ଲଣ୍ଡନ,୩୦।୭: କରୋନା ଏବେ ସାରା ବିଶ୍ୱରେ ହଇଚଇ ସୃଷ୍ଟି କରିଛି। କେତେକ ଦେଶରେ ପରିସ୍ଥିତି ଚିନ୍ତାଜନକ। ଏହି ସମୟରେ, କିଛି ଲୋକ ଅଛନ୍ତି ଯେଉଁମାନେ କରୋନା ସହ ଲଢିବା ପାଇଁ ସମସ୍ତ ପ୍ରୟାସ କରୁଛନ୍ତି। ଏଥିମଧ୍ୟରେ ଜଣେ ପାଞ୍ଚ ବର୍ଷର ଶିଶୁ ସାମିଲ ହୋଇଛନ୍ତି। ସେ ଭାରତରେ କରୋନା ପାଣ୍ଠି ସଂଗ୍ରହ ପାଇଁ ୩୨୦୦ କିଲୋମିଟର ସାଇକେଲ ଚଳାଇ ପ୍ରାୟ ୩.୭ ଲକ୍ଷ ଟଙ୍କା ସଂଗ୍ରହ କରିଛନ୍ତି। ଏହି ଶିଶୁଟିର ନାମ ଅନିଶ୍ୱର କୁଞ୍ଚାଲା। ସେ ବ୍ରିଟେନରେ ରୁହନ୍ତି। ସେ ମେ ୨୭ରେ ତାଙ୍କର ୬୦ ଜଣ ସାଙ୍ଗଙ୍କ ସହ ମିଶି ଏହି ଅଭିଯାନ ଆରମ୍ଭ କରିଥିଲେ। ଏହାର ନାମ ଥିଲା ଲିଟିଲ ପେଡଲର୍ସ ଅନିଶ ଏବଂ ତାଙ୍କ ବନ୍ଧୁ। ଏହି ଅଭିଯାନରେ ସେ ୩୨୦୦ କିଲୋମିଟର ସାଇକେଲ ଚଳାଇଥିଲେ। ଏଥିରେ ଭାରତ ବ୍ୟତୀତ ଆମେରିକାର ଲୋକମାନେ ମଧ୍ୟ ତାଙ୍କୁ ସମର୍ଥନ କରିଥିଲେ। ସେ ସବୁ ସ୍ଥାନରୁ ଦାନ ପାଇଥିଲେ। ି ଅନିଶ୍ୱର କହିଛନ୍ତି ଯେ ସେ ଆହୁରି ଅଧିକ ଲୋକଙ୍କୁ ସାହାଯ୍ୟ କରିବା ସହ ଅଧିକ ଚ୍ୟାଲେଞ୍ଜ ମଧ୍ୟ ନେବାକୁ ଚାହାଁନ୍ତି।
ସୂଚନାଯୋଗ୍ୟ, ଅନିଶ୍ୱରଙ୍କ ମାତାପିତାଙ୍କ ଘର ଆନ୍ଧ୍ରପ୍ରଦେଶର ଚିତ୍ତୋର। ବର୍ତ୍ତମାନ ସେମାନେ ଇଂଲଣ୍ଡରେ ରୁହନ୍ତି। ଏହା ପ୍ରଥମ ଥର ନୁହେଁ ଅନିଶ୍ବର ଲୋକମାନଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି। ଏହା ପୂର୍ବରୁ ମଧ୍ୟ ସେ ଲୋକଙ୍କୁ ସାହାଯ୍ୟ କରିଛନ୍ତି। ବ୍ରିଟେନରେ କରୋନା ମହାମାରୀର ମୁକାବିଲା ପାଇଁ ଜାତୀୟ ସ୍ବାସ୍ଥ୍ୟ ସେବାକୁ ସମର୍ଥନ କରିବା ପାଇଁ ସେ ଏକ କ୍ରିକେଟ ଚାମ୍ପିଅନଶିପ୍ ମଧ୍ୟ ଆୟୋଜନ କରିଥିଲେ।
