ବୁଗୁଡା, ୧।୭(ଡି.ଏନ୍.ଏ.)- ଗଞ୍ଜାମ ଜିଲା ବୁଗୁଡା ସହରରେ ଥିବା ଜ୍ୟୋତି ଏକ୍ସରେ ପାଥୋଲୋଜିକୁ ମଙ୍ଗଳବାର ବିଳମ୍ବିତ ରାତିରେ ଏନ୍ଏସି ପ୍ରଶାସନ ପକ୍ଷରୁ ସିଲ୍ କରାଯାଇଛି। ଏଠାରେ ଜଣେ କରୋନା ଆକ୍ରାନ୍ତ ରକ୍ତ ପରୀକ୍ଷା କରାଇଥିବାରୁ ପାଥୋଲୋଜିର ମାଲିକଙ୍କୁ ହୋମ୍ କ୍ବାରେଣ୍ଟାଇନରେ ରହିବା ପାଇଁ ନିର୍ଦ୍ଦେଶ ଦିଆଯାଇଛି ।
ସୂଚନାନୁଯାୟୀ, ବୁଗୁଡା ସହର ଅରବିନ୍ଦ ନଗର ତୃତୀୟ ଲାଇନ୍ରେ ଥିବା ଜଣଙ୍କ ଘରକୁ ମଙ୍ଗଳବାର ଦିନ ତାଙ୍କ ସଂପର୍କୀୟ ଜଣେ ଆସିଥିଲେ। ତାଙ୍କ ଘର ଓଡଗାଁ ଥାନା ଅଞ୍ଚଳରେ। ସେ ଉକ୍ତ ଦିନ ସଂପର୍କୀୟଙ୍କ ଘରକୁ ଆସି ପହଞ୍ଚି ତାଙ୍କ ଘରେ ରହି ଖିଆପିଆ କରିଥିଲେ। ଏଥି ସହ ସେ ସ୍ଥାନୀୟ ଜ୍ୟୋତି ଏକ୍ସ ରେ ପାଥୋଲୋଜିରେ ତାଙ୍କ ରକ୍ତ ପରୀକ୍ଷା କରିଥିଲେ। ଏଥିପୂର୍ବରୁ ତାଙ୍କର କରୋନା ସଂକ୍ରମଣ ରିପୋର୍ଟ ସ୍ଥାନୀୟ ପ୍ରଶାସନ ପାଖରେ ପହଞ୍ଚିବା ପରେ ପ୍ରଶାସନ ତାଙ୍କୁ ଖୋଜି ଶେଷରେ ଅରବିନ୍ଦ ନଗର ତୃତୀୟ ଲାଇନରେ ତାଙ୍କ ସଂପର୍କୀୟଙ୍କ ଘରକୁ ଆସିଥିବା ଜାଣିବାକୁ ପାଇଥିଲେ। ସେହି ଦିନ ବାଇକରେ ତାଙ୍କ ପୁତୁରା ବାଇକରେ ତାଙ୍କ ଓଡଗାଁ ଅଞ୍ଚଳରେ ଥିବା ଘରକୁ ନେଇଥିଲେ। ଏ ସବୁ ଘଟଣା ଘଟିଲା ପରେ ବୁଗୁଡା ବିଡିଓ ତନ୍ମୟ ପାତ୍ର, ତହସିଲଦାର ସଂଗ୍ରାମ କେଶରୀ ଜେନା,ଏନ୍ଏସି ନିର୍ବାହୀ ରଶ୍ମୀ ରଞ୍ଜନ ଦାସ ଅରବିନ୍ଦ ନଗର ତୃତୀୟ ଲାଇନ୍ରେ ପହଞ୍ଚି ଘଟଣାର ଛାନ୍ ଭିନ୍ କରି ଉକ୍ତ ପରିବାରର କଣ୍ଟାକ୍ଟ ଟ୍ରେସିଂ କରିବା ସହ ସମ୍ପୃକ୍ତ ପରିବାରଲୋକଙ୍କୁ ବାହାରକୁ ନ ବାହାରିବା ପାଇଁ ନିର୍ଦ୍ଦେଶ ଦେଇଥିଲେ। ଏଥିସହ ସେମାନଙ୍କୁ ହୋମ କ୍ବାରେଣ୍ଟାଇନରେ ରଖାଯାଇଥିଲା। ଏହାପରେ କରୋନା ସଂକ୍ରମିତ ହୋଇଥିବା ବ୍ୟକ୍ତି ଜଣଙ୍କ ସ୍ଥାନୀୟ ଜ୍ୟୋତି ଏକ୍ସରେ ପାଥୋଲୋଜିଠାରେ ରକ୍ତ ପରୀକ୍ଷା କରିଥିବା ଯୋଗୁ ଏନ୍ଏସି ପକ୍ଷରୁ ମଙ୍ଗଳବାର ରାତିରେ ଉକ୍ତ ପାଥୋଲୋଜିକୂ ସିଲ୍ କରାଯାଇଥିବା ଜଣାପଡ଼ିଛି।
