅନୁଗୋଳ ଅଫିସ, ୯ା୬
ଅମିତ କୁମାର ସାମଲ  –

କଳାହୀରାର ସହର ତାଳଚେରର ହେବ ନବକଳେବର। ନୂଆରୂପ ପାଇବ କୋଇଲା ନଗରୀ। ଆଖି ଝଲସାଇଦେଲା ଭଳି କରାଯିବ ସୌନ୍ଦର୍ଯ୍ୟକରଣ କାର୍ଯ୍ୟ। ହେଲ୍‌ଥ ସହ ହେରିଟେଜ୍‌ କରିଡର, ଅତ୍ୟାଧୁନିକ ଷ୍ଟାଡିୟମ, ପ୍ରଜାମଣ୍ଡଳ ଭବନର ପୁନରୁଦ୍ଧାର, ରାଣୀପାର୍କର ନବୀକରଣ ସହ କୋଲ୍‌ ମ୍ୟୁଜିୟମ୍‌ ବସ୍‌ଷ୍ଟାଣ୍ଡ ନିକଟରେ ନିର୍ମାଣ ହେବ। ଏ ନେଇ ମାଷ୍ଟର ପ୍ଲାନ୍‌ ପ୍ରସ୍ତୁତ କରିଛି ଅନୁଗୋଳ ଜିଲା ପ୍ରଶାସନ। ଖୁବ୍‌ଶୀଘ୍ର ଟେଣ୍ଡର ସହ ବର୍ଷକ ମଧ୍ୟରେ ଏସବୁ କାର୍ଯ୍ୟ ଶେଷ କରାଯିବାକୁ ଲକ୍ଷ୍ୟ ରଖାଯାଇଛି।

