ନିଜ ପ୍ରେମିକା ବସିଥିବା ବିମାନ ଚଳାଉଥିଲେ ଜଣେ ପ୍ରେମିକ। ଏହି ପାଇଲଟ ପ୍ରେମିକ ଜଣଙ୍କ ଯାତ୍ରା ମଝିରେ ଏମିତି ଘୋଷଣା କଲେ ଯେ, ଯାତ୍ରୀଙ୍କ ଗହଣରେ ବସିଥିବା ପ୍ରେମିକା ଶୁଣି ଲାଜେଇ ଗଲେ। ସୋସିଆଲ ମିଡିଆରେ ଏହି ଭିଡିଓଟି ଖୁବ୍ ଭାଇରାଲ ହେଉଛି।
ଭିଡିଓଟିକୁ ହନା ନାମକ ଜଣେ ଯୁବତୀ ସୋସିଆଲ ମିଡିଆରେ ଶେୟାର କରି କ୍ୟାପଶନ ଲେଖିଛନ୍ତି, ‘ଯେତେବେଳେ ପ୍ରଥମଥର ଆପଣଙ୍କ ପ୍ରେମିକ ବିମାନ ଚଳାଉଥିବେ ଆଉ କହୁଥିବେ ମୋ ସହ ଏହି ବିମାନରେ ଜଣେ ସ୍ବତନ୍ତ୍ର ବ୍ୟକ୍ତି ଯାତ୍ରା କରୁଛନ୍ତି, ସେ ଆଉ କେହି ନୁହନ୍ତି; ସେ ହେଉଛନ୍ତି ମୋ ପ୍ରେମିକା ହନା। ଯିଏକି ୨ସି ନମ୍ବର ବିଶିଷ୍ଟ ସିଟ୍ରେ ବସିଛନ୍ତି। ଖାଲି ସେତିକି ନୁହେଁ, ପାଇଲଟ କହୁଥାନ୍ତି, ବିମାନରୁ ଓହ୍ଲାଇବା ସମୟରେ ମୋ ପ୍ରେମିକାଙ୍କୁ ଫିଷ୍ଟ ବମ୍ପ, ହାଇ ଫାଇଭ୍ କିମ୍ବା ମନପସନ୍ଦର ସ୍ନାକ୍ସ, ପାଣି ବୋତଲ ନିଶ୍ଚିତ ଦେବେ। ମୋ ସହିତ ଯାତ୍ରା କରୁଥିବାରୁ ଧନ୍ୟବାଦ। ଆପଣ ସମସ୍ତେ ମାସ୍କ ପିନ୍ଧିଥିବାରୁ ବହୁତ ବହୁତ ଧନ୍ୟବାଦ। ମୁଁ ଖୁବ୍ ଶୀଘ୍ର ପହଞ୍ଚାଇଦେବି।
ଏହି କୌତୂହଳପୂର୍ଣ୍ଣ ଭିଡିଓରେ ହନା ଲେଖିଛନ୍ତି, ମୋ ବାପା କହିଛନ୍ତି ଅନ୍ତତଃପକ୍ଷେ ସେ ପ୍ରପୋଜ କରିନାହାନ୍ତି। କିନ୍ତୁ ମୁଁ ଚାହୁଁଥିଲି ସେ ଏପରି କରିଥାନ୍ତେ। ଏହି ଭିଡିଓକୁ କୋଟିଏରୁ ଊର୍ଦ୍ଧ୍ୱ ଲୋକ ଦେଖିସାରିଲେଣି। ପାଇଲଟଙ୍କ ଏପରି ହୃଦୟସ୍ପର୍ଶୀ ବାର୍ତ୍ତା ଦେଖି ୟୁଜରମାନେ ମଧ୍ୟ ବେଶ୍ ମଜାଳିଆ କମେଣ୍ଟ ସବୁ ଦେଉଛନ୍ତି।
