ସିଓଲ,୩୦।୧୧ : ଦକ୍ଷିଣ କୋରିଆ, ଚାଇନା ଏବଂ ରୁଷିଆ ମଧ୍ୟରେ ତିକ୍ତତା ବୃଦ୍ଧି ପାଇବାର ଆଶଙ୍କା ସୃଷ୍ଟି ହୋଇଛି। ଖବର ମୁତାବକ ଚାଇନା ଏବଂ ରୁଷିଆର ଯୁଦ୍ଧ ବିମାନ ଦକ୍ଷିଣ କୋରିଆର ବାୟୁ ପ୍ରତିରକ୍ଷା ଜୋନରେ ପ୍ରବେଶ କରିଛି।
ଦକ୍ଷିଣ କୋରିଆର ୟୋନହାପ ନ୍ୟୁଜ ଏଜେନ୍ସି କହିଛି ଯେ ଦୁଇଟି ଚାଇନା ଏବଂ ରୁଷିଆର ଯୁଦ୍ଧ ବିମାନ ପୂର୍ବ ସୂଚନା ବିନା ଦକ୍ଷିଣ କୋରିଆର ବାୟୁସୀମାରେ ପ୍ରବେଶ କରିଛି।
ସିଓଲର ଯୁଗ୍ମ ମୁଖ୍ୟମାନେ କହିଛନ୍ତି ଯେ ଚାଇନାର ଏଚ-୬ ବୋମା ବିସ୍ଫୋରଣକାରୀ ବିମାନ ଭୋର ୫ଟା ୫୦ରେ ଦକ୍ଷିଣ ଏବଂ ଉତ୍ତର ପୂର୍ବ ଉପକୂଳରୁ ବାୟୁ ପ୍ରତିରକ୍ଷା ଜୋନ ଭିତରକୁ ପ୍ରବେଶ କରି ବାହାରକୁ ଯାଇଥିଲେ। କିଛି ଘଣ୍ଟା ପରେ ଏହି ବିମାନଗୁଡ଼ିକ ଜାପାନ ସାଗରରୁ ପୁନର୍ବାର ବାୟୁ ପ୍ରତିରକ୍ଷା ଜୋନରେ ପ୍ରବେଶ କରିଥିଲେ ବୋଲି ସେ କହିଛନ୍ତି। ଏଥିମଧ୍ୟରେ ଟିୟୁ-୯୫ ବୋମା ବିସ୍ଫୋରଣକାରୀ ଏବଂ ଏସୟୁ-୩୫ ଯୁଦ୍ଧ ବିମାନ ସମେତ ରୁଷିଆର ଯୁଦ୍ଧ ବିମାନ ସାମିଲ ଥିଲା।