କୋଇଲା ଧୂଳି ଓ ଧୂଆଁରେ ପ୍ରଦୂଷିତ ହୋଇପଡ଼ୁଥିବା ତାଳଚେର ସହରର ଶୋଭା ବଢ଼ାଇବା ପାଇଁ ଅନୁଗୋଳ ଜିଲା ପ୍ରଶାସନ ପକ୍ଷରୁ ଡିଜାଇନ ପ୍ରସ୍ତୁତ ସରିଛି। ବିଶେଷକରି ରାଜବାଟି ରାସ୍ତାର ପୁନରୁଦ୍ଧାର କରାଯାଇ ଏହାକୁ ହେଲ୍‌ଥ ସହ ହେରିଟେଜ୍‌ କରିଡର କରାଯିବ। ପ୍ରାତଃ ଓ ସନ୍ଧ୍ୟା ଭ୍ରମଣ ବେଳେ ଥକ୍କା ମେଣ୍ଟାଇବାକୁ ଜୁସ୍‌ ଓ କଫି ଦୋକାନ ବ୍ୟବସ୍ଥା ହେବ। ପ୍ରବେଶ ପଥରେ ରାଜ ନଅର ମୁଖ୍ୟ ଦ୍ୱାର ପରି ଫାଟକ ନିର୍ମାଣ ହେବ। ସେଠାରେ ଥିବା ପାର୍କର ନବୀକରଣ କରାଯିବ। ରାସ୍ତା ପାର୍ଶ୍ୱ ପ୍ରାଚୀରରେ ତାଳଚେର ଇତିହାସର ଛାପ ଦିଆଯିବ। ଅନୁଗୋଳରେ ହେବାକୁ ଥିବା କୋଲ୍‌ ମ୍ୟୁଜିୟମ୍‌କୁ ତାଳଚେରରେ କରାଯିବ। କୋଇଲା ଆବିଷ୍କାର, ଉତ୍ପାଦନ ଓ ବ୍ୟବହାରର ସମସ୍ତ ବିବରଣୀ ଡିଜିଟାଲ ବ୍ୟବସ୍ଥାରେ ରଖାଯିବା ଦେଶର ପ୍ରଥମ ହେବ। ଏହା ପରିସରରେ ଆକର୍ଷଣୀୟ ପାଠାଗାର, ସ୍ମାର୍ଟ ପାର୍କ ନିର୍ମାଣ କରାଯିବ। କ୍ରୀଡ଼ାବିତ୍‌ଙ୍କ ପାଇଁ ଏକ ଅତ୍ୟାଧୁନିକ ଷ୍ଟାଡିୟମ କରାଯିବ। ଗୋଟିଏ ଛାତ ତଳେ ଯେପରି ଏକାଧିକ କ୍ରୀଡ଼ା ଆୟୋଜନ ହୋଇପାରିବ, ସେ ନେଇ ସମସ୍ତ ବ୍ୟବସ୍ଥା ରହିବ। ଆବଶ୍ୟକ ପଡ଼ିଲେ ଭୁବନେଶ୍ୱରର କଳିଙ୍ଗ ଷ୍ଟାଡିୟମ ଭଳି ସିନ୍ଥେଟିକ୍‌ କୋର୍ଟ କରାଯିବ। ପ୍ରଜାମଣ୍ଡଳ ସ୍ମୃତି ବହନ କରୁଥିବା ପ୍ରଜାମଣ୍ଡଳ ଭବନର ପୁନରୁଦ୍ଧାର କରାଯିବ। ରାଣୀପାର୍କ ପାଚେରି ବୁଲା କାର୍ଯ୍ୟ ଶେଷ ହେବା ପରେ ଏହାର ନବୀକରଣ ସମ୍ପନ୍ନ ହେବ। ଏହି ସମସ୍ତ ପ୍ରକଳ୍ପ ଗୋଟିଏ ବର୍ଷ ମଧ୍ୟରେ ଶେଷ କରିବାକୁ ଜିଲା ପ୍ରଶାସନ ପକ୍ଷରୁ ଲକ୍ଷ୍ୟ ରଖାଯାଇଛି।
କୃତଜ୍ଞତା ଜଣାଇଲେ ରାଜା, ପରିବାର
ଅନୁଗୋଳ ଜିଲା ପ୍ରଶାସନ ଉଦ୍ୟମରେ ତାଳଚେର ରାଜବାଟି ରାସ୍ତାକୁ ହେରିଟେଜ କରିଡର କରାଯାଉଛି। ଏହି ସୌନ୍ଦର୍ଯ୍ୟକରଣ କାର୍ଯ୍ୟରେ ରାଜ ନଅର ସମ୍ମୁଖ ସିଂହଦ୍ୱାରର ଡିଜାଇନକୁ ସାମିଲ କରାଯାଇଛି। ଏହା ରାଜାରାଜୁଡ଼ା ସମୟର ଗୌରବମୟ ଅତୀତକୁ ଭବିଷ୍ୟତ ପିଢ଼ି ନିକଟରେ ପହଞ୍ଚାଇବାରେ ସହାୟକ ହେବ। ଏଥିସହ ରାଜ୍ୟ ପର୍ଯ୍ୟଟନ ମାନଚିତ୍ରରେ ପ୍ରମୁଖ ସ୍ଥାନ ଗ୍ରହଣ କରିବାର ଆଶା ଥିବାରୁ ତାଳଚେର ରାଜା ରାଜେନ୍ଦ୍ର ଚନ୍ଦ୍ର ଦେବ ଓ ତାଙ୍କ ପରିବାର କୃତଜ୍ଞତା ପ୍ରକାଶ କରିଛନ୍ତି।
ସହଯୋଗ ମିଳିଲେ କାର୍ଯ୍ୟ ସହଜ ହେବ
ତାଳଚେର ସହରର କିଭଳି ସୌନ୍ଦର୍ଯ୍ୟକରଣ କରାଯିବ, ତାହାର ନକ୍ସା ପ୍ରସ୍ତୁତ ହୋଇଛି। ଚଳିତ ଆର୍ଥିକ ବର୍ଷରେ ତାଳଚେରବାସୀଙ୍କ ପାଇଁ ୫ଟି ପ୍ରମୁଖ କାର୍ଯ୍ୟ ଜିଲା ପ୍ରଶାସନ ପକ୍ଷରୁ କରାଯିବ। ଏହା ସମ୍ପୂର୍ଣ୍ଣ ହେଲେ ସହରର ରୂପରେଖ ସମ୍ପୂର୍ଣ୍ଣ ବଦଳିଯିବ। ଲୋକମାନେ ପ୍ରଶାସନକୁ ସହଯୋଗର ହାତ ବଢ଼ାଇଲେ ସମସ୍ତ କାର୍ଯ୍ୟ ସହଜରେ ହୋଇପାରିବ।
-ସିଦ୍ଧାର୍ଥ ଶଙ୍କର ସ୍ବାଇଁ, ଜିଲାପାଳ, ଅନୁଗୋଳ
ତାଳଚେରର ମାନ ବଢ଼ିବ
ସହରର ସୌନ୍ଦର୍ଯ୍ୟକରଣ ସମ୍ପନ୍ନ ହେଲେ ତାଳଚେର ମାନ ବୃଦ୍ଧିପାଇବ। ନୂଆ ରୂପରେ ଐତିହ୍ୟ ଲୋକଲୋଚନକୁ ଆସିବ। କ୍ରୀଡ଼ାବିତ୍‌ମାନେ ଆଗକୁ ବଢ଼ିବାକୁ ଅତ୍ୟାଧୁନିକ ପ୍ଲାଟଫର୍ମ ପାଇବେ। ତାଳଚେରକୁ ନେଇ ଲୋକଙ୍କ ମନରେ ଥିବା ଧୂଳି, ଧୂଆଁର ଭ୍ରମ ଦୂର ହୋଇପାରିବ।
-ରଶ୍ମିରେଖା ଅମାନ୍ତ, ପୌର ନିର୍ବାହୀ ଅଧିକାରୀ, ତାଳଚେର
ବଡ଼ ଗୌରବର ବିଷୟ ହେବ
ଦୀର୍ଘଦିନ ଧରି ତାଳଚେର ଅବହେଳିତ ଅବସ୍ଥାରେ ରହିଛି। ରାସ୍ତାଠାରୁ ପ୍ରଦୂଷଣ ସମସ୍ୟା ଯାଏ, ସମାଧାନ ହୋଇପାରୁ ନାହିଁ। ଜିଲା ପ୍ରଶାସନ ପକ୍ଷରୁ ସୌନ୍ଦର୍ଯ୍ୟକରଣ ନିମନ୍ତେ ନିଆଯାଇଥିବା ପଦକ୍ଷେପ ସମ୍ପୂର୍ଣ୍ଣ ହେଲେ ଏହା ଜିଲାର ଅନ୍ୟ ଅଞ୍ଚଳବାସୀଙ୍କୁ ଆକୃଷ୍ଟ କରିବ। ତାଳଚେରବାସୀଙ୍କ ପାଇଁ ଏହା ଗର୍ବର ବିଷୟ ହେବ। ଯଥାଶୀଘ୍ର କାର୍ଯ୍ୟ ଆରମ୍ଭ ହେଉ।
-ଅନନ୍ତ କୁମାର ଦାସ, ଅବସରପ୍ରାପ୍ତ ବ୍ୟାଙ୍କ କର୍ମଚାରୀ
ପ୍ରଶାସନର ପଦକ୍ଷେପ ସ୍ବାଗତଯୋଗ୍ୟ
ତାଳଚେରବାସୀଙ୍କ ପାଇଁ ଜିଲା ପ୍ରଶାସନ ପକ୍ଷରୁ ଏହା ଏକ ବଡ଼ ଉପହାର। ପୂର୍ବରୁ ସହରର ପିଲାମାନଙ୍କ ପାଇଁ ଭଲ ପାର୍କଟିଏ ନ ଥିଲା। ଆମୋଦପ୍ରମୋଦ ପାଇଁ ସେମାନଙ୍କୁ ଅନ୍ୟତ୍ର ଯିବାକୁ ପଡ଼ୁଥିଲା। ଏସବୁ ଏବେ ତାଳଚେରରେ ଉପଲବ୍ଧ ହେବ। ଏହାଠାରୁ ଭଲ ବ୍ୟବସ୍ଥା କିଛି ନାହିଁ। ପ୍ରଶାସନର ପଦକ୍ଷେପ ସ୍ବାଗତଯୋଗ୍ୟ।
-ରତ୍ନାବତୀ ଦାସ, ତାଳଚେର ଟାଉନ୍‌
ତାଳଚେରବାସୀଙ୍କ ସ୍ବପ୍ନ ସାକାର ହେବ
ଐତିହ୍ୟ ହେଉ କିମ୍ବା ସୌନ୍ଦର୍ଯ୍ୟକରଣ, ବାରମ୍ବାର ଏ ନେଇ ତାଳଚେରବାସୀଙ୍କ ପକ୍ଷରୁ ପ୍ରଶାସନ ଓ ସରକାରଙ୍କ ନିକଟରେ ଦାବି ହେଉଥିଲା। ଏକସଙ୍ଗରେ ତାଳଚେରରେ ଏତେଗୁଡ଼ିଏ ପ୍ରକଳ୍ପ କରିବା ଛୋଟିଆ କଥା ନୁହେଁ। ପ୍ରଶାସନ ନେଇଥିବା ନିଷ୍ପତ୍ତି କାର୍ଯ୍ୟକାରୀ ହେଲେ ତାଳଚେରବାସୀଙ୍କ ସ୍ବପ୍ନ ସାକାର ହୋଇପାରିବ।
-ଧୀରେନ ଶତପଥୀ, ତାଳଚେର
ଶୈକ୍ଷିକ ବାତାବରଣ ସୃଷ୍ଟି କରିବ
ତାଳଚେରରେ ହେବାକୁ ଥିବା କୋଲ୍‌ ମ୍ୟୁଜିୟମ ଓ ପାଠାଗାର ଏଠାରେ ଶୈକ୍ଷିକ ବାତାବରଣ ସୃଷ୍ଟି କରିବ। କୋଇଲାର ଉତ୍ପତି ଓ ଏ ନେଇ ସମସ୍ତ ବିବରଣୀ ଏହି ମ୍ୟୁଜିୟମରେ ରହିବ। ଫଳରେ ଯୁବପିଢ଼ିଙ୍କ ପାଇଁ ଏହା ଅତ୍ୟନ୍ତ ପ୍ରେରଣା ଦାୟକ ହେବ। ଦେଶ ବିଦେଶରେ ତାଳଚେରର ମାନ ବୃଦ୍ଧି ପାଇବ।
-ଶୁଭଶ୍ରୀ ଶୁଭସ୍ମିତା ପ୍ରଧାନ, ତାଳଚେର


