ବିନା ନମ୍ବର ପ୍ଲେଟ, ଇନସ୍ୟୁରାନ୍ସରେ ଶୋ ରୁମରୁ ବାହାରୁଛି ଗାଡ଼ି

ରାଜନଗର,୨୦ା୧୨(ଡି.ଏନ.ଏ.):ରାଜନଗର ଥାନା ରାଜନଗର-ତାଳଚୁଆ ମୁଖ୍ୟ ରାସ୍ତାର ଚାନ୍ଦିବାଉଁଶମୂଳ ନିକଟରେ ସୋମବାର ସକାଳ ସାଢେ ୬ଟାରେ ଏକ ଅଟୋ ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା। ଏହି ଅଟୋରେ ଥିବା ରାଜନଗର ବ୍ଲକ କଣ୍ଡିରା ପଞ୍ଚାୟତ ନୂଆଗାଁର ଫୁକି ରାଉତ (୬୫), ବିଜୟ କୁମାର ରାଉତ (୪୯), ବିଭୁ ପ୍ରସାଦ ରାଉତ (୫), ସାବିତ୍ରୀ ରାଉତ (୪୦) ଆହତ ହୋଇଛନ୍ତି। ଏମାନଙ୍କୁ ଚିକିତ୍ସା ପାଇଁ ରାଜନଗର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଗୋଟିଏ ପରିବାରର ୪ ଜଣ ତାଙ୍କ ସମ୍ପର୍କୀୟଙ୍କ ଘର କଟକ ଯିବା ପାଇଁ ଗଁାରୁ ଅଟୋ ଯୋଗେ ଜରିମୂଳ ବଜାରରୁ ଛାଡୁଥିବା ବସ୍‌ ନିକଟକୁ ଆସୁଥିଲେ। ବସ ଛାଡିବା ସ୍ଥାନର କିଛି ମିଟର ପୂର୍ବରୁ ଏହି ଅଟୋଟି ଭାରସାମ୍ୟ ହରାଇ ଓଲଟି ପଡିଥିଲା। ଅଟୋ ପଲଟିବା ପରେ ପୋଲିସ ଅଟୋ ଜବତ କରି ଥାନାକୁ ଆଣିଛି। ରିପୋର୍ଟ ଲେଖା ହେବା ଯାଏଁ କୌଣସି ଅଭିଯୋଗ ଥାନାରେ ହୋଇନି। ମାତ୍ର ଏହି ଅଟୋ ଦୁର୍ଘଟଣାଗ୍ରସ୍ତ ହେବା ପରେ ଶୋ ରୁମ ମାଲିକମାନେ କିପରି ମୋଟରଯାନ ଆଇନକୁ ଫାଙ୍କି ଚାଲିଛନ୍ତି ଏବଂ ବିନା କାଗଜପତ୍ରରେ ଗାଡି ରାସ୍ତାକୁ ଛାଡୁଛନ୍ତି, ତା’ର ବଡ ଦିଗ ସାମ୍ନାକୁ ଆସିଛି। ଦୁର୍ଘଟଣାଗ୍ରସ୍ତ ହୋଇଥିବା ପାଜିଓ ଅଟୋରେ ନମ୍ବର ପ୍ଲେଟ ନ ଥିବା ବେଳେ ଗାଡିରେ କୌଣସି କାଗଜପତ୍ର ନ ଥିଲା। ଗାଡିରେ ଇନ୍ସ୍ୟୁରାନ୍ସ, ପଲ୍ୟୁସନ, ଆରସି ବୁକ୍‌ ମଧ୍ୟ ନ ଥିଲା। ମୋଟରଯାନ ଆଇନ ଅନୁଯାୟୀ, କୌଣସି ଗାଡି ଶୋ ରୁମରୁ ବାହାରକୁ ଆସିବା ପୂର୍ବରୁ ଗାଡିର ରେଜିଷ୍ଟ୍ରେସନ କରାଯିବ। ଗାଡି ରେଜିଷ୍ଟ୍ରେସନ ପରେ ହାଇସିକ୍ୟୁରିଟି ନମ୍ବର ପ୍ଲେଟ ଗାଡିରେ ଲଗାଯିବ। ଗାଡିର ଇନସ୍ୟୁରାନ୍ସ କରାଯିବ। ଏହାପରେ ଗାଡି କିଣିଥିବା ଲୋକଙ୍କୁ ହସ୍ତାନ୍ତର କରାଯିବ। ମାତ୍ର ଦୁର୍ଘଟଣାଗ୍ରସ୍ତ ଅଟୋଟି ଚଳିତ ମାସ ୧୬ ତାରିଖଠାରୁ ରାସ୍ତାରେ ଗଡୁଛି। ପଟ୍ଟାମୁଣ୍ଡାଇର ଏକ ଶୋ ରୁମରୁ କଣ୍ଡିରା ପଞ୍ଚାୟତ ନଳଯୋଡି ଗଁାର ମହନ୍ତ ଜେନା ଆଣିଛନ୍ତି। ୧୬ ତାରିଖ ଧନୁ ସଂକ୍ରାନ୍ତି ଭଲ ଦିନ ଥିବାରୁ କ୍ରେତା ଏହି ଗାଡି ଶୋରୁମରୁ ଆଣି ଗାଁ ଠାକୁରାଣୀଙ୍କ ପାଖରେ ପୂଜାର୍ଚ୍ଚନା କରିଥିଲେ। ୧୭ ତାରିଖଠାରୁ ଏହି ଅଟୋ ଯାତ୍ରୀଙ୍କୁ ନେବା ଆଣିବା କରୁଛି। ଏପରି କି ଏହି କାଗଜପତ୍ର ବିହୀନ ବେନାମୀ ଅଟୋକୁ ଜଣେ ନୂଆ ଚାଳକ, ଯାହାଙ୍କ ଡ୍ରାଇଭିଂ ଲାଇସେନ୍ସ ନାହିଁ, ସେ ଚଳାଉଥିଲେ ବୋଲି ପୋଲିସ ସୂତ୍ରରୁ ଜଣାପଡିଛି। ଏହି ଅଟୋଟି କିପରି ବିନା କାଗଜପତ୍ରରେ ଶୋରୁମ ବାହାରକୁ ଆସିଲା ଓ ୪ ଦିନ ହେଲା ରାସ୍ତାରେ ଗଡୁଛି, ତାହା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି।


