ରୋଗର ବାହକ ସାଜିଛି ଭେଜାଲ, ଅପମିଶ୍ରିତ ଖାଦ୍ୟ

କେନ୍ଦ୍ରାପଡ଼ା ଅଫିସ, ୧୦ା୯:କଟକର ଏକ ହୋଟେଲରେ ବାସି ଖାଦ୍ୟ ବିକ୍ରି ସମୟରେ ପ୍ରଶାସନିକ ଚଢାଉ ନିକଟରେ ହୋଇଛି। ଏହି ଦୋକାନକୁ ସିଲ୍‌ କରାଯାଇଛି। ତେବେ କେନ୍ଦ୍ରାପଡ଼ା ଜିଲାରେ ଅପମିଶ୍ରିତ ଚଟପଟି ଖାଦ୍ୟ ବିକ୍ରି ହେଉଥିଲେ ମଧ୍ୟ ଜିଲା ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ହେଉନାହିଁ। ଫଳ, ପରିବାଠାରୁ ଆରମ୍ଭ କରି ହୋଟେଲ, ଜଳଖିଆ ଦୋକାନ, ଠେଲାଗାଡ଼ି ପର୍ଯ୍ୟନ୍ତ ଖାଦ୍ୟ ସାମଗ୍ରୀରେ ବିଷାକ୍ତ ରଙ୍ଗ ମିଶା ଯାଉଥିବା ଅଭିଯୋଗ ହେଉଛି। ଚଟପଟି ଖାଦ୍ୟ କାରଣରୁ ଏବେ ୩୩.୮ ପ୍ରତିଶତ ଲୋକ ମେଦ ବହୁଳତାର ଶିକାର ହେଉଥିବା ବିଶେଷଜ୍ଞ ମତ ଦେଇଛନ୍ତି।
ଡା. ବିରଞ୍ଜନ ସ୍ବାଇଁ କୁହନ୍ତି, ଘରୋଇ ଓ ପାରମ୍ପରିକ ଅପେକ୍ଷା ଚଟପଟି ଖାଦ୍ୟ ପାଇଁ ଲୋକଙ୍କ ମଧ୍ୟରେ ଆଗ୍ରହ ବଢ଼ୁଛି। ଏହି ଖାଦ୍ୟ ପାଇଁ ମଧୁମେହ, ହୃଦ୍‌ରୋଗ, ମେଦ ବହୁଳତା, ଯକୃତ ପ୍ରଦାହ, ମାନସିକ ଅବସାଦ, ମସ୍ତିଷ୍କରେ ଅସ୍ବାଭାବିକତା, ଉଚ୍ଚ ରକ୍ତଚାପ, ବୃକକ୍‌ଜନିତ ସମସ୍ୟା ଆଦି ବହୁଳ ଭାବେ ଦେଖାଯାଉଛି। ଚଟପଟି ବା ଫାଷ୍ଟଫୁଡ୍‌ରେ ମାତ୍ରାଧିକ ତେଲ ମସଲାର ବ୍ୟବହାର ହୁଏ। ଏଥିରେ ପୃଷ୍ଟିସାର ଗୁଣ ଅପେକ୍ଷା ରୋଗ ପାଇଁ ସକଳ ଉପାଦାନ ମହଜୁଦ ଥାଏ। ମାତ୍ରାଧିକ ତେଲ କୋଲେଷ୍ଟରଲ ବଢ଼ାଇ ହୃଦ୍‌ରୋଗର କାରଣ ହୋଇଥାଏ। ଏପରି ଖାଦ୍ୟ ପାଇଁ ଶରୀରରେ ଇନ୍‌ସୁଲିନସ୍ତର ବଢ଼ି ମଧୁମେହ ରୋଗର ଆଶଙ୍କା ସୃଷ୍ଟି ହୁଏ। ଏଡିଏମ୍‌ଓ ଡା. ସଚ୍ଚିଦାନନ୍ଦ ମିଶ୍ର କୁହନ୍ତି, ବିଶ୍ୱରେ ଯେତିକି ମେଦ ବହୁଳତା ରୋଗୀ ଅଛନ୍ତି, ସେମାନଙ୍କ ମଧ୍ୟରୁ ୩୩.