Enter your email to get our daily news in your inbox.

All Right Reserved By Dharitri.Com

ଘରକୁ ଘର ବୁଲି ଭୋଟ ଭିକ୍ଷା କରୁଛନ୍ତି ଅଭିମନ୍ୟୁ

ହାଟଡିହୀ,୨୩l୫(ଶୁଭକାନ୍ତ ନାୟକ): କେନ୍ଦୁଝର ଜିଲା ଆନନ୍ଦପୁର ବିଧାନସଭା କ୍ଷେତ୍ରର ହାଟଡିହୀ ବ୍ଲକ ଅଧୀନ କଳିଙ୍ଗା ଏବଂ ପନ୍ଦାଡୋ ପଞ୍ଚାୟତରେ ଗୁରୁବାର ନିର୍ବାଚନୀ ପ୍ରଚାର ହୋଇଛି। ଯୁବ...

ମେଡିକାଲ ଖର୍ଚ୍ଚ ଦେବାକୁ ଯାଉଥିବା ବେଳେ ଧରିଲା ଫ୍ଲାଇଂ ସ୍କ୍ୱାଡ 

ହାଟଡିହୀ,୨୩l୫(ଶୁଭକାନ୍ତ ନାୟକ): ମେ’ ୨୫ରେ ତୃତୀୟ ପର୍ଯ୍ୟାୟ ଭୋଟ ଗ୍ରହଣ ହେବ। ଫଳରେ ନିର୍ବାଚନୀ ପ୍ରଚାର ଶେଷ ପର୍ଯ୍ୟାୟରେ ପହଞ୍ଚିଛି। ସୂଚନାନୁସାରେ, ଗୁରୁବାର ଅପରାହ୍ନରେ କେନ୍ଦୁଝର...

