ମାଲେସିଆରୁ ଏକ ଭାବପ୍ରବଣ ଖବର ଆସିଛି। ସଡ଼କ ଦୁର୍ଘଟଣା ପରେ ତୁରନ୍ତ ଆମ୍ବୁଲାନ୍ସ ଡ୍ରାଇଭରଙ୍କୁ ଘଟଣାସ୍ଥଳରେ ପହଞ୍ଚିବାକୁ କୁହାଯାଇଥିଲା। କିନ୍ତୁ ଡ୍ରାଇଭର ଜଣକ ସେଠାରେ ପହଞ୍ଚିବା ପରେ ଯାହା ଦେଖିଲେ ତାଙ୍କ ପାଦତଳୁ ମାଟି ଖସିଗଲା। ପ୍ରକୃତରେ ଏହି ଦୁର୍ଘଟଣାରେ ତାଙ୍କ ନିଜ ପୁଅର ମୃତ୍ୟୁ ଘଟିଥିଲା ଏବଂ ମୃତଦେହ ରାସ୍ତାରେ ବିଛାଡ଼ି ହୋଇପଡ଼ିଥିଲା।
ଏକ ରିପୋର୍ଟ ଅନୁଯାୟୀ, ୪୯ ବର୍ଷୀୟ ଆମ୍ବୁଲାନ୍ସ ଡ୍ରାଇଭର ମହମ୍ମଦ ଇସ୍ମାଇଲ ସୁଙ୍ଗାଇ ଟୋଙ୍ଗ ହେଲ୍ଥ କ୍ଲିନିକ୍ରେ କାମ କରନ୍ତି। ନଭେମ୍ବର ୬ ଅପରାହ୍ନ ୪.୩୦ରେ ଇସମାଇଲ ଏକ ସଡ଼କ ଦୁର୍ଘଟଣା ସମ୍ପର୍କରେ ସୂଚନା ପାଇଥିଲେ। ଜରୁରିକାଳୀନ କଲ୍ ହେତୁ ସେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ଇସ୍ମାଇଲ ଘଟଣାସ୍ଥଳରେ ପହଞ୍ଚିବା ପରେ ସେ ତାଙ୍କ ପୁଅର ମୋଟରସାଇକେଲକୁ ରାସ୍ତାରେ ପଡ଼ିଥିବା ଦେଖିବାକୁ ପାଇଥିଲେ। ସେ କହିଛନ୍ତି , ୨୧ ବର୍ଷ ମଧ୍ୟରେ ମୁଁ ଆମ୍ବୁଲାନ୍ସ ଡ୍ରାଇଭର ଭାବରେ କାମ କରିଛି, ଏହା ପ୍ରଥମ ଥର ପାଇଁ ପରିବାର ସଦସ୍ୟଙ୍କ ପାଇଁ ଆସିବାକୁ ପଡ଼ିଲା। ମୁଁ ସେତେବେଳେ ଯନ୍ତ୍ରଣା କ’ଣ ତାହା ଅନୁଭବ କରିଥିଲି କେବଳ ଆଲ୍ଲା ଜାଣନ୍ତି ।
ତାଙ୍କ ପୁଅ ମହମ୍ମଦ ଆୟମାନ ଏକ ଲୋରି ସହିତ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଖବର ଅନୁଯାୟୀ, ଆୟମାନ କୁଆଲା ନେରସରୁ ସୁଙ୍ଗାଇ ଟୋଙ୍ଗସ୍ଥିତ ଘରକୁ ଫେରୁଥିଲେ। ଏହି ଧକ୍କା ଏକ ପେଟ୍ରୋଲ ପମ୍ପ୍ ନିକଟରେ ଘଟିଛି। ଡେପୁଟି ପୋଲିସ ଅଧୀକ୍ଷକ ଆଫାଣ୍ଡି ହୁସେନଙ୍କ ଅନୁଯାୟୀ, ମୁଣ୍ଡରେ ଆଘାତ ଲାଗିଥିବାରୁ ଆୟମାନଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ହୁସେନ କହିଛନ୍ତି, ବାଇକ୍ରେ ଯାଉଥିବା ଆୟମାନ ଅନ୍ୟ ଗାଡ଼ିକୁ ଅତିକ୍ରମ କରିବାକୁ ଚେଷ୍ଟା କରି ବିପରୀତ ଦିଗରୁ ଆସୁଥିବା ଏକ ଲୋରି ତାଙ୍କ ଧକ୍କା ହୋଇଥିଲା। ଫଳରେ ଲୋରିଟି ତାଙ୍କ ଉପରେ ଚଢ଼ି ଯାଇଥିବା କୁହାଯାଉଛି। ଏହି ଦୁଘଟଣାରେ ଲୋରି ଡ୍ରାଇଭର ଆହତ ହୋଇନାହାନ୍ତି। ଏନେଇ ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି।