୮ ପ୍ରତିଶତ ଫାଷ୍ଟଫୁଡ୍‌ଜନିତ। ୧୯୯୯ରେ ୧୮ ବର୍ଷରୁ କମ୍‌ ବୟସ୍କ ପିଲାଙ୍କ ମଧ୍ୟରୁ ୫ ପ୍ରତିଶତ ମେଦ ବହୁଳତାରେ ଆକ୍ରାନ୍ତ ହେଉଥିଲା ବେଳେ ୨୦୦୭ରେ ୧୭ ପ୍ରତିଶତ ଓ ୨୦୧୨ରେ ୨୧ ପ୍ରତିଶତରେ ପହଞ୍ଚତ୍ ଥିଲା। ୨୦୨୫ ବେଳକୁ ପ୍ରାୟ ୩୦ ପ୍ରତିଶତରୁ ଅଧିକ ମେଦ ବହୁଳତାରେ ପିଲାମାନେ ଶିକାର ହେବେ ବୋଲି ବିଶେଷଜ୍ଞମାନେ ଆକଳନ କରିଛନ୍ତି। ଶିକ୍ଷାବିତ୍‌ ହେମନ୍ତ କୁମାର ରାଉତ କହିଛନ୍ତି, ଫାଷ୍ଟଫୁଡ ଓ ଅପମିଶ୍ରିତ ଖାଦ୍ୟ ଉପରେ ପ୍ରଶାସନିକ ରୋକ୍‌ ନାହିଁ। ବିଭିନ୍ନ ଖାଦ୍ୟକୁ ଆକର୍ଷିତ କରିବା ପାଇଁ ବିଷାକ୍ତ ରଙ୍ଗ ପ୍ରୟୋଗ ହେଉଛି। ପନିପରିବା ଓ ଫଳ ସତେଜ ଦେଖା ଯିବାକୁ ରାସାୟନିକ ପଦାର୍ଥ ପ୍ରୟୋଗ ହେଉଛି। ଅସମୟରେ ଫଳ ପଚାଇବା ପାଇଁ କ୍ୟାନ୍‌ସର ରୋଗ ସୃଷ୍ଟିକାରୀ ଏସିଟିଲିନ ବ୍ୟବହାର ହେଉଛି। ଏହା ବ୍ୟତୀତ କେନ୍ଦ୍ରାପଡ଼ା ଜିଲାରେ ବାସି ଖାଦ୍ୟର ବହୁଳ ବ୍ୟବହାର ହେଉଛି। ହୋଟେଲ ଓ ଜଳଖିଆ ଦୋକାନରେ ରହି ଯାଇଥିବା ବଳକା ଖାଦ୍ୟରେ କେମିକାଲ ଅଥବା ଚୂନ ପ୍ରୟୋଗ ହେଉଛି। ସାମାଜିକ କର୍ମୀ ବିଜୟ ମଣ୍ଡଳ କହିଛନ୍ତି, ଜିଲାରେ ଖାଦ୍ୟ ପରୀକ୍ଷା ପାଇଁ ବିଜ୍ଞାନାଗାର ନାହିଁ। ଏହାର ସୁଯୋଗ ବ୍ୟବସାୟୀ ନେଉଛନ୍ତି। ତେଲ ଭାଜି ଦୋକାନରେ ଖାଦ୍ୟ ପରିବେଷଣ ପାଇଁ ପ୍ରମାଣପତ୍ର ଦିଆଯାଉନାହିଁ। ଜିଲା ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସେ ଦାବି କରିଛନ୍ତି। ଏ ସମ୍ପର୍କରେ ଜିଲା ଖାଦ୍ୟ ନିରୀକ୍ଷକା ସମିତା ଦାସ କୁହନ୍ତି, କରୋନା ସଂକ୍ରମଣ ପାଇଁ ଦୋକାନ ବଜାର ବନ୍ଦ ଥିଲା। ଏବେ ଏଗୁଡ଼ିକ ଖୋଲାଯାଉଛି। ପୂର୍ବରୁ ବିଭିନ୍ନ ସମୟରେ ଚଢ଼ାଉ ହୋଇ କାର୍ଯ୍ୟାନୁଷ୍ଠାନ ଗ୍ରହଣ ହୋଇଛି। ଏହି ପ୍ରକ୍ରିୟା ଜାରି ରହିଥିବା ସେ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

