ଗୋଦାମ ତାଲା ଭାଙ୍ଗି ହିତାଧିକାରୀଙ୍କୁ ଚାଉଳ ଦେଲା ପ୍ରଶାସନ

ଦଶମନ୍ତପୁର, ୫।୬ ( ଡି.ଏନ୍‌.ଏ.): କୋରାପୁଟ ଜିଲା ଦଶମନ୍ତପୁର ବ୍ଲକ ଲୁଲ୍ଲା ପଞ୍ଚାୟତରେ ୫ଟି ସ୍ବୟଂ ସହାୟକ ଗୋଷ୍ଠୀ (ଏସ୍‌ଏଚ୍‌ଜି) ପକ୍ଷରୁ ଗୋଦାମ ଗୃହରେ ପକାଯାଇଥିବା ତାଲାକୁ ଶନିବାର ପ୍ରଶାସନ ପକ୍ଷରୁ ଭଙ୍ଗାଯାଇଛି। ଏହି ଏସ୍‌ଏଚ୍‌ଜି ମହିଳାମାନେ ହିତାଧିକାରୀଙ୍କୁ ଚାଉଳ ବଣ୍ଟନ କରିବେ ବୋଲି ଜିଦ୍‌ ଧରି ଗୋଦାମ ଗୃହରେ ତାଲା ପକାଇଥିଲେ। ଫଳରେ ପିଡିଏସ୍‌ ସାମଗ୍ରୀ ନେବାକୁ ଆସି ବହୁ ହିତାଧିକାରୀ ନିରାଶରେ ଫେରୁଥିଲେ।
ଖବରରୁ ଜଣାପଡ଼ିଛି, ଲୁଲ୍ଲା ପଞ୍ଚାୟତରେ ୧୮୩୫ ଜଣ ହିତାଧିକାରୀ ରହିଛନ୍ତି। ପଞ୍ଚାୟତ ପକ୍ଷରୁ ହିତାଧିକାରୀଙ୍କୁ ପିଡିଏସ୍‌ ଚାଉଳ ବଣ୍ଟନ ହୋଇ ଆସୁଥିଲା। ତେବେ ଅନେକ ସମୟରେ ହିତାଧିକାରୀ ଚାଉଳ ପାଇବାରେ ହଇରାଣ ହେଉଥିଲେ। କାହାକୁ ଓଜନରେ ଠକାଯାଉଥିଲା ତ କାହାକୁ ତୁମ ଆଧାର କାର୍ଡ ଲିଙ୍କ୍‌ ନାହିଁ ଅଥବା ତୁମର ତାଲିକାରେ ନାଁ ନାହିଁ କହି ଫେରାଇ ଦିଆଯାଉଥିଲା। ଫଳରେ ଦୂରଦୂରାନ୍ତରୁ ଆସୁଥିବା ହିତାଧିକାରୀମାନେ ନାହିଁ ନ ଥିବା ହଇରାଣ ହେଉଥିଲେ। ଏହାକୁ ଦୃଷ୍ଟିରେ ରଖି ଲୁଲ୍ଲା ପଞ୍ଚାୟତର ଦାଦିବୁଡ଼ା ଏସ୍‌ଏଚ୍‌ଜି, କ୍ରିଷ୍ଣା କାବେରୀ ଏସ୍‌ଏଚ୍‌ଜି, ମାଁ ନିଶାଣୀ ମୁଣ୍ଡା ଏସ୍‌ଏଚ୍‌ଜି, ବୃନ୍ଦାବତୀ ଏସ୍‌ଏଚ୍‌ଜି ଏବଂ ମା ଦୁର୍ଗା ଏସ୍‌ଏଚ୍‌ଜିର ମହିଳାମାନେ ୨୫ା୫ା୨୨ରେ ସବୁ ହିତାଧିକାରୀଙ୍କୁ ପିଡିଏସ୍‌ ଚାଉଳ ଯୋଗାଇବେ ବୋଲି ବ୍ଲକ ପ୍ରଶାସନକୁ ଅବଗତ କରି ଏଥିପାଇଁ ସେମାନଙ୍କୁ ଦାୟିତ୍ୱ ଦେବାକୁ ନିବେଦନ କରିଥିଲେ। ଏନେଇ ବ୍ଲକ ପ୍ରଶାସନ କୌଣସି ପଦକ୍ଷେପ ନ ନେବାରୁ ସେମାନେ ୨୬ା୫ା୨୨ରେ ଗୋଦାମଗୃହରେ ତାଲା ପକାଇ ଦେଇଥିଲେ। ତାଲା ଖୋଲିବା ଲାଗି ପ୍ରଶାସନ ପକ୍ଷରୁ ସମ୍ପୃକ୍ତ ଏସ୍‌ଏଚ୍‌ଜି ମହିଳାଙ୍କ ସହ ଆଲୋଚନା ହୋଇଥିଲେ ମଧ୍ୟ କୌଣସି ସୁଫଳ ମିଳି ନ ଥିଲା। ହିତାଧିକାରୀମାନେ ଚାଉଳ ପାଇବାରୁ ବଞ୍ଚତ୍ତ ହେଉଥିଲେ। ଏହାକୁ ଗୁରୁତର ସହ ନେଇ ପ୍ରଶାସନ ପକ୍ଷରୁ ଶନିବାର ମାଜିଷ୍ଟ୍ରେଟ ତଥା ତହସିଲଦାର ଅଜୟ ପ୍ରକାଶ ତିର୍କୀ, ଥାନା ଅଧିକାରୀ ବିଜୟରାଜ ମାଝି, ସେକେଣ୍ଡ ଅଫିସର ନିର୍ମଳା ଲିମା, ବ୍ଲକ ଯୋଗାଣ ନିରୀକ୍ଷଣ ଅଧିକାରୀ ପ୍ରଭାତ ରଞ୍ଜନ ଶତପଥୀ, ଲୁଲ୍ଲା ପିଇଓ କେତନ ହାଲବା, ଲୁଲା ସରପଞ୍ଚଙ୍କ ଉପସ୍ଥିତିରେ ଗୋଦାମ ଗୃହରୁ ତାଲା ଭଙ୍ଗାଯାଇଥିଲା। ଏହି ସମୟରେ ସେଠାରେ ୨ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିଲା। ୩ ଘଣ୍ଟା ଧରି ଏସ୍‌ଏଚ୍‌ଜି ମହିଳାମାନଙ୍କୁ ଉପସ୍ଥିତ ପ୍ରଶାସନିକ ଅଧିକାରୀମାନେ ବୁଝାଇବା ପରେ ସେମାନେ ନ ବୁଝି ନିଜ ଜିଦ୍‌ରେ ଅଟଳ ରହିବାରୁ ଶେଷରେ ତାଲା ଭଙ୍ଗାଯିବାକୁ ନିଷ୍ପତ୍ତି ହୋଇଥିଲା। ତାଲା ଭଙ୍ଗାଯିବା ପରେ ହିତାଧିକାରୀଙ୍କୁ ଚାଉଳ ବଣ୍ଟନ କରାଯାଇଥିବା ଜଣାପଡିଛି।