‘ପ୍ରଭୁ ଜଗନ୍ନାଥ ଆମକୁ ଶକ୍ତି ଦିଅନ୍ତୁ, ଓଡ଼ିଶାରେ ଡବଲ ଇଞ୍ଜିନ ସରକାର ହେଉ’

ବାଣପୁର,୨୩ା୫: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଗୁରୁବାର ଓଡ଼ିଶା ଗସ୍ତରେ ଆସିଥିବା ବେଳେ ଚିଲିକାର ବାଣପୁରରେ ଆୟୋଜିତ ଏକ ଜନସଭାରେ ଯୋଗ ଦେଇଛନ୍ତି। ଯୋଗୀ...

କୂଅ ସଫା ବେଳେ ଶ୍ୱାସରୁଦ୍ଧ ହୋଇ ଶ୍ରମିକଙ୍କ ଜୀବନ ଗଲା

ଦିଗପହଣ୍ଡି,୨୩ା୫(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ସିଦ୍ଧେଶ୍ୱର ପଞ୍ଚାୟତ ଗଣିଆନାଳ ଗଣେଶ୍ୱରପୁର ଗ୍ରାମର ନାରାୟଣ ସାହୁଙ୍କ ଘର ବାଡ଼ିରେ ଥିବା କୂଅ ସଫା...

ବିଜେଡିରେ ରହିବେ ଜ୍ୟୋତି ପାଣିଗ୍ରାହୀ, ମିଳିଲା ବାଲେଶ୍ୱର ଜିଲା ସଭାପତି ଦାୟିତ୍ୱ

ଭୁବନେଶ୍ୱର, ୨୩।୫: ବୁଧବାର ବିଜେଡିରୁ ଇସ୍ତଫା ଦେଇଥିବା ସିମୁଳିଆ ବିଧାୟକ ତଥା ପୂର୍ବତନ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ମନ ପରିବର୍ତ୍ତନ କରି ବିଜେଡିରେ ରହିଛନ୍ତି।...

‘ଏଠି ମୁଖ୍ୟମନ୍ତ୍ରୀ ନାହାନ୍ତି, ପାଣ୍ଡିଆନ ସବୁ କବ୍‌ଜା କରିଛନ୍ତି’

ସମ୍ବଲପୁର,୨୩ା୫: ଦେଶ ତଥା ରାଜ୍ୟରେ ଚାଲିଛି ସାଧାରଣ ନିର୍ବାଚନ। ମତଦାତାମାନେ ଦୁଇଟି ପର୍ଯ୍ୟାୟରେ ସେମାନଙ୍କ ପ୍ରାର୍ଥୀ ବାଛି ସାରିଥିବା ବେଳେ ଆଉ ଦୁଇଟି ପର୍ଯ୍ୟାୟ ବାକି...

ଏହି ତାରିଖରେ ସବୁଦିନ ପାଇଁ ତାମିଲନାଡୁ ପଳାଇବେ ପାଣ୍ଡିଆନ୍‌: ବିଜେଡି ଉପରେ ବର୍ଷିଲେ ହିମନ୍ତ ବିଶ୍ୱଶର୍ମା

ସମ୍ବଲପୁର,୨୩।୫: ଓଡ଼ିଶାର ସମ୍ବଲପୁରରେ ନିର୍ବାଚନ ପ୍ରଚାର ପାଇଁ ପହଞ୍ଚିଛନ୍ତି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା। ସମ୍ବଲପୁରରେ ମା’ ସମଲେଇ ଦର୍ଶନ ପରେ ବିଜେଡି ସରକାର ଉପରେ...

କନ୍ଧମାଳର ୨ଟି ବୁ୍‌ଥ୍‌ରେ ଚାଲିଛି ସାନି ମତଦାନ

କଣ୍ଟାମାଳ,୨୩।୫:ଭାରତର ନିର୍ବାଚନ ଆୟୋଗଙ୍କ ନିର୍ଦ୍ଦେଶନାମା ଅନୁସାରେ ଓଡ଼ିଶାର କନ୍ଧମାଳ ଲୋକ ସଭା କ୍ଷେତ୍ରର କଣ୍ଟାମାଳ ବିଧାନସଭା ନିର୍ବାଚନମଣ୍ଡଳୀ ଅଧୀନ ବୁଥ୍‌ ନମ୍ବର ୨୬ ଏବଂ ୨୮ରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri