ବଇଣ୍ଡା, ୧୯ା୮(ଡି.ଏନ.ଏ.) – ଜଙ୍ଗଲିଆ ଗଁ। ଭାବି ପ୍ରଶାସନ ଯେଉଁ ଗ୍ରାମବାସୀଙ୍କୁ ଦୀର୍ଘବର୍ଷ ହେଲା ଅବହେଳା କରିଆସିଥିଲା ସେହି ଗ୍ରାମବାସୀ ଓ ଯୁବଗୋଷ୍ଠୀ ସ୍ବାଧୀନତା ଦିବସ ଅବସରରେ ନୂଆ ଉଦାହରଣ ସୃଷ୍ଟି କରିଛନ୍ତି। ଦୀର୍ଘଦିନର ରାସ୍ତା ସମସ୍ୟାର ସାମୟିକ ସମାଧାନ କରିବା ସହ ଡ୍ରେନ୍ ନିର୍ମାଣ କରି ସାଧାରଣରେ ପ୍ରଶଂସା ପାଇପାରିଛନ୍ତି।
ପ୍ରଶାସନ ଦ୍ୱାରା ଉପେକ୍ଷାର ଶିକାର ହୋଇଥିବା ଏହି ଗଁ। ହେଲା କିଶୋରନଗର ବ୍ଲକ ନାକିଚି ପଞ୍ଚାୟତ ଖୋଲଡଙ୍ଗିଆଣୀ। ଗ୍ରାମର ସତ୍ୟଜିତ ପ୍ରଧାନ, ଯୁବ ପରିଷଦ ସଭାପତି ଦୁଷ୍ମନ୍ତ ପ୍ରଧାନ, ସୌମ୍ୟଜିତ ବେହେରା ପ୍ରମୁଖ କହିଛନ୍ତି, ଗ୍ରାମ ଲେଭଲ କ୍ରସିଂଠାରୁ ଗଁ। ଶେଷ ପର୍ଯ୍ୟନ୍ତ ଦେଢ଼ କିଲୋମିଟର ମାଟି ରାସ୍ତା ଶୋଚନୀୟ ଅବସ୍ଥାରେ ରହିଛି। ପଞ୍ଚାୟତ ଅଧୀନରେ ଥିବା ଏହି ରାସ୍ତା ଉପରେ ୩ ଶହରୁ ଊର୍ଦ୍ଧ୍ୱ ଲୋକେ ନିର୍ଭର କରୁଥିଲେ ହେଁ ଏହାକୁ ମରାମତି କି କଂକ୍ରିଟ କରାଯାଉନାହିଁ। ୨୦୧୫ରୁ ପକ୍କା କରିବାକୁ ବାରମ୍ବାର ଲୋକପ୍ରତିନିଧିଙ୍କ ଦୃଷ୍ଟି ଆକର୍ଷଣ କରାଯାଉଥିଲେ ମଧ୍ୟ ସୁଫଳ ମିଳିନାହିଁ। ବର୍ଷାଯୋଗୁ ଯାତାୟାତ କଷ୍ଟକର ହୋଇପଡିବାରୁ ପ୍ରଶାସନକୁ ଆଉ ଅପେକ୍ଷା ନ କରି ମରାମତି ସହ ଡ୍ରେନ୍ ନିର୍ମାଣ କରିବାକୁ ଖୋଲଡଙ୍ଗିଆଣୀ ଯୁବ ପରିଷଦ ସଦସ୍ୟ ଓ ଗ୍ରାମବାସୀ ନିଷ୍ପତ୍ତି ନେଇଥିଲେ। ସମସ୍ତେ ମିଶି ମାଟି ପକାଇ ଖାଲଖମା ପୋତିବା ସହ ବର୍ଷାଜଳ ନିଷ୍କାସନ ପାଇଁ ବ୍ୟବସ୍ଥା କରିଛନ୍ତି। ଏଥିରେ ସିଲନ ବେହେରା, ସୁଜିତ ସାହୁ, ଶିପୁନ ପ୍ରଧାନ, ଦିପୁ ପ୍ରଧାନ, ସୌମ୍ୟ ସାହୁ ପ୍ରମୁଖ ସହଯୋଗ କରିଥିଲେ। ଏ ନେଇ ନାକିଚି ସରପଞ୍ଚ ପ୍ରଶାନ୍ତ ଦିଆଣି କହିଛନ୍ତି, ଉକ୍ତ ରାସ୍ତାରେ ପଞ୍ଚାୟତ ସମିତି ପକ୍ଷରୁ ୨୦୧୮-୧୯ରେ ମାଟି ମୋରମ ପକାଯାଇଥିଲା। ଗ୍ରାମବାସୀ କଂକ୍ରିଟ ରାସ୍ତା ନିର୍ମାଣ କରିବାକୁ ଦରଖାସ୍ତ ଦେଲେ ସରକାରଙ୍କୁ ଅବଗତ କରାଯିବ।
