ପୁରୁଷୋତ୍ତମପୁର,୧୧।୧୨(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ସବରେଜିଷ୍ଟର ଅଫିସରେ ଜମି ଦୁର୍ନିତିର ପର୍ଦ୍ଦାପାଶ ହୋଇଛି। ଜମିର ପ୍ରକୃତ ମାଲିକ ମୃତ୍ୟୁବରଣ କରିଥିବା ସତ୍ତ୍ବେ ଅନ୍ୟ ଜଣେ ବ୍ୟକ୍ତି ନିଜକୁ ଜମି ମାଲିକ ଦର୍ଶାଇ ଜାଲ ଆଧାର କାର୍ଡ ପ୍ରସ୍ତୁତ କରି ଜମିକୁ ବିକ୍ରି କରିଦେଇଛନ୍ତି। ଏହି ଘଟଣା ଏଠାରେ ଚର୍ଚ୍ଚାର ବିଷୟ ପାଲଟିଥିବାବେଳେ ଏନେଇ ଗତମାସ ୨୫ ତାରିଖରେ ଗଣମାଧ୍ୟମରେ ମଧ୍ୟ ଖବର ପ୍ରକାଶ ପାଇଛି। ଏପରିକି ଏହି ଘଟଣାକୁ ଲୋକେ ଗୁରୁତର ସହ ନେଇ ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣି ଓ ଗଞ୍ଜାମ ଜିଲାପାଳଙ୍କୁ ମଧ୍ୟ ଅନଲାଇନ ଯୋଗେ ଅଭିଯୋଗ ଜଣାଇଛନ୍ତି। ହେଲେ ଏଯାବତ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଇନାହିଁ। ଏହାକୁ ନେଇ ଲୋକେ ପ୍ରଶାସନକୁ ଆଙ୍ଗୁଳି ନିର୍ଦ୍ଦେଶ କରି କହିଛନ୍ତି ଯେ, ଜିଲା ପ୍ରଶାସନ କାହା ଚାପରେ ଚୁପ ରହିଛନ୍ତି ନା ଦୁର୍ନିତିଖୋରଙ୍କୁ ଘୋଡାଇବାରେ ଲାଗି ଘଟଣାକୁ ଚାପିଦେବାକୁ ବସିଛନ୍ତି ବୋଲି ପ୍ରଶ୍ନ କରିଛନ୍ତି।
ଅପରପକ୍ଷରେ ସବରେଜିଷ୍ଟରଙ୍କ ପକ୍ଷରୁ ମଧ୍ୟ କୌଣସି ପଦକ୍ଷେପ ନିଆଯାଇ ନ ଥିବା ଘଟଣା ଏକପ୍ରକାର ସଂଦେହ ଘେରକୁ ଆସିଛି । ଏହାକୁ ନେଇ ସବରେଜିଷ୍ଟର କାଳୀପ୍ରସାଦ ଧଳଙ୍କ ସହ ଯୋଗାଯୋଗ କରାଯିବାରୁ ସେକହିଛନ୍ତି ଯେ ଏହିଘଟଣାକୁନଇ ଅତିରିକ୍ତଜିଲ୍ଲାପାଳଙ୍କୁ ଜଣାଇ ଏଥିପ୍ରତି କଣ ପଦକ୍ଷେପନିଆଯିବ ସେଥିନେଇ ସାଜେସନ ମାଗିଛି ମାତ୍ର କୌଣସି ଉତ୍ତର ଆସିନଥିବାରୁ କାର୍ୟଯାନୁଷ୍ଟାନ ନିଆଯାଇପାରିନଥିବାର କହିବା ସହ ଜମିକୁ କିଣିଥିବା ୍ଯଯକ୍ତି ଗତ ୧୦ଦିନତଳେ ପୁଣି ସେହିଜମିକୁ ବିକ୍ରିଲାଗି ଡକୁମେଣ୍ଟ ଦାଖଲ କରିଥିବାବେଳେ ତାହାକୁ ବାତିଲ କରିଦିଆଯାଇଥିବାର ନେଇ ୍ଯ୍ଯଯଯ କହିଛନ୍ତି।
ସୂଚନାଯୋଗ୍ୟ ଯେ, ଗଞ୍ଜାମ ଜିଲା ପୁରୁଷୋତ୍ତମପୁର ତହସିଲ ଅନ୍ତର୍ଗତ ରାଣିଗାଁ ମୌଜାରେ ବଡବରଗାଁର ଦଣ୍ଡପାଟ ବାଉରିଦୋରା ପିତା ଦଣ୍ଡପାଟ କ୍ରିଷ୍ଣାମା ଦୋରାଙ୍କ ନାମରେ ଥିବା (ଖାତା ନଂ ୩୯୦) ୨ଟି ପ୍ଲଟରେ ଥିବା ବିଲ ପ୍ଲଟନଂ ୩୦୬୨ ଓ ପ୍ଲଟନଂ ୩୦୬୩ ରହିଥିବାବେଳେ ସେ ଗତ ୨୦୧୦ ଡିସେମ୍ବର ମାସରୁ ମୃତ୍ୟୁବରଣ କରିସାରିଛନ୍ତି। ମାତ୍ର ତାଙ୍କର ଏହି ଜମିକୁ ପୁରୁଷୋତ୍ତମପୁର ଥାନା ଅନ୍ତର୍ଗତ କୋଳାସିଙ୍ଗି ଗ୍ରାମର ପି.ମହେନ୍ଦ୍ର ଦୋରା ପିତା ପି.ରାମଚନ୍ଦ୍ର ଦୋରା (ଆଧାର କାର୍ଡ ନଂ ୩୩୯୨୭୨୧୦୫୪୩୮) ନାମକ ବ୍ୟକ୍ତି ଦଣ୍ଡପାଟ ବାଉରି ଦୋରାଙ୍କ ନାମରେ ନକଲି ଆଧାରକାର୍ଡ ପ୍ରସ୍ତୁତ କରି ବଡଖରିଡା ପଞ୍ଚାୟତ ବୀରଜଗନ୍ନାଥପୁର ଗ୍ରାମର ଭ୍ଯଯଯଲତା ମହାପାତ୍ରଙ୍କୁ ଜମି ବିକ୍ରି କରିଦେଇଛନ୍ତି। ଏହି ନକଲି ଜମିମାଲିକଙ୍କ ସମେତ ପୁରୁଷୋତ୍ତମପୁର ଗଡସାହିର କେଶାର୍ପୁ ଆମୋଜିଆମ୍ମା ଦୋରା ସ୍ବାମୀ କେଶାର୍ପୁ ରଘୁନାଥ ଦୋରା, କେଶାର୍ପୁ ନିଶାରାଣୀ ଦୋରା ସ୍ବାମୀ କେଶାର୍ପୁ ଲକ୍ଷ୍ମୀନାରାୟଣ ଦୋରା, କେଶାର୍ପୁ ଶ୍ରୀରାମ ଦୋରା ପିତା କେଶାର୍ପୁ ଲକ୍ଷ୍ମୀନାରାୟଣ ଦୋରା ପ୍ରମୁଖ ଏହି ଜମିରେ ବିକ୍ରେତା ଭାବରେ ରହିଛନ୍ତି।
Dharitri – Odisha’s No.1 Odia Daily
