୭୬ ବର୍ଷ ହେଲା ଭଡ଼ାଘରେ ଚାଲିଛି ଉପଡାକଘର

ଲାଠୋର,୧୭ା୬(ଭୁବନେଶ୍ବର ବାରିକ) ବଲାଙ୍ଗିର ଜିଲା ଖପ୍ରାଖୋଲ ବ୍ଲକ ଅନ୍ତର୍ଗତ ହରିଶଙ୍କର ରୋଡ଼ରେ ରହିଥିବା ଉପଡାକଘର ୭୬ବର୍ଷ ହେଲା ଭଡ଼ା ଘରେ ଚାଲିଛି। ଏଥିପ୍ରତି ବିଭାଗୀୟ ଉଚ୍ଚକର୍ତ୍ତୃପକ୍ଷଙ୍କ ଦୃଷ୍ଟି ପଡୁନାହିଁ। ଫଳରେ ଆଜି ଏଠି ତ କାଲି ପୁଣି ଅନ୍ୟ କେଉଁଠି ଡାକଘର ଚାଲିଛି। ଗତ ୧୯୪୭ ମସିହାରେ ହରିଶଙ୍କର ରୋଡରେ ଏକ ଶାଖା ଡାକଘର ଖୋଲା ଗଲା ଏବଂ ୪ ଜଣ କର୍ମଚାରୀଙ୍କୁ ନିଯୁକ୍ତି ଦେଇ ଗ୍ରାମ୍ୟ ସରକାରୀ ପ୍ରାଥମିକ ବିଦ୍ୟାଳୟର ଏକ ଛୋଟିଆ କୋଠରୀରେ କାମ ଆରମ୍ଭ କରାଗଲା। କାମ ଚାଲିବାର ୨୦ ବର୍ଷ ପରେ ୧୯୬୭ ମସିହାରେ ସଂପୃକ୍ତ ଶାଖା ଡାକଘର ଉପ ଡାକଘର ମାନ୍ୟତା ପାଇଲା। ମାନ୍ୟତା ପାଇବା ପରେ ଏହି ଡାକଘର ଅଧୀନରେ ଅଞ୍ଚଳର ମାଲପଡା, ବେନ୍ଦେର, ଫୁଲକିମୁଣ୍ଡା, ସୁନାମୁଦି, ଟଙ୍କପାଣି, ବଡ଼ ଡକଲା, ଘୁନେଶ, ଢୋଲମାନ୍ଦଲ ଏବଂ ମହୁଲପାଟି ଗ୍ରାମମାନଙ୍କୁ ସମୁଦାୟ ୯ ଗୋଟି ଶାଖା ଡାକଘର ଖୋଲି ସେଠାରେ ମଧ୍ୟ କର୍ମଚାରୀ ନିଯୁକ୍ତି ଦେଇ ଶତାଧିକ ଗ୍ରାମର ଅଧିବାସୀଙ୍କୁ ଡାକ ସେବା ଯୋଗାଇବା ବ୍ୟବସ୍ଥା କରାଗଲା। ଫଳରେ ଉପ ଡାକଘର କାମ ବଢିବା ହେତୁ ବିଦ୍ୟାଳୟରେ ଚାଲିଥିବା ଉପ ଡାକଘରକୁ ଜାଗା କୁଳାଇଲା ନାହିଁ। ବାଧ୍ୟହୋଇ ସେଠାରୁ ଡାକଘରକୁ ଗ୍ରାମର ସ୍ବର୍ଗତ ତେଜୁରାମ ଅଗ୍ରୱାଲଙ୍କ ଭଡ଼ା ଘରକୁ ସ୍ଥାନାନ୍ତରଣ କରାଗଲା। ଧୀରେ ଧୀରେ ଲୋକ ଶିକ୍ଷିତ ହେଲେ ଡାକଘର ଉପରେ ଅଧିକ ଲୋକ ନିର୍ଭର କଲେ, କାମ ମଧ୍ୟ ବଢ଼଼ି ଚାଲିଲା। ହେଲେ ଡାକ ବିଭାଗ ନିଜସ୍ବ ଘର ନିର୍ମାଣ କରିବା ପରିବର୍ତ୍ତେ ବିଭାଗୀୟ ଉଚ୍ଚକର୍ତ୍ତୃପକ୍ଷ ଉପ ଡାକଘରକୁ ସେଠାରୁ ପୁଣି ୧୯୮୭ ମସିହାରେ ଲାଠୋର ସେବା ସମବାୟ ସମିତି ସମ୍ମୁଖରେ ରହିଥିବା ଅବଧୂତ ନାଏକଙ୍କ ଭଡ଼ା ଘରକୁ ଡାକଘର ଉଠେଇ ନେଲେ। ସେଠାରେ ଦୀର୍ଘ ୨୬ ବର୍ଷ ଡାକଘର ଚାଲିବା ପରେ ଘର ମାଲିକ ଘର ଛାଡ଼ିବା ପାଇଁ କହିବାରୁ ଡାକଘର କର୍ତ୍ତୃପକ୍ଷ ଗତ ୨୫ ଫେବୃୟାରୀ ୨୦୧୩ ମସିହାରୁ ଆଜିଯାଏ ଲାଠୋର ପ୍ରାଣୀ ଚିକିତ୍ସା କେନ୍ଦ୍ର ସମ୍ମୁଖରେ ରହିଥିବା ବିଶ୍ୱନାଥ ଦତ୍ତଙ୍କ ଭଡ଼ା ଘରେ ୧୦ବର୍ଷ ହେବ ହରିଶଙ୍କର ରୋଡ ଉପଡାକଘର ଚାଲିଛି। ବାରମ୍ବାର ବିଭାଗୀୟ କର୍ତ୍ତୃପକ୍ଷ ଡାକଘର ସ୍ଥାନ ପରିବର୍ତ୍ତନ କରୁଥିବା ହେତୁ ଏଠାରେ ସ୍ଥାୟୀ ଭାବେ ଡାକଘର ରହିବ ନା ପୁଣି କାଲି ଅନ୍ୟ କୌଣସି ସ୍ଥାନକୁ ପରିବର୍ତ୍ତନ ହେବ ସେନେଇ ଲୋକଙ୍କ ମନରେ ଆଶଙ୍କା ସୃଷ୍ଟି ହୋଇଛି। ୧୯୮୦ ମସିହାରେ ଅଞ୍ଚଳର ଜନସାଧାରଣ ଡାକଘର ନିର୍ମାଣ ସକାଶେ ସରକାରୀ ଜାଗା ପ୍ରଦାନ କରିବା ପାଇଁ ତତ୍କାଳୀନ ପାଟଣାଗଡ଼ ତହସିଲଦାରଙ୍କ ଠାରେ ଦାବି ଉପସ୍ଥାପନ କରିଥିଲେ ସୁଦ୍ଧା ଆଜିଯାଏ କୌଣସି ପ୍ରକାର ପଦକ୍ଷେପ ଗ୍ରହଣ କରାଯାଇ ନ ଥିବା ଲାଠୋର ଗ୍ରାମର କିଛି ଲୋକ ପ୍ରକାଶ କରିଛନ୍ତି। ଦୀର୍ଘ ୭୬ ବର୍ଷ ମଧ୍ୟରେ ଡାକ ବିଭାଗ ଡାକଘର ଚଳାଇବା ପାଇଁ ଭଡ଼ା ଘରେ ଯେତିକି ଟଙ୍କା ବ୍ୟୟ କରିଛି ସେତିକି ଟଙ୍କାରେ ନିଜସ ଗୃହ ନିର୍ମାଣ ହୋଇପାରିଥାନ୍ତା। ଅଯଥାରେ ସରକାରୀ ପଇସା ଖର୍ଚ୍ଚ କରାଯାଉଛି ବୋଲି ବୁଦ୍ଧିଜୀବୀ ମହଲରୁ ମତ ପ୍ରକାଶ ପାଉଛି। ଦିନକୁ ଦିନ ଯୁଗ ପରିବର୍ତ୍ତନ ସହ ବିଭିନ୍ନ ପ୍ରକାର ଡିଜିଟାଲ ମାଧ୍ୟମ ବାହାରିଥିଲେ ମଧ୍ୟ ଆଜିବି ଡାକଘରେ ଲୋକଙ୍କ କାମ ପଡୁଛି। ଏନେଇ ପୋଷ୍ଟ ମାଷ୍ଟର ଆକାଶ କୁମାର ପାଣିଗ୍ରାହୀଙ୍କୁ ପଚାରିବାରେ ଯେଉଁଠି ସରକାରୀ ଗୃହ ନାହିଁ ସେଠାର ଭଡ଼ା ଘରେ ଡାକଘର ଚାଲିଛି। ବାକି କଥା ଉପରିସ୍ଥ ଅଧିକାରୀ କହି ପାରିବେ ବୋଲି କହିଥିଲେ। ତେବେ ଡାକ ବିଭାଗ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?