ଜୋହାନ୍ସବର୍ଗ,୪।୧: ସ୍ଥାନୀୟ ଓ୍ବାଣ୍ଡରର୍ସ ଷ୍ଟାଡିୟମରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚ୍ର୨ୟ ଦିନରେ ପ୍ରତିପକ୍ଷ ଦକ୍ଷିଣ ଆଫ୍ରିକା ପାଇଁ ଏକା ଯଥେଷ୍ଟ ସାବ୍ୟସ୍ତ ହୋଇଛନ୍ତି ଶାର୍ଦ୍ଦୁଳ ଠୁକର। ମଙ୍ଗଳବାର ଭାରତୀୟ ଦଳର ଅନ୍ୟ ସମସ୍ତ ବୋଲରଙ୍କ ହାତ ଖାଲି ରହିଥିବା ବେଳେ ଶାର୍ଦ୍ଦୁଳ ହାତେଇଛନ୍ତି ଲଗାତାର ୫ ଉଇକେଟ। ଏହା ତାଙ୍କ ଅନ୍ତର୍ଜାତୀୟ କ୍ୟାରିୟରର ପ୍ରଥମ ୫ ଉଇକେଟ ସଫଳତା।
ପ୍ରଥମେ ଅଧିନାୟକ ଡିନ ଏଲଗାର (୨୮)ଙ୍କୁ ଉଇକେଟ କିପର ରିଷଭ ପନ୍ତଙ୍କ ହାତରେ କ୍ୟାଚ୍ ଆଉଟ୍ କରି ଟିମ୍ ଇଣ୍ଡିଆକୁ ଆଣି ଦେଇଥିଲେ ଗୁରୁତ୍ୱପୂର୍ଣ୍ଣ ବ୍ରେକଥ୍ରୁ। ଏହାର ୬ ଓଭର ମଧ୍ୟରେ ଅର୍ଦ୍ଧଶତକ ପୂରଣ କରି ସାରିଥିବା କିଗାନ ପିଟରସନ (୬୨ ରନ୍, ୯ ଚୌକା) ଓ ରାସି ଭାନ ଡର ଡୁସେନ (୧)ଙ୍କୁ ପ୍ୟାଭିଲିଅନ ପଠାଇଥିଲେ। ଏହାପରେ ତେମ୍ବା ବଭୁମା (୫୧ ରନ, ୬ ଚୌକା ଓ ୧ ଛକା) ଏବଂ କାଇଲ ଭରେୟନ୍ନେ (୨୧) ୫ମ ଉଇକେଟ ପାଇଁ ଦଳୀୟ ସ୍କୋରରେ ଯୋଡ଼ିଥିଲେ ୬୦ ରନ୍। ଶାର୍ଦ୍ଦୁଳ ତାଙ୍କର ପରବର୍ତ୍ତୀ ସ୍ପେଲରେ ଉଭୟଙ୍କୁ ଆଉଟ୍ କରି ୫ ଉଇକେଟ ପୂରଣ କରିଥିଲେ। ତାଙ୍କ ପରେ ମହମ୍ମଦ ଶାମି ଆଉ ଏକ ଉଇକେଟ ହାତେଇବାରୁ ଘରୋଇ ଦକ୍ଷିଣ ଆଫ୍ରିକା ୧୮୪ ରନ୍ ମଧ୍ୟରେ ୭ ଉଇକେଟ ହରାଇ ସଙ୍କଟରେ ପଡ଼ିଛି। ଦଳକୁ ଇନିଂସ ଅଗ୍ରଣୀ ପାଇଁ ୧୯ ରନ୍ ଦରକାର ଥିବା ବେଳେ ହାତରେ ଆଉ ୩ ଉଇକେଟ ରହିଛି। ପୂର୍ବରୁ ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଭାରତୀୟ ଦଳ ୨୦୨ ରନ୍ରେ ଅଲଆଉଟ୍ ହୋଇଯାଇଥିଲା।
