ଆମଷ୍ଟରଡାମ,୧୨।୯: ୪୧ ବର୍ଷ ବୟସରେ ନେଦରଲାଣ୍ଡ୍ସର ଜାତୀୟ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି ରିଆନ ଟେନ ଡୋଚେଟ୍। ଏହି ଅଭିଜ୍ଞ ଅଲରାଉଣ୍ଡରଙ୍କୁ ଆଗାମୀ ଟି୨୦ ବିଶ୍ୱକପ୍ ଲାଗି ଘୋଷିତ ପିଟର ସିଲାରଙ୍କ ନେତୃତ୍ୱାଧୀନ ଦଳରେ ସ୍ଥାନ ମିଳିଛି। ଦୀର୍ଘ ୨ ବର୍ଷ ପରେ ଡୋଚେଟ୍ ଜାତୀୟ ଦଳକୁ ଫେରିଛନ୍ତି। ସେ ଅନ୍ତିମ ଥର ୨୦୧୯ରେ ପପୁଆ ନ୍ୟୁ ଗିନି ବିପକ୍ଷରେ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ।
୨୦୦୬ରେ ଅନ୍ତର୍ଜାତୀୟ ସ୍ତରରେ ପଦାର୍ପଣ କରିଥିବା ଅଲରାଉଣ୍ଡର ଏପର୍ଯ୍ୟନ୍ତ ୩୩ ଦିନିକିଆ ଓ ୨୨ ଟି୨୦ ମ୍ୟାଚ୍ ଖେଳିଛନ୍ତି। ଦିନିକିଆରେ ୫ ଶତକ ଓ ୯ ଅର୍ଦ୍ଧଶତକ ସହ ୧,୫୪୧ ରନ୍ କରିଥିବା ବେଳେ ତାଙ୍କ ଟି୨୦ କ୍ୟାରିୟରରେ ୩ ଅର୍ଦ୍ଧଶତକ ସହ ୫୩୩ ରନ୍ ରହିଛି। ଅନ୍ତର୍ଜାତୀୟ କ୍ରିକେଟକୁ ଛାଡ଼ି ଦେଲେ ଡୋଚେଟ୍ ଆଇପିଏଲ ଭଳି ବିଭିନ୍ନ ଟି୨୦ ଲିଗ୍ରେ ବେଶ ସକ୍ରିୟ ଅଛନ୍ତି।