Enter your email to get our daily news in your inbox.

All Right Reserved By Dharitri.Com

ପ୍ରକଳ୍ପ ନିର୍ମାଣରେ ଗୁଣବତ୍ତାକୁ ଉପେକ୍ଷା

ଯାଜପୁର ଅଫିସ,୩୧।୮: ରାଜ୍ୟରେ ପ୍ରଥମ ଓ ଦ୍ୱିତୀୟ ପର୍ଯ୍ୟାୟରେ ୧୬,୬୭୬ କୋଟି ଟଙ୍କାର ୯୦ ମେଗା ପାଇପ ଜଳ ଯୋଗାଣ (ପିଡବ୍ଲ୍ୟୁଏସ୍‌) ପ୍ରକଳ୍ପର ନିର୍ମାଣ କାର୍ଯ୍ୟ...

ଅମ୍ଫନ ଉଜାଡିଛି ଧାନ କ୍ଷେତ

ରେମୁଣା, ୨୩।୩(ଡି.ଏନ.ଏ.)-ବାତ୍ୟା ପ୍ରଭାବରେ ରେମୁଣା ବ୍ଲକ ତୁଣ୍ଡୁରା ପଞ୍ଚାୟତର ୩୦ଏକର ଚାଷ ଜମି ଉଜୁଡ଼ିଯାଇଛି। ଶନିବାର କୃଷି ଅଧିକାରିଣୀ କ୍ଷମାମୟୀ ଦାସ, ଆର୍‌ଆଇ ମଦନମୋହନ ଲେଙ୍କା,...

କାର୍ଯ୍ୟାଳୟ, ବାସଗୃହ ଉଦ୍‌ଘାଟିତ

ଛେଣ୍ଡିପଦା,୧।୫(ସ୍ବ.ପ୍ର.) – ଛେଣ୍ଡିପଦା ବ୍ଲକ କୋଶଳା ପଞ୍ଚାୟତରେ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ନିର୍ମିତ କୋଶଳା ବନପାଳ କାର୍ଯ୍ୟାଳୟ ଓ ବନରକ୍ଷୀଙ୍କ ବାସଗୃହ ଉଦ୍‌ଘାଟିତ...