କୁଶେଇ ନଦୀରେ ଭାସୁଛି ଲକ୍ଷାଧିକ ଟଙ୍କାର ଗଛ ଚାରା: ତଦନ୍ତ ପାଇଁ ସ୍ଥାନୀୟ ଲୋକଙ୍କ ଦାବି

କେନ୍ଦୁଝର, ୨୫।୮(ସ୍ବ.ପ୍ର.): ସରକାର ଜଙ୍ଗଲ ଓ ପରିବେଶର ସୁରକ୍ଷା ପାଇଁ ବ୍ୟାପକ ବନୀକରଣ କାର୍ଯ୍ୟକ୍ରମ ହାତକୁ ନେଉଛନ୍ତି। ଏଥିପାଇଁ କୋଟି କୋଟି ଟଙ୍କା ବ୍ୟୟରେ ଚାରା...

ଦଳିତ ପରିବାରଙ୍କୁ ଆକ୍ରମଣ ଘଟଣା: ପ୍ରଶାସନକୁ ହାଇକୋର୍ଟଙ୍କ କାର୍ଯ୍ୟାନୁଷ୍ଠାନ ନିର୍ଦ୍ଦେଶ

ପୁରୀ ଅଫିସ, ୨୨ା୧: ପୁରୀ ଜିଲା ବ୍ରହ୍ମଗିରି ବ୍ଲକ ଅଧୀନ ନୂଆଗଁ। ଏବଂ କଣାସ ବ୍ଲକ ଅନ୍ତର୍ଗତ ବୀରକେଶରପୁର ଗ୍ରାମର ୬ଟି ଦଳିତ ପରିବାରଙ୍କୁୁ ଆକ୍ରମଣ,...

ଇଞ୍ଜେକ୍ସନ ନେଇ ୨୦ ରୋଗୀ ଗୁରୁତର

ବ୍ରହ୍ମପୁର ଅଫିସ,୩୦ା୭: ବ୍ରହ୍ମପୁର ଏମକେସିଜି ମେଡିକାଲ କଲେଜ ଓ ହସ୍ପିଟାଲରେ ଶୁକ୍ରବାର ଏକ ଅଭାବନୀୟ ଘଟଣା ଘଟିଛି। ମେଡିସିନ ବିଭାଗର ୟୁନିଟ -୧ ଓ ୟୁନିଟ...

ଚମ୍ପୁଆରେ ଖୋଲିବ କୋଭିଡ୍‌ ହସ୍ପିଟାଲ

ଚମ୍ପୁଆ, ୨୩।୪ (ଡି.ଏନ.ଏ.)-ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ଚମ୍ପୁଆରେ ବଢିବାରେ ଲାଗିଛି। ଏହାକୁ ଆଖି ଆଗରେ ରଖି ଜିଲାପ୍ରଶାସନର ନିର୍ଦ୍ଦେଶକ୍ରମେ ଚମ୍ପୁଆରେ ୫୦ ଶଯ୍ୟା...

ସଡ଼କ ଦୁର୍ଘଟଣାରେ ଜିଲା ପରିଷଦ ଅଧ୍ୟକ୍ଷଙ୍କ ମୃତ୍ୟୁ

ରାୟଗଡା ଅଫିସ, ୨୫।୧୨: ଏକ ସଡ଼କ ଦୁର୍ଘଟଣାରେ ରାୟଗଡା ଜିଲା ପରିଷଦ ଅଧ୍ୟକ୍ଷ ପୁରୁଷୋତ୍ତମ ଗମାଙ୍ଗଙ୍କ ମୃତ୍ୟୁ ଘଟିଛି। ମଙ୍ଗଳବାର ବିଳମ୍ବିତ ରାତିରେ ରାମନାଗୁଡ଼ା ବ୍ଲକର...

ଅଧ୍ୟକ୍ଷା ପଦବୀ ପାଇଁ ଲବି

ବରଗଡ଼ ଅଫିସ୍‌,୨।୩: ବରଗଡ଼ ଜିଲାରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଭୋଟ ଗଣତି ସୋମବାର ସରି ଯାଇଛି। ସର୍ବଶେଷ ଫଳାଫଳ ଅନୁସାରେ ଜିଲାରେ ଏଥର ବିଜେଡ଼ି ବାଜିମାତ୍‌...

ହାତୀ ଆକ୍ରମଣରେ ଚାଷୀ ମୃତ

ଦିଗପହଣ୍ଡି,୨୧।୧(ଡି.ଏନ.ଏ.): ଗଞ୍ଜାମ ଜିଲା ଦିଗପହଣ୍ଡିରେ ହାତୀ ଆକ୍ରମଣରେ ଜଣେ ଚାଷୀଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ଦିଗପହଣ୍ଡି ସାନାଦାଣ୍ଡ ସାହିର ଆଲୁ.ଲାଚ୍ଛେୟା। ସୂଚନାଯୋଗ୍ୟ, ମଙ୍ଗଳବାର...

ସେଲ୍‌ଫି ହେଲା କାଳ: ମହାନଦୀ ବ୍ରିଜ୍‌ରୁ ଖସିପଡ଼ିଲେ ଯୁବକ

ସୋନପୁର,୨୭।୧୨(ନି.ପ୍ର.): ମୋବାଇଲରେ ସେଲ୍‌ଫି ନେବା ଯୁବକଙ୍କୁ ମହଙ୍ଗା ସାବ୍ୟସ୍ତ ହୋଇଛି। ଗୁରୁବାର ସକାଳେ ସୋନପୁର ସହର ପଟାଭାଡି ଅଞ୍ଚଳର ଜିତୁ ନାଏକ(୨୪) ମହାନଦୀ ବ୍ରିଜ୍‌ ଉପରେ...

Advertisement
Archives

Model This Week