Enter your email to get our daily news in your inbox.

All Right Reserved By Dharitri.Com

ବ୍ଲକ ପରିସରରେ ସିଆଡି ଚାରା ନଷ୍ଟ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ସରକାର ବନୀକରଣକୁ ପ୍ରାଧାନ୍ୟ ଦେଇ ବିଭିନ୍ନ ସରକାରୀ କାର୍ଯ୍ୟକ୍ରମରେ ଚାରାରୋପଣ କରିବାକୁ ଗୁରୁତ୍ୱ ଦେଉଛନ୍ତି। କୋରାପୁଟ ଜିଲା ନନ୍ଦପୁର ବ୍ଲକ ପ୍ରଶାସନ ଚାରାରୋପଣ…

ସୀମାନ୍ତରେ ବିବାଦ ବଢ଼ାଉଛି ଦ୍ୱୈତ ଭୋଟର କାର୍ଡ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ଭୋଟର ପରିଚୟ ପତ୍ର ପ୍ରସ୍ତୁତି ଓ ଯାଞ୍ଚ ପ୍ରକ୍ରିୟାରେ ଥିବା ତ୍ରୁଟିପୂର୍ଣ୍ଣ ବ୍ୟବସ୍ଥା ଯୋଗୁ ଜଣେ ବ୍ୟକ୍ତି ୨ ରାଜ୍ୟର କାର୍ଡ ତିଆରି…

ଜୟପୁରରେ ବଡ଼ ଧରଣର ଲୁଟ୍‌

ଜୟପୁର,୧୪ା୧୧(ପବନ ପାଣିଗ୍ରାହୀ)- କୋରାପୁଟ ଜିଲା ଜୟପୁର ସହରରେ ଜଣକ ଘର ଭିତରେ ପଶି ମାରଣାସ୍ତ୍ର ଦେଖାଇ ଦୁର୍ବୃତ୍ତମାନେ କୋଟିଏରୁ ଊର୍ଦ୍ଧ୍ୱ ଟଙ୍କାର ସୁନାଗହଣା ସହ ୧୮ ଲକ୍ଷ…

ଦେଶ ବଞ୍ଚାଅ, ଅରାଜକତା ହଟାଅ ନାରାରେ ଭାଜପାର ବିଶାଳ ଶୋଭାଯାତ୍ରା

କୋରାପୁଟ,୧୪ା୧୧(ଅମିତାଭ ବେହେରା): ‘ଦେଶ ବଞ୍ଚାଅ, ଅରାଜକତା ହଟାଅ’ ନାରା ଦେଇ କୋରାପୁଟ ଜିଲା ଭାଜପା ପକ୍ଷରୁ ଏକ ବିଶାଳ ଶୋଭାଯାତ୍ରା ଆୟୋଜିତ ହୋଇଛି। ଜିଲାର ସମସ୍ତ ବ୍ଲକ୍‌ରୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?