ଏମିତି ଚାଲିଛି ପାଠପଢ଼ା: ୧୧୯ ଛାତ୍ରୀଛାତ୍ରଙ୍କୁ ୨ ଶିକ୍ଷୟିତ୍ରୀ

ମାଧପୁର,୧୦।୮(ଡି.ଏନ୍‌.ଏ.): ଅନୁଗୋଳ ଜିଲା ଆଠମଲ୍ଲିକ ବ୍ଲକ ଅନ୍ତର୍ଗତ ମାଧପୁର ପଞ୍ଚାୟତ କୁନ୍ଦନାଳୀ ପ୍ରକଳ୍ପ ଉ.ପ୍ରା. ବିଦ୍ୟାଳୟରେ ବର୍ତ୍ତମାନ ଶିକ୍ଷକ ଅଭାବ ଦେଖାଦେଇଛି। ସ୍କୁଲରେ ପ୍ରଥମରୁ ଅଷ୍ଟମ...

ଅଦିନିଆ ରଥଯାତ୍ରାକୁ ତୀବ୍ର ବିରୋଧ

ପୁରୀ ଅଫିସ,୩୧।୧: ଚଳିତବର୍ଷ ରଥଯାତ୍ରା ପାଇଁ ପୁରୀରେ ଗୁରୁବାର ରଥକାଠ ଅନୁକୂଳ ହୋଇଛି। ଠିକ୍‌ ଏହିଦିନ ଇସ୍କନ ପକ୍ଷରୁ ମୁମ୍ବାଇରେ ଅନୁଷ୍ଠିତ ହୋଇଛି ରଥଯାତ୍ରା। ଏହି...

ଟ୍ରେନ୍‌ ଚେନ୍‌ ଟାଣି ୧୫୩୪ ପ୍ରବାସୀ ଓହ୍ଲାଇବା ଘଟଣା: ୨୭ଟି ବସ୍‌ ଯୋଗେ କ୍ୱାରାଣ୍ଟାଇନ୍‌ ସେଣ୍ଟରକୁ ପଠାଇଲା ପ୍ରଶାସନ

ଛତ୍ରପୁର,୩୦ା୫(ଡି.ଏନ୍‌.ଏ.): ସୁରଟରୁ ବାଲେଶ୍ୱର ଯାଉଥିବା ଟ୍ରେନର ଚେନ୍‌ ଟାଣିି ଗଞ୍ଜାମ ଜିଲା ଛତ୍ରପୁର ଷ୍ଟେଶନ ନିକଟରେ ୧୫୩୪ ଜଣ ପ୍ରବାସୀ ଶୁକ୍ରବାର ସନ୍ଧ୍ୟାରେ ଓହ୍ଲାଇ ପଡ଼ିଥିଲେ।...

ନିରାଶ୍ରୟ ପଥିକଙ୍କୁ ଉଦ୍ଧାର କଲା ପ୍ରଶାସନ

ବିଜେପୁର,୧୬ା୪(ଡି.ଏନ୍‌.ଏ.) : କରୋନା ପାଇଁ ଚାରିଆଡ଼େ ଲକ୍‌ଡାଉନ୍‌ ଜାରି କରାଯାଇଛି। ପୋଲିସ ପ୍ରଶାସନର କଟକଣା ଯୋଗୁ ସକାଳ ୧୦ଟା ପରେ ଦୋକାନ ବଜାର ସମେତ ରାସ୍ତାଘାଟ...

ଗାଁ ମୁଣ୍ଡରେ ଲାଗିଲା ବାଉଁଶ: ବାହାର ଲୋକ ଆସିବା ମନା

ଗୋପ,୨୬ା୩(ଡି.ଏନ୍‌.ଏ.)- ଦେଶରେ ଲକଡାଉନ ଘୋଷଣା ପରେ ଗୋପ ବ୍ଲକର ୧୦୦ରୁ ଊଦ୍ଧର୍‌ବ ଗାଁ ମୁଣ୍ଡରେ ଯୁବକମାନେ ବାଉଁଶ ଧଡ଼ା ଲଗାଇ ଦେଇଛନ୍ତି। ଏହାସହ କୌଣସି ବାହାର...

Advertisement
Archives

Model This Week